Rome 15:32 - Nǫ̀htsı̨ Nı̨htł'è

³² Hanì-ı̨dè Nǫ̀htsı̨ wınì k'ę̀ę̀ sınà naxıts'àhtła ha welì, eyıts'ǫ naxıxè whıhda t'à sınì nàtsoò anade ha.

Rome 15:32 ပူးပေါင်းရင်းမြစ်များ

Zezì Wecheekeèdeè 18:21

Paul naetła kwe, hagòhdı, “Nǫ̀htsı̨ hanıwǫ nı̨dè k'achı̨ jǫ ts'ǫ anahde ha,” gòhdı. Eyı tł'axǫǫ̀ elàcho t'à kǫ̀ta Ephesus gots'ǫǫ̀ naèhɂe.

Zezì Wecheekeèdeè 27:1

Italy nèk'e ts'ǫ̀ ts'eeɂè ha gedı t'à, Paul eyıts'ǫ dǫ gıdanìı̨laa mǫ̀hdaa eghǫǫ-dǫǫ̀-gha-k'àowo ı̨łè, Julıyus wìyeh, wetł'aà nègogį̀ı̨wa. Ededı̨ sìı dèe-ts'ǫ̀-k'àowo gha eghǫǫ-dǫǫ̀-gha-k'àowo elı̨.

Rome 15:29

Naxıts'àwhıhtła nı̨dè Zezì-Krı sexè eghàlaeda t'à naxıxè deghàà sìghà ayele ha wek'èehsǫ.

1 Corınth 16:18

Sedzeè t'à sınà hogèhtsı̨, eyıts'ǫ naxı̨ sı hanaxegį̀į̀là. Dǫ hanıı sìı nezı̨į̀ gıts'ǫ̀ k'ehots'eɂa ha hǫt'e.

1 Corınth 4:19

Hanìkò gots'ǫ̀ K'àowo hanıwǫ nı̨dè whaà-le-t'ıì naxıts'àhtła ha hǫt'e. Ekìıyeè k'e nı̨dè eyı dǫ ayìı ghǫ xàdahogedìı sìı wegòhɂà ha. Eyı zǫǫ̀-le, ayìı dahxà nàgetsoo sìı wegòhɂà ha hǫt'e.

2 Corınth 7:13

Eyı hazǫǫ̀ wet'à sıì godzeè t'à nàts'etsoò ats'ejà. Eyı xè Tıtus sıì wınà awèahłà wek'èts'eezǫ t'à, denahk'e goınà hǫt'e.

2 Tımothy 1:16

Onesıphorus eyıts'ǫ wekǫ̀ dǫ nàdèe sìı gots'ǫ̀ K'àowo gots'ǫ̀ wedzeè eteèɂı̨ welè, t'aats'ǫǫ̀ sınà asį̀į̀hwhǫ ı̨lè t'à, eyıts'ǫ sedaàtǫ kò seghǫ į̀į̀zhaelı̨-le ı̨lè.

Phılemon 1:20

Sèot'ı̨ı̨, gots'ǫ̀ K'àowo wets'ıhɂǫ̀ t'asìı net'àhoehwhı ha dehwhǫ. Eyıt'à Zezì-Krı wets'ıhɂǫ̀ sedzeè t'à sınà ası̨ı̨le.

Phılemon 1:7

Sıì dǫ gıghǫneètǫ t'à k'ǫǫnì sınà hǫt'e. Sèot'ı̨ı̨, Nǫ̀htsı̨ wets'ǫ dǫ gıdzeè t'à gınà agìnelà, eyı ts'ıhɂǫ̀ sınì nàtsoò asèneelà hǫt'e.

James 4:15

Ehkw'ı goahde xè dıı haahdı welì, “Gots'ǫ̀ K'àowo hanıwǫ nı̨dè, ts'eedaa xè dıı hats'ele ha, hanì-le-ı̨dè eyı hats'ele ha,” haahdı welì.