Rome 15:31 - Nǫ̀htsı̨ Nı̨htł'è

³¹ Judea nèk'e dǫ gıgha ehkw'ı-ahodı-le sìı gıch'à edaxàseetè ha segha yaahtı, eyıts'ǫ Jerusalem Nǫ̀htsı̨ wets'ǫ dǫ gıts'àhdıı sìı gınà aht'ı̨ ha, eyı sı gha yaahtı.

Rome 15:31 ပူးပေါင်းရင်းမြစ်များ

Zezì Wecheekeèdeè 22:24

Hagòjà ts'ıhɂǫ̀ eghǫǫ-dǫǫ̀-gha-k'àowo weyatıì k'e Paul eghǫǫ-dǫǫ̀-kǫ̀ goyageèhchì. Dànìghǫ dǫ Paul ts'ǫ̀ yagìzeh sìı yegòhɂà ha nıwǫ t'à, nàgeehkwa gà dageehke ha gòhdı.

Zezì Wecheekeèdeè 25:2

Ekǫ t'aa yahtıı-gha-k'aodèe eyıts'ǫ Israel got'ı̨į̀ gha k'aodèe gı̨ı̨lı̨ı̨ sìı gıxè ełegıadì. Ayìıha Paul k'e nìdahogį̀ı̨ɂǫǫ ghǫ k'àowo Festus ts'ǫ̀ hagedı.

Zezì Wecheekeèdeè 25:24

Festus hadı, “K'àowocho Agrıppa, eyıts'ǫ dǫ hazǫǫ̀ jǫ dahkw'ee sìı dıı dǫ ghàahda. Israel got'ı̨į̀ hazǫǫ̀ kǫ̀ta Jerusalem eyıts'ǫ jǫ kǫ̀ta Caesarea gots'ǫ dıı dǫ k'e nìdahogį̀ı̨ɂǫ, eda ha-le, gedıì gezeh ı̨lè.

Zezì Wecheekeèdeè 9:13

Ananıas hadı, “Sets'ǫ̀ K'àowo, eyı dǫ weghǫ godı łǫ eèhkw'o. Nets'ǫ dǫ Jerusalem nàgedèe sìı hoìla łǫ gogha hòèhtsı̨ ghǫ eèhkw'o.

Zezì Wecheekeèdeè 9:15

Hanìkò gots'ǫ̀ K'àowo Ananıas ts'ǫ̀ hadı, “Ekǫ nàątła! Eyı dǫ wììhchì hǫt'e, wet'ǫ̀ǫ̀ dǫ hazǫǫ̀ xàɂaa sıızì k'ègeezǫ ha. Dǫ eyıì-le xàɂaa gha k'aodèe ts'ǫ̀ gode ha eyıts'ǫ Israel got'ı̨į̀ sı ts'ǫ̀ gode ha, eyı gha wììhchì hǫt'e.

Rome 15:25

Hanìkò dıì sìı Jerusalem ts'ǫ̀ ahde ha dehwhǫ, ekǫ Nǫ̀htsı̨ wets'ǫ dǫ nàgedèe sìı gıts'àhdı ha t'à.

1 Corınth 16:15

Stephanas eyıts'ǫ dǫ wekǫ̀ nàgedèe sìı Achaıa nèk'e gogha t'akwełǫ̀ǫ̀ gots'ǫ̀ K'àowo ghàdegį̀ı̨laa sìı wek'èahsǫ hǫt'e. T'aats'ǫǫ̀ Nǫ̀htsı̨ wets'ǫ dǫ gha eghàlagı̨ı̨dà hǫt'e. Sèot'ı̨ı̨, dǫ hanıı sìı gık'èaht'e, eyıts'ǫ dǫ hazǫǫ̀ Nǫ̀htsı̨ gha hòtł'ò eghàlageedaa sìı gık'èaht'e.

2 Corınth 1:10

Hoìla t'à ełaàts'ede ch'à edaxàgoı̨la hǫt'e, eyıts'ǫ ełaàts'ede ch'à gok'èdì ha. Ededı̨ gots'àdı ha wets'ǫ̀ hoèlı̨ı̨ ts'ı̨ı̨wǫ, eyıts'ǫ t'aats'ǫǫ̀ edaxàgohtè ha gogha ehkw'ı-ahodı hǫt'e.

2 Corınth 8:4

goxè Nǫ̀htsı̨ wets'ǫ dǫ ts'àgedı ha goghǫnàdageetì.

2 Corınth 9:1

Nǫ̀htsı̨ wets'ǫ dǫ dànì gıts'àts'ı̨ı̨dìı sìı weghǫ naxıts'ǫ̀ eehtł'è-le kò.

2 Corınth 9:13

Hanì dǫ ts'àahdı t'à dǫ naxık'ègeezǫ agèahłà hǫt'e. Zezì-Krı wegodıì nezı̨ı̨ naxıgha ehkw'ı-ahodıı k'ę̀ę̀ aahda t'à dǫ Nǫ̀htsı̨ ghàsǫgeedı ha, eyıts'ǫ dànì naxıdzeè t'à t'asìı dǫ ghàahłe, eyıts'ǫ dǫ hazǫǫ̀ gıts'àahdı t'à Nǫ̀htsı̨ ghàsǫgeedı ha hǫt'e.

1 Thessalonıca 2:15

Eyı Judea got'ı̨į̀ sìı gots'ǫ̀ K'àowo Zezì eyıts'ǫ nakwenàoɂǫǫ ełaàgogį̀ı̨hdèe sìı goxı̨ sı xàdegogeèzhì. Nǫ̀htsı̨ k'èch'a eghàlageeda xè dǫ hazǫǫ̀ dzagı̨ı̨hwhǫ agı̨ı̨t'e.

2 Thessalonıca 3:2

Eyıts'ǫ Nǫ̀htsı̨ dǫjıı gots'ǫ̀ hoìla hogehtsı̨ ch'à agole ha gogha yaahtı, dǫ hazǫǫ̀ gıgha ehkw'ı-ahodı nıìle t'à.

2 Tımothy 3:11

Dànì sexè hoìla xè dasegį̀ı̨hɂa, eyıts'ǫ kǫ̀ta Antıoch, kǫ̀ta Iconıum eyıts'ǫ kǫ̀ta Lystra eyı hazǫǫ̀ sexè hagòjàa sìı hazǫǫ̀ wek'èı̨zǫ hǫt'e. Hanìkò gots'ǫ̀ K'àowo sìı eyı hazǫǫ̀ ch'à edaxàseèhtı̨.

2 Tımothy 4:17

Hanìkò gots'ǫ̀ K'àowo sexè at'ı̨ t'à, sınì nàtsoò asį̀į̀là. Hanì ts'ıhɂǫ̀ godı nezı̨ı̨ deghàà dǫ ts'ǫ̀ gohde ha, eyıts'ǫ dǫ hazǫǫ̀ Israel got'ı̨į̀ agı̨ı̨t'e-le sìı geèhkw'ǫ ha welì. Ekìıyeè k'e goìjìıcho wewà ch'à Nǫ̀htsı̨ edaxàsį̀ı̨htı̨ ı̨lè.