Rome 15:14 - Nǫ̀htsı̨ Nı̨htł'è

¹⁴ Sèot'ı̨ı̨, sıì nezı̨į̀ k'ehoahɂa hotıì wek'èehsǫ hǫt'e. Dànì aahda ha sìı deghàà wek'èahsǫ, eyıts'ǫ yatı nezı̨ı̨ ełeghàahɂà gha goahsǫ hǫt'e.

Rome 15:14 ပူးပေါင်းရင်းမြစ်များ

1 Corınth 1:5

Zezì-Krı wet'ǫ̀ǫ̀ t'asìı hazǫǫ̀ t'à naxıxè sìghà adlà. Dànì goahde gha, eyıts'ǫ nàowo ehkw'ıı hazǫǫ̀ k'èhoahsǫ gha naxıxè sìghà adlà hǫt'e.

1 Corınth 12:8

Dǫ ı̨łè Yedàyeh Nezı̨ı̨ wedahxà yatı gǫǫzǫ t'à gode, eyıts'ǫ dǫ ı̨łè Yedàyeh Nezı̨ı̨ dahxà t'asìı k'èezǫ wegodıì t'à gode,

1 Corınth 13:2

Yedàyeh Nezı̨ı̨ dahxà xàyahtı ha seghàhòt'ǫ nı̨dè, t'asìı deɂı̨į̀ whelaa eyıts'ǫ t'asìı dezhìı hazǫǫ̀ wenıehdì nı̨dè, eyıts'ǫ sıì segha ehkw'ı-ahodı t'à shìh nechàa nàèhdǫ ahłe ha dìì-le, hanìkò dǫ ghǫneehtǫ-le nı̨dè t'asìı ehłı̨ nıìle.

1 Corınth 8:1

Bò nǫ̀htsı̨ hòèlı̨ı̨ ghàgeedıı sìı weghǫ dıı hanaxèehsı̨ ha: T'asìı łǫ k'èts'eezǫ ts'ı̨ı̨wǫ hǫt'e, hanìkò t'asìı łǫ k'èts'eezǫ nı̨dè wet'à xàhots'edì ats'et'į̀. Ekò ełeghǫnets'eètǫ nı̨dè wet'à nàts'etsoò ałets'ehɂı̨.

1 Corınth 8:10

Eyı wek'èahsǫ t'à nǫ̀htsı̨ hòèlı̨ı̨ wekǫ̀ gocho goyìı shèahzhe ha sǫnı. Hanìkò dǫ bò nǫ̀htsı̨ hòèlı̨ı̨ ghàgeedı ghǫ shètı̨ı̨ sìı ekǫ-le hǫt'e nıwǫ xè ekǫ naxıaɂı̨ nı̨dè, ededı̨ sı bò hanıı ghǫ shètı̨į̀ ade ha sǫnı.

1 Corınth 8:7

Hanìkò eyı sìı dǫ hazǫǫ̀ deghàà gık'èezǫ nıìle. Dǫ mǫ̀hdaa ı̨nę̀ę nǫ̀htsı̨ą hòèlı̨ı̨ ghǫ hòtł'ò agı̨ı̨wǫ ı̨lè t'à bò hanıı ghǫ shègezhe nı̨dè nǫ̀htsı̨ hòèlı̨ı̨ ghàɂaadìı ne gı̨ı̨wǫ ha. Gınì nàtso-le t'à ekǫ-le nànıgedè xè ekǫ-le eghàlagı̨ı̨dà gı̨ı̨wǫ ha.

2 Corınth 8:7

T'asìı hazǫǫ̀ t'à deɂǫ̀ǫ̀ nezı̨į̀ eghàlaahda hǫt'e. Nǫ̀htsı̨ ghǫ naxınì nàtsoo t'à, yatı t'à, t'asìı k'èahsǫ t'à, dǫ ts'àahdı ghǫ hòtł'ò aahwhǫ t'à, eyıts'ǫ sıì goghǫnıahtǫ sı t'à. Hotıì eyı xèht'eè naxıdzeè sǫnıwǫ t'à dǫ ts'àahdıı sìı eyı denahk'e nezı̨į̀ aahłe gha edeahdzà.

