Rome 15:8 - Nǫ̀htsı̨ Nı̨htł'è

⁸ Ehkw'ı anaxèehsı̨, Nǫ̀htsı̨ weyatıì ehkw'ı dahxà Zezì-Krı Israel got'ı̨į̀ gogha eghàlaedaa ajà. T'akwe whaà Nǫ̀htsı̨ edeyatıì gocho ghàyı̨ı̨ɂǫǫ ı̨lèe sìı Zezì wek'ę̀ę̀ hòɂǫǫ̀ ayį̀į̀là.

Rome 15:8 ပူးပေါင်းရင်းမြစ်များ

Matthew 15:24

Zezì gots'ǫ̀ hadı, “Israel got'ı̨į̀ gıta sahzǫ̀ą dıkǫgeèdee sìı gıgha zǫ jǫ ts'ǫ̀ asììdlà hǫt'e,” gòhdı.

Matthew 20:28

Dǫ-wet'àaɂàa-deè ededı̨ kò dǫ yegha eghàlageeda gha jǫ nììtła nıìle, hanìkò dǫ ts'àdı xè dǫ gha ełaàwı gha jǫ nììtła hǫt'e. Dǫ łǫ gıhołı̨į̀ gıghǫ nahoezhe gha ełaàwı ha hǫt'e,” Zezì edecheekeè gòhdı.

John 1:11

Edèot'ı̨ ts'ǫ̀ ajà, hanìkò wèot'ı̨ gı̨ı̨wǫ-le.

John 10:16

Sesahzǫ̀ą eyıì-le gǫ̀hłı̨, jǫ gık'èhodìı gots'ǫ agı̨ı̨t'e-le. Ededı̨ sı goyageehwha ha hǫt'e. Gıts'ǫ̀ gohde nı̨dè, segıìkw'o ha hǫt'e. Hanì-ı̨dè sesahzǫ̀ą hazǫǫ̀ ełexè geèhkw'e ha, eyıts'ǫ gok'èdìı-dǫǫ̀ ı̨łè zǫ gǫ̀hłı̨ ha.

Zezì Wecheekeèdeè 13:46

Hanìkò Paul eyıts'ǫ Barnabas ededageedì-le, hagedı, “Naxı̨ sìı t'akwełǫ̀ǫ̀ Nǫ̀htsı̨ weyatıì naxıts'ǫ̀ hats'edı ha hǫt'e ı̨lè. Hanìkò naxıgha wedę aahłà eyıts'ǫ welǫ whìle ts'ǫ̀ aahda ha naxıgha wet'àaɂà-le t'à, dıì dǫ eyıì-le xàɂaa ts'ǫ̀ ats'ede ha.

Rome 11:22

Eyıt'à Nǫ̀htsı̨ weghǫ nanıahdè; ededı̨ sìı wèhoedı-le eyıts'ǫ wedzeè sǫnıwǫ. Dǫ gıgha ehkw'ı-ahodı-le sìı gots'ǫ̀ wèhoedı-le, hanìkò naxıts'ǫ̀ wedzeè sǫnıwǫ hǫt'e. T'aats'ǫǫ̀ wegha naxınì nàtsoò aahwhǫ nı̨dè naxıts'ǫ̀ wedzeè sǫnıwǫ ha. Ekò haaht'e-le nı̨dè eyı kw'ıhchı̨į̀ lanì naxık'ıızhì ha hǫt'e.

Rome 11:30

Įnę̀ę naxı̨ sı Nǫ̀htsı̨ k'èaht'e-le ı̨lè, hanìkò Israel got'ı̨į̀ Nǫ̀htsı̨ k'èagı̨ı̨t'e-le ts'ıhɂǫ̀ dıì Nǫ̀htsı̨ naxıts'ǫ̀ wedzeè eteèɂı̨ hǫt'e.

Rome 15:16

Zezì-Krı wegha yahtıı wılaà ghàlaehda sììchì hǫt'e. Dǫ eyıì-le xàɂaa Nǫ̀htsı̨ wegodıì nezı̨ı̨ t'à hoghàgeehtǫ ha asį̀į̀là. Hanì-ı̨dè dǫ eyıì-le xàɂaa sìı Nǫ̀htsı̨ ghàgets'ele ha. Yedàyeh Nezı̨ı̨ wedahxà degaı agììdlà t'à Nǫ̀htsı̨ goghǫ sìghà anıwǫ ha.

