Rome 15:3 - Nǫ̀htsı̨ Nı̨htł'è

³ Zezì-Krı ededı̨ kò edegha sìghà k'ehoɂa-le ı̨lè. Dıı hanì weghǫ dek'eèhtł'è: “Dǫ naxık'adageedè nı̨dè, sı̨ sek'adageedè agedı hǫt'e,” dek'eèhtł'è.

Rome 15:3 ပူးပေါင်းရင်းမြစ်များ

Matthew 10:25

Dǫ hoghàweètǫǫ sìı hoghàyeehtǫǫ-dǫǫ̀ xèht'eè ade ha hǫt'e, eyıts'ǫ k'àowo wecheekeè edets'ǫ k'àowo xèht'eè ade ha hǫt'e. Edekǫ̀ gha k'àowo elı̨ı̨ sìı ‘wehłı̨ı̨’ gıìhdı nı̨dè wekǫ̀ dǫ nàdèe sìı denahk'e gık'adaedè ha hǫt'e!

Matthew 26:39

Įdaà gǫǫwà-lea nììtła, dèè k'e nàgòı̨hgè xè hadıì yahtı, “Setà, dìì-le nı̨dè dıı t'asìı wet'à dàıhɂaa sìı sets'ǫǫ̀ anele. Hanìkò sınì k'ę̀ę̀ welè-le; nınì k'ę̀ę̀ welè,” Zezì hadıì yaı̨htı.

Matthew 26:42

Zezì k'achı̨ yahtı ha ekǫ naèhtła, hadıì yahtı, “Setà, dıı wet'à daıhɂa ha sìı wedę adle ha dìì nı̨dè, nınì k'ę̀ę̀ welè,” Zezì hadıì yaı̨htı.

Matthew 27:44

Dǫjıı nàke weghǫhk'eè gıdıìtsòo sìı, ededı̨ sı, gık'adaedè.

John 15:10

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

John 15:24

Dǫ wı̨ı̨zìı sexèht'eè gınadąą̀ enıìyah hòèhtsı̨ı̨ whìle. Hahłà-le nı̨dè gıhołı̨į̀ gık'e whela ha-le ı̨lè. Hanìkò dıì enıìyah łǫ gıaɂı̨ kò ı̨łaà sedzagı̨ı̨hwhǫ eyıts'ǫ Setà sı dzagı̨ı̨hwhǫ.

John 4:34

Zezì gots'ǫ̀ hadı, “Amìı jǫ ts'ǫ̀ sı̨ı̨hɂàa sìı wek'èaht'e ha hǫt'e eyıts'ǫ la seghàı̨ɂǫǫ sìı weghǫ naht'è ha hǫt'e. Eyı sedıì hǫt'e.

John 5:30

Sı̨ whatsǫǫ̀ t'asìı hahłe ha dìì. Ayìı eèhkw'ǫ ghàà zǫ dǫ sınìyaehtı hǫt'e. Sınì k'ę̀ę̀ eghàlaehda nıìle, amìı sı̨ı̨hɂàa sìı wınì k'ę̀ę̀ zǫ aht'ı̨. Hanì-ı̨dè sı̨ dǫ gısınìyahtı nı̨dè ehkw'ı zǫ xàyahtı hǫt'e.

John 6:38

Sınì k'ę̀ę̀ eghàlaehda ha yak'e gots'ǫ jǫ nèehtła nıìle, hanìkò amìı sı̨ı̨hɂàa sìı ededı̨ wınì k'ę̀ę̀ eghàlaehda ha ahjà.

John 8:29

Amìı sı̨ı̨hɂàa sìı t'aats'ǫǫ̀ wınì k'ę̀ę̀ eghàlaehda t'à, sexè at'ı̨ hǫt'e eyıts'ǫ sets'ǫǫ̀ ajà nıìle,” Zezì hadıì dǫ ts'ǫ̀ goı̨de.

2 Corınth 8:9

Gots'ǫ̀ K'àowo Zezì-Krı gots'ǫ̀ sǫnıwǫǫ sìı wek'èahsǫ hǫt'e. Ededı̨ sìı ahxe elı̨ ı̨lè hanìkò naxıgha eteèt'ı̨į̀ adììdlà hǫt'e. Eteèt'ı̨į̀ adììdlà t'à naxıxè ahxe hòɂǫ agode ha.

Phılıppı 2:5

Naxınì Zezì-Krı wınì xèht'e welè.

Phılıppı 2:8

Dǫ lanì wègoèht'į̀ xè k'èeweèt'ı̨ adììdlà ı̨lè, eyıts'ǫ ełaàwı ts'ǫ̀ Nǫ̀htsı̨ k'èı̨t'eè adììdlà; dechı̨et'aa k'e ełaı̨wı ha kò ı̨łaà Nǫ̀htsı̨ k'èı̨t'e ı̨lè.