Ephesus 5:9

(Dzęh ts'eeda nı̨dè t'asìı nezı̨ı̨ zǫ eghàlats'eeda, ehkw'ı k'ehots'eɂa eyıts'ǫ nàowo ehkw'ıı xè ts'eeda.)

Phılıppı 1:11

Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

1 Thessalonıca 5:11

Eyıt'à nezı̨į̀ ełets'ǫ̀ goahde xè ełınì nàtsoò aahłe, hòt'a haaht'ı̨ lanì.

1 Thessalonıca 5:14

Sèot'ı̨ı̨, dıı naxıghǫnàdats'eetì: Dǫ gots'egeedìı sìı yatı nàtsoo gıghàahɂà. Dǫ edègeejı̨ı̨ sìı gınì nàtsoò aahłe, dǫ nàgetso-le sìı gıts'àahdı, dǫ hazǫǫ̀ xè ts'èwhı̨į̀ k'ehoahɂa.

2 Thessalonıca 1:11

Eyı weghǫ nànıts'edè xè t'aats'ǫǫ̀ naxıgha Nǫ̀htsı̨ ts'ǫ̀ yats'ehtı hǫt'e. Nǫ̀htsı̨ edets'ǫ̀ naxıkayaı̨htı gha dǫ nezı̨ı̨ aahłı̨ k'ę̀ę̀ naxııtà welì, eyıts'ǫ t'asìı wegha dìì-le t'à t'asìı wegha weghàlaahda ha dahwhǫǫ sìı hazǫǫ̀ naxıgha deghàà ayııle, eyıts'ǫ naxıgha ehkw'ı-ahodı k'ę̀ę̀ nezı̨į̀ eghàlaahdaa sìı hazǫǫ̀ naxıgha deghàà ayııle.

2 Tımothy 1:5

Dànì nınì ehkw'ıı t'à negha ehkw'ı-ahodıı sìı wenahdì. Netsı̨ Loıs eyıts'ǫ nemǫ Eunıce dànì Nǫ̀htsı̨ gha gınì nàtso ı̨lè lanì, nı̨ sı hanì nınì nàtso hǫt'e wek'èehsǫ.

Phılemon 1:21

Seyatıì k'èanet'e ha hotıì nek'èehsǫ t'à nets'ǫ̀ eehtł'è. Ayìı neehkèe sìı wenahk'e ts'ǫ̀ anele ha wek'èehsǫ.

Hebrew 5:12

Naxı̨ hòt'a dǫ hoghàahtǫ ha ı̨lè, hanìkò Nǫ̀htsı̨ weyatıì ts'ǫǫ̀hk'e ayìı t'akwełǫ̀ǫ̀ hoghàgoetǫǫ sìı naxı̨ į̀hłı̨ k'achı̨ hoghǫ̀naxeetǫ. Ejıet'ò zǫ aahdǫ lanì, hanìkò bò dezhìı aahdè ha dìì.

Hebrew 6:9

Seàgı̨ą, dıı hanì naxıts'ǫ̀ gots'ede kò eyı wenahk'e naxıxè hoı̨zı̨į̀ hòɂǫ agode ha hotıì wek'èts'eezǫ. Nǫ̀htsı̨ edaxànaxı̨ı̨la k'ę̀ę̀ nezı̨į̀ eghàlaahda.

2 Peter 1:12

Eyı hazǫǫ̀ hòt'a wek'èahsǫ xè nàowo ehkw'ıı ghǫ naxınì nàtso kò t'aats'ǫǫ̀ wenaahdì anaxehłe ha hǫt'e.

1 John 2:21

Nàowo ehkw'ıı k'èhoahsǫ-le t'à naxıts'ǫ̀ eehtł'è nıìle, hanìkò nàowo ehkw'ıı wek'èahsǫ t'à naxıts'ǫ̀ eehtł'è hǫt'e, eyıts'ǫ hots'ets'ìı sìı nàowo ehkw'ıı gots'ǫ nıìle.