Rome 16:12 - Nǫ̀htsı̨ Nı̨htł'è

¹² Tryphena eyıts'ǫ Tryphosa, eyı ts'èko nàke gots'ǫ̀ K'àowo gha hòtł'ò eghàlagı̨ı̨dàa sìı segha, “Naxıxè sìghà welè,” gìahdı. Eyıts'ǫ seàgı̨ą Persıs eyı ts'èko sı gots'ǫ̀ K'àowo gha hòtł'ò eghàlaı̨dàa sìı segha, “Nexè sìghà welè,” wèahdı.

Rome 16:12 ပူးပေါင်းရင်းမြစ်များ

Matthew 5:47

Naxèot'ı̨ zǫ ts'ǫ̀ nezı̨į̀ naahɂa nı̨dè, dǫ eyıì-le gınahk'e t'asìı nezı̨ı̨ hòahtsı̨ nıìle. Dǫ Nǫ̀htsı̨ k'ègeezǫ-le ededı̨ kò ełets'ǫ̀ nezı̨į̀ nageɂa hǫt'e.

Matthew 9:38

Eyıt'à t'asìı dehshee nàgehtsį̀ ts'ǫ̀ k'àowo sìı weahkè, hanì-ı̨dè t'asìı dehshee nàgehtsį̀ı̨ dǫǫ̀ gots'ǫ̀ ayele ha,” gòhdı.

Rome 16:11

Sèot'ı̨ Herodıon ededı̨ sı hawèahdı. Narcıssus wekǫ̀ dǫ hazǫǫ̀ gots'ǫ̀ K'àowo gıgha ehkw'ı adıı sìı segha, “Naxıxè sìghà welè,” gìahdı.

Rome 16:13

Rufus, gots'ǫ̀ K'àowo yìhchıı sìı, segha, “Nexè sìghà welè,” wèahdı. Eyıts'ǫ wemǫ, semǫ lanì ı̨lèe sìı, eyı sı hawèahdı.

1 Corınth 15:10

Hanìkò Nǫ̀htsı̨ wesǫnıwǫ ts'ıhɂǫ̀ wecheekeèdeè whıhłı̨, wesǫnıwǫ t'à dǫ eładı̨ı̨ whıhłı̨į̀ asį̀į̀là. Wecheekeèdeè hazǫǫ̀ gınahk'e hòtł'ò eghàlaıhdà, hanìkò sı̨ adehɂı̨ nıìle, Nǫ̀htsı̨ wesǫnıwǫ seyìı eghàlaedaa sìı at'ı̨ hǫt'e.

1 Corınth 15:58

Eyıt'à sèot'ı̨ı̨, naxınì nàtsoò aahłe. T'asìı wı̨ı̨zìı t'à naxınì nàtso-le awede sǫ̀ǫ̀. Naxıdzeè t'à t'aats'ǫǫ̀ gots'ǫ̀ K'àowo wegha eghàlaahda, k'ètł'ǫ̀ gots'ǫ̀ K'àowo wegha eghàlaahda nıìle, wek'èahsǫ hǫt'e.

Colosse 1:29

Eyı gha hòtł'ò eghàlaehda xè nàhǫhoehwho. Nǫ̀htsı̨ wet'ıì t'asìı hazǫǫ̀ gha nàhtso asehɂı̨, eyıt'à hanì eghàlaehda ha dìì-le.

Colosse 4:12

Epaphras naxıts'ǫ dǫ hǫt'e sìı, Zezì-Krı wecheekeè elı̨. Ededı̨ sı, “Naxıxè sìghà welè,” naxèhdı. Nǫ̀htsı̨ wınì k'ę̀ę̀ aahda ha eyıts'ǫ naxınì gǫǫzǫ xè nàtso ha naxı̨ı̨hwhǫ t'à, t'aats'ǫǫ̀ hòtł'ò naxıgha yahtı hǫt'e.

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

1 Tımothy 4:10

Eyıt'à wek'ę̀ę̀ hòtł'ò eghàlats'eeda xè wet'à dats'ı̨ı̨ɂa, Nǫ̀htsı̨ edaa sìı wegha goınì nàtsoò ats'ı̨ı̨là t'à. Nǫ̀htsı̨ sìı dıı nèk'e ts'ǫ dǫ hazǫǫ̀ edaxàlee elı̨ı̨ hǫt'e, eyıts'ǫ dǫ gıgha ehkw'ı-ahodıı sìı denahk'e edaxàgole hǫt'e.