Rome 14:2 - Nǫ̀htsı̨ Nı̨htł'è

² Dǫ mǫ̀hdaa gınì nàtso t'à t'asìı hazǫǫ̀ xàɂaa ghǫ shègezhe ha gıgha t'asanìle, hanìkò dǫ mǫ̀hdaa gınì nàtso-le t'à dèè gots'ǫ t'asìı dehshee zǫ ghǫ shègezhe.

Rome 14:2 ပူးပေါင်းရင်းမြစ်များ

Dànì Kèhoį̀wo 1:29

Eyı tł'axǫǫ̀ Nǫ̀htsı̨ hadı, “Dèè k'e t'asìı hazǫǫ̀ dehshee wejìì gǫ̀hłı̨ı̨ sìı eyıts'ǫ ts'ı hazǫǫ̀ wejìecho wejìì gǫ̀hłı̨ı̨ sìı naxıgha hǫt'e. Wets'ǫ shèahzhe gha hǫt'e.

Dànì Kèhoį̀wo 9:3

T'asìı hazǫǫ̀ edaa xè nàedaa sìı naxıgha weghǫ shèahzhe elı̨ ha. Dèè k'e ı̨t'ǫ̀ dehshee sìı weghǫ shèahzhe ha naxıghàıhła ı̨lè xèht'eè, dıì t'asìı hazǫǫ̀ naxıghàıhła hǫt'e.

Rome 14:1

Dǫ wınì nàtso-le sìı wedę aahłe-le, t'asìı wet'àaɂà-le k'èxa wek'e nìdahoahɂà-le.

Rome 14:14

Gots'ǫ̀ K'àowo wexè ehda hǫt'e, eyıt'à weghǫ shèts'ezhee wı̨ı̨zìı sìı hołı̨ı̨ nıìle hotıì wek'èehsǫ hǫt'e. Hanìkò dǫ wegha wets'àet'ǫ nı̨dè wegha hołı̨ı̨ hǫt'e.

Rome 14:20

Bò ghǫ shèahzhe ts'ıhɂǫ̀ Nǫ̀htsı̨ dànì dǫ xè eghàlaedaa sìı wedıhoahtsı̨-le. Weghǫ shèts'ezhee hazǫǫ̀ nezı̨ hǫt'e, hanìkò bò ghǫ shèts'ezhee sìı wets'ıhɂǫ̀ dǫ hołı̨ı̨ hohtsı̨ nı̨dè eyı sìı ehkw'ı nıìle.

Rome 15:1

Goxı̨ eyı hanıı ghǫ goınì nàtso nı̨dè dǫ gınì nàtso-le sìı gıts'àts'edı ha hǫt'e, eyıts'ǫ t'ats'ı̨ı̨wǫ k'ę̀ę̀ zǫ k'ehots'eɂa ha nıìle.

1 Corınth 10:25

Nàedìı k'è gots'ǫ bò t'alàa-sìı ghǫ shèahzhe, asį̀į̀ ehkw'ı aaht'ı̨, hanì-le-ı̨dè ekǫ-le aaht'ı̨ weghǫ daɂaahke-le,

1 Corınth 8:9

Eyıt'à edexoahdı, bò hanıı aahdè naxıgha t'asìı nıìle kò, naxèot'ı̨ wınì nàtso-le sìı naxıt'à ekǫ-le awede sǫ̀ǫ̀.

1 Corınth 9:22

Dǫ nàgetso-le sìı gıta aht'ı̨ nı̨dè gıxèht'eè nàhtso-le laht'e, hanì-ı̨dè edahxǫ Zezì gha geehnè ha welì. Dǫ hazǫǫ̀ xàɂaa gıxèwhıht'e ha dehwhǫ, hanì-ı̨dè edahxǫ gıta gots'ǫ dǫ mǫ̀hdaa edaxàgehłe ha welì.

Galatıa 2:12

James dǫ mǫ̀hdaa gots'ǫ̀ goı̨hɂàa kwe sìı Peter dǫ Israel got'ı̨į̀ agı̨ı̨t'e-le xè shètı̨ ı̨lè. Hanìkò eyı dǫ nègı̨ı̨de ekò dǫ gıkwǫ̀ nàt'àa ts'ǫǫ̀hk'e agı̨ı̨t'ee sìı Peter gots'àejı̨į̀ ajà t'à, Israel got'ı̨į̀ agı̨ı̨t'e-le sìı goxè at'ı̨-le ajà.

1 Tımothy 4:4

Nǫ̀htsı̨ t'asìı hazǫǫ̀ whehtsı̨ı̨ sìı nezı̨ hǫt'e, t'asìı wı̨ı̨zìı wedę ats'ele ha nıìle, shèts'ezhe xè weghǫ masì ts'ı̨ı̨wǫ ha hǫt'e.

Tıtus 1:15

Amìı gıdzeè degaı lanıı sìı t'asìı hazǫǫ̀ gıgha degaı hǫt'e. Hanìkò amìı gınìłı̨ı̨ xè gıgha ehkw'ı-ahodı-le sìı t'asìı hazǫǫ̀ gıgha hołı̨ı̨ hǫt'e. Ededzeè eyıts'ǫ edınì t'à hołı̨ı̨ nàowoò zǫ gı̨ı̨wǫ.

Hebrew 13:9

Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.

Hebrew 9:10

Eyı nàowo t'à gıat'į̀ı̨ sìı t'asìı weghǫ shèts'ezhee, t'asìı ts'edǫ eyıts'ǫ edenàowoò k'ę̀ę̀ edek'enagehtse hanıı zǫ t'à agıat'į̀ ı̨lè. Nǫ̀htsı̨ nàowogòò goxè whehtsı̨ gots'ǫ̀ edezhį̀į̀ gha eyıts'ǫ edılà t'à hanì zǫ eghàlageeda ha dìì-le ı̨lè.