Rome 16:13 - Nǫ̀htsı̨ Nı̨htł'è

¹³ Rufus, gots'ǫ̀ K'àowo yìhchıı sìı, segha, “Nexè sìghà welè,” wèahdı. Eyıts'ǫ wemǫ, semǫ lanì ı̨lèe sìı, eyı sı hawèahdı.

Rome 16:13 ပူးပေါင်းရင်းမြစ်များ

Matthew 20:16

“Eyıt'à amìı nǫǫde geèhkw'ee sìı t'akwe geèhkw'e ha, hanìkò amìı t'akwe geèhkw'ee sìı nǫǫde geèhkw'e ha hǫt'e,” Zezì hadıì goxè godo.

Mark 15:21

Ekò k'e kǫ̀ta Cyrene gots'ǫ dǫ ı̨łè goghaetła, Sımon wìyeh (Alexander eyıts'ǫ Rufus gıtà). Eyı dǫ Jerusalem ts'ǫ̀ èhtła ı̨lè, hanìkò eghǫǫ-dǫǫ̀ Zezì gha dechı̨et'aa naetı̨į̀ agį̀į̀là.

Mark 3:35

Amìı Nǫ̀htsı̨-Gotà k'èagı̨ı̨t'ee sìı sechı, sedè eyıts'ǫ semǫ agı̨ı̨t'e,” Zezì gòhdı.

John 15:16

Naxı̨ sèahchì nıìle, hanìkò sı̨ naxìhchì hǫt'e. Kw'ıhchı̨į̀ wek'e jìecho łǫ dehshe laaht'e ha naxìhchì hǫt'e. Eyı jìecho xàhoahwhıı sìı welǫ whìle ts'ǫ̀ whela ha hǫt'e. Sıızì dahxà t'alàa-sìı Setà weahkè nı̨dè Setà naxıghàyele ha hǫt'e.

John 19:27

Eyıts'ǫ edecheekeè ts'ǫ̀ hadı, “Dıı nemǫ welè.” Hayèhdı gots'ǫ eyı wecheekeè sìı Zezì wemǫ edekǫ̀ nàdè ayį̀į̀là.

Rome 16:12

Tryphena eyıts'ǫ Tryphosa, eyı ts'èko nàke gots'ǫ̀ K'àowo gha hòtł'ò eghàlagı̨ı̨dàa sìı segha, “Naxıxè sìghà welè,” gìahdı. Eyıts'ǫ seàgı̨ą Persıs eyı ts'èko sı gots'ǫ̀ K'àowo gha hòtł'ò eghàlaı̨dàa sìı segha, “Nexè sìghà welè,” wèahdı.

Rome 16:14

Asyncrıtus, Phılegon, Hermes, Patrobas, Hermas eyıts'ǫ gòet'ı̨ eyıì-le goxè agı̨ı̨t'ee sìı segha, “Naxıxè sìghà welè,” gìahdı.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

2 Thessalonıca 2:13

Hanìkò sèot'ı̨ı̨, naxı̨ gots'ǫ̀ K'àowo naxıghǫneètǫǫ sìı kèhǫǫ̀wo gots'ǫ edaxànaxeeze ha naxį̀į̀hchì hǫt'e t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Yedàyeh Nezı̨ı̨ sìı Nǫ̀htsı̨ wets'ǫ dǫ degaı aahłı̨į̀ anaxį̀į̀là t'à eyıts'ǫ naxıgha ehkw'ı-ahodı t'à edaxànaxı̨ı̨la hǫt'e.

1 Tımothy 5:2

Ts'èko ǫhdaà sìı nemǫ lagı̨ı̨hwhǫ, eyıts'ǫ t'eeko sı nedè lagı̨ı̨hwhǫ; gıts'ǫ̀ nınì-jıı welè-le.

2 John 1:1

Sı̨ Zezì wecheekeèdeè aht'ee, Nǫ̀htsı̨ edegha dǫ gòį̀hchìı sìı gıts'ǫ̀ eehtł'è. Nàowo ehkw'ıı k'ę̀ę̀ gıghǫneehtǫ, sı̨ zǫǫ̀-le, hanìkò dǫ hazǫǫ̀ nàowo ehkw'ıı k'èhogeezǫǫ sìı ededı̨ sı goghǫnegeètǫ hǫt'e.