Rome 3:26

Dànì wexè ehkw'ı ats'ede ha sìı dıì wek'èts'eezǫ ha t'à hanì eghàlaı̨dà hǫt'e. Eyıt'à ehkw'ı dıı hanì dǫ sınìyaehtı ha hǫt'e: amìı Zezì yegha ehkw'ı adıı sìı ehkw'ı k'ę̀ę̀ ayele ha hǫt'e.

Rome 3:3

Ekò Israel got'ı̨į̀ mǫ̀hdaa gıgha ehkw'ı-ahodı-le ts'ıhɂǫ̀ Nǫ̀htsı̨ ayìı dàyele ha gòhdıı sìı edeyatıì k'èdì ha-le nì?

Rome 4:16

Eyıt'à Nǫ̀htsı̨ gogha ehkw'ı adı nı̨dè, Nǫ̀htsı̨ ayìı goghàɂà ha dıı sìı goghǫet'a ha hǫt'e. Nǫ̀htsı̨ gots'ǫ̀ wesǫnıwǫ ts'ıhɂǫ̀ goghàyeɂà hǫt'e, eyıts'ǫ dǫ hazǫǫ̀ Abraham wets'ıhɂǫ̀ǫ-dǫǫ̀ agı̨ı̨t'ee sìı hanì gıxè hòɂǫ ha hǫt'e. Hanìkò dǫ Moses wenàowoò gıghǫ̀t'ǫ zǫ gha nıìle, Abraham k'ę̀ę̀ Nǫ̀htsı̨ gıgha ehkw'ı-ahodıı sìı ededı̨ sı gıgha hǫt'e. Eyıt'à Abraham hazǫǫ̀ gogha gotà elı̨ hǫt'e.

1 Corınth 1:12

Dıı weghǫ aehsı̨: Naxıta gots'ǫ dǫ mǫ̀hdaa dıı hagedı, “Sı̨ Paul wek'ę̀ę̀ aht'ı̨,” mǫ̀hdaa, “Sı̨ Apollos wek'ę̀ę̀ aht'ı̨,” gedı. Eyıts'ǫ dǫ mǫ̀hdaa, “Sı̨ Peter wek'ę̀ę̀ aht'ı̨,” gedı. K'achı̨ ı̨łaà dǫ mǫ̀hdaa, “Sı̨ Zezì-Krı wek'ę̀ę̀ aht'ı̨,” gedı, eyı ghǫ aehsı̨.

1 Corınth 10:19

Bò nǫ̀htsı̨ hòèlı̨ı̨ ghàgeedıı sìı t'asìı deè hǫt'e dehsı̨į̀-aehsı̨-le, eyıts'ǫ eyı nǫ̀htsı̨ hòèlı̨ı̨ sìı t'asìı deè elı̨ dehsı̨į̀-aehsı̨-le.

1 Corınth 10:29

Dǫ eyıì-le wınì gha aehsı̨, naxınì gha aehsı̨-le. T'asìı segha ekǫ-le k'ę̀ę̀ nıìle dehwhǫ t'à dǫ eyıì-le gıgha ehkw'ı nıìle sìı ayìıha sesınìyagehtı welì?

1 Corınth 15:50

Sèot'ı̨ı̨, ehkw'ı anaxèehsı̨, dıı nèk'e gots'ǫ gozhį̀į̀ t'à Nǫ̀htsı̨ Wenàowoò k'ę̀ę̀ hòɂǫ ts'ǫ̀ ats'ede ha dìì hǫt'e. T'asìı ełaàwıı sìı welǫ whìle ts'ǫ̀ edaà awedle ha dìì hǫt'e.

2 Corınth 1:20

Nǫ̀htsı̨ edeyatıì hazǫǫ̀ gogha whehtsı̨ı̨ sìı Zezì-Krı wets'ıhɂǫ̀ hazǫǫ̀ “Hęɂę” zǫ hǫt'e. Wets'ıhɂǫ̀ “Amen” ts'edı hǫt'e, wet'à Nǫ̀htsı̨ weghàsǫts'eedı hǫt'e.

Ephesus 2:12

Ekìıyeè k'e Zezì-Krı wets'ǫ̀ nıwà aaht'e ı̨lè, eyıts'ǫ Israel got'ı̨į̀ gha naxıtà-le ı̨lè, eyı wenaahdì. Eyıt'à ekìıyeè k'e Nǫ̀htsı̨ edets'ǫ dǫ xè nakenawhehtsı̨ı̨ sìı naxıgha ayį̀į̀là-le ı̨lè. Naxıgha ahxe whìle ı̨lè, eyıts'ǫ dıı nèk'e Nǫ̀htsı̨ wedę aahda ı̨lè.