Rome 14:8 - Nǫ̀htsı̨ Nı̨htł'è

⁸ Ts'eeda nı̨dè gots'ǫ̀ K'àowo wegha ts'eeda hǫt'e, eyıts'ǫ ełaàts'ewı nı̨dè wegha ełaàts'ewı hǫt'e. Eyıt'à ts'eedaa, ts'eeda-le ehk'ę̀ę̀ t'aats'ǫǫ̀ gots'ǫ̀ K'àowo wets'ǫ dǫ ats'ı̨ı̨t'e hǫt'e.

Rome 14:8 ပူးပေါင်းရင်းမြစ်များ

Luke 20:38

Eyıt'à dǫ ełaı̨dèe gha Nǫ̀htsı̨ elı̨ nıìle, dǫ geeda gha Nǫ̀htsı̨ elı̨ hǫt'e. Nǫ̀htsı̨ wegha dǫ hazǫǫ̀ geeda zǫ hǫt'e,” Zezì gòhdı.

John 21:19

Zezì hadı yets'ǫ̀ xàyaı̨htıı sìı dànì Peter ełaàwı ha ghǫ goı̨deè adı, hanì Nǫ̀htsı̨ wıızì ghàsǫhoedıì ayele ha. Eyı tł'axǫǫ̀ Zezì yets'ǫ̀ hadı, “Sek'èı̨tła!” yèhdı.

Zezì Wecheekeèdeè 13:36

“Davıd ededı̨ eda ekò Nǫ̀htsı̨ k'ę̀ę̀ eghàlaı̨dà tł'axǫǫ̀ ełaı̨wo. Wèot'ı̨ gà wekw'ǫǫ̀ nègı̨į̀tǫ eyıts'ǫ wekwǫ̀ ı̨hjıì ajà.

Zezì Wecheekeèdeè 20:24

Hanìkò edegha ehda ha segha wet'àaɂà-le. Gots'ǫ̀ K'àowo la nechàa seghàı̨ɂǫǫ sìı welǫ ts'ǫ̀ weghǫ naht'è ha, eyı zǫ dehwhǫ. Nǫ̀htsı̨ gots'ǫ̀ sǫnıwǫǫ sìı eyı godı nezı̨ı̨ t'à dǫ ts'ǫ̀ gohde ha hǫt'e.

Zezì Wecheekeèdeè 21:13

Hanìkò Paul hadı, “Ayìıha seghǫ aahtse xè sedzeè etseè aahɂı̨? Zezì wıızì ts'ıhɂǫ̀ dasegeezà gha ts'atà whıhda hǫt'e, eyı zǫǫ̀-le wets'ıhɂǫ̀ ekǫ ełaehwhı ha segha asanìle hǫt'e,” gòhdı.

1 Corınth 15:23

Hanìkò nàke ts'ǫ̀ ełek'èdaà hòɂǫ agode ha: Zezì-Krı t'akwełǫ̀ǫ̀ naìdà hǫt'e, eyıts'ǫ jǫ ts'ǫ̀ anajà nı̨dè wets'ǫ dǫ gı̨ı̨lı̨ı̨ sìı hazǫǫ̀ nagìdà ha.

Phılıppı 1:20

T'asìı wı̨ı̨zìı t'à edeghǫ į̀į̀zhaehłı̨ ha-le sìı ghǫ hòtł'ò aahwhǫ hǫt'e hanìkò t'aats'ǫǫ̀ Zezì-Krı wegha sınì nàtso xè wegha hòtł'ò eghàlaehda ha dehwhǫ. Ehda, ehda-le, sezhį̀į̀ t'à t'aats'ǫǫ̀ Zezì-Krı weghàsǫhoedı ha dehwhǫ.

Phılıppı 2:17

Naxıgha ehkw'ı-ahodı t'à, Nǫ̀htsı̨ wecheekeè aahłı̨ ha weghàdeahła, eyıts'ǫ sı̨ sìı Nǫ̀htsı̨ gha ełaehwhı ha tahkò. Eyıt'à Nǫ̀htsı̨ ts'ǫ̀ t'asìı k'eek'ǫ̀ lanì, wegha sezhį̀į̀ k'ehowı. Ełexè Nǫ̀htsı̨ t'asìı weghàts'eɂà ne t'à, naxıxè sınà hǫt'e.

Phılıppı 2:30

Zezì gha eghàlaeda k'èxa k'àhdzǫ ełaı̨wo t'e. Naxı̨ sets'àahdı ha dìì t'à ededı̨ ełaàwı ha wegha hoejı̨ kò sets'àı̨dì ı̨lè.

1 Thessalonıca 5:10

Zezì gogha ełaı̨wo hǫt'e, eyıt'à ts'eedaa, ełaàts'edee, ehk'ę̀ę̀ t'aats'ǫǫ̀ wexè ts'eeda ha agǫ̀ǫ̀là hǫt'e.

John Wenazhıı 14:13

Eyı tł'axǫǫ̀ yak'e gots'ǫ dıı hats'edıì hǫt'e: “Dıı dek'enìı̨tł'è: Jǫ gots'ǫ ı̨daà amìı gots'ǫ̀ K'àowo gıgha ehkw'ı adıı xè ełaàgedee sìı gıxè sìghà hǫt'e,” hats'edıì hǫt'e. Yedàyeh Nezı̨ı̨ hadı, “Hęɂę, hòtł'ò eghàlagı̨ı̨dà k'èxa k'èhogeèɂa ha eyıts'ǫ ayìı dàgı̨ı̨laa sìı t'aats'ǫǫ̀ gıxè whela ha,” hadı.