Rome 16:18 - Nǫ̀htsı̨ Nı̨htł'è

¹⁸ Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

Rome 16:18 ပူးပေါင်းရင်းမြစ်များ

Matthew 24:11

Eyıts'ǫ nakwenàoɂǫǫ ehkw'ı agedı-le łǫ agode ha, dǫ łǫ ghǫyageeɂà ha.

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

Matthew 6:24

“Dǫ wı̨ı̨zìı k'àowo nàke gha eghàlaeda ha dìì. K'àowo ı̨łè ghǫneètǫ ha eyıts'ǫ ı̨łè nèlı̨ ha-le, eyıts'ǫ k'àowo ı̨łè k'èı̨t'e ha eyıts'ǫ ı̨łè wek'èı̨t'e ha-le. Nǫ̀htsı̨ eyıts'ǫ sǫǫ̀mba, į̀łah ełèht'eè gıgha eghàlats'eeda ha dìì hǫt'e.

Matthew 7:15

“Nakwenàoɂǫǫ ehkw'ı gogede-le sìı gıxoahdı. Sahzǫ̀ą nezı̨ı̨ degeetsı̨, hanìkò dìga wets'àhoejı̨ı̨ lagı̨ı̨t'e.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

Rome 14:18

Dǫ hanì Zezì gha geedaa sìı Nǫ̀htsı̨ wınì k'ę̀ę̀ aget'ı̨ hǫt'e, eyıts'ǫ dǫ sı gha nezı̨ı̨ aget'ı̨ hǫt'e.

Rome 16:19

Dǫ hazǫǫ̀ godı nezı̨ı̨ k'èaht'ee sìı ghǫ gıìkw'o hǫt'e, eyıt'à sıì naxıghǫ sınà hǫt'e. Hanìkò ayìı nezı̨ı̨ sìı wet'à goahsǫ ha naxeehwhǫ, eyıts'ǫ hołı̨ı̨-nàowoò wedę aahłe.

2 Corınth 11:3

Hanìkò Eve gòocho yeghǫyaàɂǫ xèht'eè naxı̨ sı naxıghǫyaeɂà aweahłe ha sǫnı dehwhǫ t'à naxıghǫ dehjı̨. Naxıdzeè t'à Zezì-Krı ghàdeahtı̨ ı̨lèe sìı eyı ch'à naxınì ekǫ-le ayele ha sǫnı.

2 Corınth 2:17

Dǫ łǫ gıxèht'eè eghàlats'eeda nıìle, Nǫ̀htsı̨ yatıì t'à dǫ ts'ǫ̀ gots'ede k'èxa gots'àɂeedì t'à sǫǫ̀mba ts'ehtsı̨ nıìle. Hanì nıìle, Nǫ̀htsı̨ dǫ ts'ǫ̀ goı̨hɂà ats'ı̨ı̨t'e t'à, Zezì-Krı wedahxà Nǫ̀htsı̨ wenadąą̀ ehkw'ı dǫ gıts'ǫ̀ gots'ede hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

Phılıppı 2:21

Dǫ hazǫǫ̀ edegha sìghà zǫ gı̨ı̨wǫ, hanìkò Zezì-Krı dànıwǫǫ sìı gıdaànıedè-le.

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

Colosse 2:4

Dǫ, nezı̨į̀ gogede t'à naxıghǫyagııɂà sǫ̀ǫ̀ dehwhǫ t'à anaxèehsı̨.

Colosse 3:24

Eyı wek'èxa gots'ǫ̀ K'àowo naxıda t'asìı whehłaa sìı naxıghàɂà ha wek'èahsǫ t'à hanì eghàlaahda welì. Gots'ǫ̀ K'àowo Zezì-Krı wegha eghàlaahda aaht'ı̨ hǫt'e.

2 Thessalonıca 2:10

Dǫ gıdıhołè ha sìı hołı̨ı̨ nàowoò hazǫǫ̀ xàɂaa t'à goghǫyaeɂà ha. Nàowo ehkw'ıı ghǫnegeètǫ-le xè edaxàgeeze ha gı̨ı̨wǫ-le t'à gıdıhołè ha.

1 Tımothy 6:5

Eyıts'ǫ dǫ gınì hołı̨ı̨ xè t'aats'ǫǫ̀ ełek'èch'a eghàlageedaà agohɂı̨. Dǫ haget'ı̨ı̨ sìı nàowo ehkw'ıı gıghǫ wedıhòłı̨, eyıts'ǫ Nǫ̀htsı̨ gha ts'eeda nı̨dè wet'à sǫǫ̀mba łǫ gots'ǫ at'į̀ gı̨ı̨wǫ.

James 1:1

Sı̨ James, Zezì-Krı eyıts'ǫ Nǫ̀htsı̨ gıcheekeè aht'e. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı dıı nèk'e dǫ nàgedèe gota-ts'ǫ̀ agejàa sìı gıts'ǫ̀ eehtł'è. Naxıxè sìghà welè.

2 Peter 2:3

Eyı dǫ hoghàgogeehtǫǫ sìı t'asìı gha egedì-le t'à ededı̨ godı gèhtsı̨ı̨ sìı t'à naxıxè gogedo. Whaà gots'ǫ nàgeekwa ha gıgha hòɂǫ hǫt'e, hanìkò amìı godıhohtsı̨ ha sìı whetı̨ nıìle.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.

Jude 1:12

Eyı dǫ naxıxè ełeghǫnets'eètǫǫ gha nàsı̨ ghǫ shègezhe nı̨dè naxıta t'asìı ı̨hjı lagı̨ı̨t'e, eyıts'ǫ edeghǫ į̀į̀zhagı̨ı̨lı̨į̀ honàedı-le, sahzǫ̀ą-k'èdìı-dǫǫ̀ ededı̨ zǫ edewà-geedı lagı̨ı̨t'e. Chǫhk'oò wets'ǫ chǫh whìle, ekìı nı̨hts'ı k'eyehts'ıı lagı̨ı̨t'e. Xat'ǫ̀ jìechı̨į̀ wek'e jìe whìle xè wexochı̨į̀ xàts'ı̨ı̨hdla t'à nàekeè ełaı̨wo, eyı lagı̨ı̨t'e.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.

John Wenazhıı 1:1

Zezì-Krı edecheekeè ayìı ghàgı̨ı̨dà agǫ̀ǫ̀làa sìı dıı enı̨htł'è k'e dek'eèhtł'è hǫt'e. Nǫ̀htsı̨-Gotà ı̨daà dàgode ha sìı wegodıì Zezì ghàı̨ɂǫ hǫt'e. Zezì wecheekeè dıı godıì gık'èezǫ ha t'à, edeyak'eet'ı̨į̀ John ts'ǫ̀ ayį̀į̀là.