Rome 14:18 - Nǫ̀htsı̨ Nı̨htł'è

¹⁸ Dǫ hanì Zezì gha geedaa sìı Nǫ̀htsı̨ wınì k'ę̀ę̀ aget'ı̨ hǫt'e, eyıts'ǫ dǫ sı gha nezı̨ı̨ aget'ı̨ hǫt'e.

Rome 14:18 ပူးပေါင်းရင်းမြစ်များ

Dànì Kèhoį̀wo 4:7

Ehkw'ı k'ehoı̨ɂa nı̨dè neghǫ sìghà dehwhǫ ha-le nì? Hanìkò ehkw'ı k'ehoı̨ɂa-le nı̨dè hołı̨ı̨ negà nìdaı̨hɂa hǫt'e. Nets'ǫ̀ k'ahowo ha nıwǫ, hanìkò nı̨ sìı wets'ǫ̀ k'àı̨wo ha hǫt'e,” Nǫ̀htsı̨ yèhdı.

Mark 13:34

Dıı godı lagode ha: Dǫ ahxee t'asį̀ı̨ gǫǫwà ts'ǫ̀ kǫ̀taetła ha t'à edecheekeè t'asìı hazǫǫ̀ ts'ǫ̀ k'àhogedè agǫǫ̀là eyıts'ǫ gıtaàt'eè la goghàı̨ɂǫ. Eyıts'ǫ detła kwe enìı̨tǫ-k'èdìı-dǫǫ̀ ts'ǫ̀ hadı, ‘Hotıì kexoı̨hdı,’ yèhdı.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

Zezì Wecheekeèdeè 10:35

Dǫ hazǫǫ̀ xàɂaa gots'ǫ dǫ wets'ǫ̀ agede ha nıwǫ. Hazǫǫ̀ nèk'e gots'ǫ dǫ Nǫ̀htsı̨ k'èagı̨ı̨t'e xè ehkw'ı geedaa sìı Nǫ̀htsı̨ goxè at'ı̨ hǫt'e.

Rome 12:11

Naxınì nàtso-le awede-le, hanìkò gots'ǫ̀ K'àowo wegha hòtł'ò eghàlaahda.

Rome 14:4

Eyı dǫ wets'ǫ̀ k'àowo anet'e nıìle t'à wesınìyaąhtı ha nıìle. Dǫ nezı̨ı̨ elı̨, hanì-le-ı̨dè dǫ nezı̨-le elı̨ı̨ sìı wets'ǫ k'àowo wets'ǫ̀ hoèlı̨ hǫt'e. Gots'ǫ̀ K'àowo dǫ nezı̨ı̨ elı̨į̀ ayele ha dìì-le t'à dǫ nezı̨ı̨ elı̨ k'ę̀ę̀ wııtà ha.

Rome 16:18

Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

Rome 6:22

Hanìkò dıì sìı hołı̨ı̨ naxıts'ǫ̀ k'àowo-le ajà, eyıts'ǫ Nǫ̀htsı̨ naxıts'ǫ̀ k'àowoò aahjà. Hanì goxè hòɂǫ nı̨dè degaı ts'ı̨ı̨lı̨į̀ ats'ede ha, eyıts'ǫ welǫ whìle ts'ǫ̀ ts'eedaà agole ha.

1 Corınth 7:22

Dǫ Nǫ̀htsı̨ yekayaı̨htı kwe wets'ǫ̀ k'àowo gǫ̀hłı̨ nı̨dè gots'ǫ̀ K'àowo Zezì gha edets'ǫ̀ k'àowo elı̨į̀ ajà hǫt'e. Eyı xèht'eè dǫ Nǫ̀htsı̨ yekayaı̨htı ekò edets'ǫ̀ k'àowo elı̨ ı̨lèe sìı Zezì-Krı yets'ǫ̀ K'àowo elı̨į̀ ajà hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

2 Corınth 5:11

Eyıt'à dànì gots'ǫ̀ K'àowo wek'èats'ı̨ı̨t'e ha wek'èts'eezǫ t'à, dǫ ładı̨į̀ agede ha gıghǫdats'eehnè ha hots'eèhdzà. Dànì ts'eedaa sìı Nǫ̀htsı̨ wegha hotıì nezı̨į̀ wègaat'ı̨ hǫt'e, eyıts'ǫ naxı̨ sı naxınì gha hotıì nezı̨į̀ wègaat'ı̨ nı̨dè dehwhǫ.

2 Corınth 5:9

Eyıt'à gozhį̀į̀ yìı ts'eedaa, gozhį̀į̀ yìı ts'eeda-le, ehk'ę̀ę̀ gots'ǫ̀ K'àowo wınà hots'ehtsı̨ ha ts'ı̨ı̨wǫ hǫt'e.

2 Corınth 6:4

Hanìkò t'asìı hazǫǫ̀ ghàlats'eeda weghàà Nǫ̀htsı̨ xàè wecheekeè ats'ı̨ı̨t'ee sìı dǫ gık'èezǫ ha: dànì ts'èwhı̨į̀ dats'ı̨ı̨ɂa t'à, dànì goxè hoìla łǫ t'à, dànì gogha dìì agot'į̀ t'à, dànì goxè hoejı̨ k'ehokw'o t'à;

2 Corınth 8:21

Eyıt'à ehkw'ı weghàlats'eeda ha ts'ı̨ı̨wǫ. Nǫ̀htsı̨ wenadąą̀ zǫǫ̀-le hanìkò dǫ hazǫǫ̀ gınadąą̀ ehkw'ı k'ehots'eɂa ha ts'ı̨ı̨wǫ hǫt'e.

Phılıppı 4:18

Hòt'a deghàà naxıt'à hoehwhì hǫt'e, eyıts'ǫ deɂǫ̀ǫ̀ seghàahła hǫt'e. Epaphrodıtus wetł'aà sǫǫ̀mba sedanìahła t'à t'asìı seɂǫ̀atłǫ whelaà ajà. T'asìı sets'ǫ̀ aahłàa sìı Nǫ̀htsı̨ wets'ǫ̀ t'asìı łekǫǫ k'ets'eehk'ǫ̀ lanì, eyı sìı Nǫ̀htsı̨ yeghǫ sìghà anıwǫ hǫt'e.

Phılıppı 4:8

Sèot'ı̨ı̨, nǫǫde t'à dıı hanaxèehsı̨ ha dehwhǫ: T'asìı ehkw'ıı ne sìı, wet'à dǫ nezı̨į̀ agı̨ı̨wǫ ha sìı, wet'à ehkw'ıı gòɂǫǫ, t'asìı nezı̨ı̨, t'asìı degaı, wet'à ełeghǫ masì ts'ı̨ı̨wǫǫ, eyıts'ǫ wet'à dǫ ełets'ıìt'ı̨ı̨, eyı hanıı hazǫǫ̀ wedaànıahdè.

Colosse 3:24

Eyı wek'èxa gots'ǫ̀ K'àowo naxıda t'asìı whehłaa sìı naxıghàɂà ha wek'èahsǫ t'à hanì eghàlaahda welì. Gots'ǫ̀ K'àowo Zezì-Krı wegha eghàlaahda aaht'ı̨ hǫt'e.

1 Tımothy 2:3

Hats'et'ı̨ı̨ sìı nezı̨ hǫt'e eyıts'ǫ Nǫ̀htsı̨ Edaxàgolee elı̨ı̨ sìı yeghǫ sìghà anıwǫ hǫt'e.

1 Tımothy 5:4

Ekò gıza eyıts'ǫ gıchaà gǫ̀hłı̨ nı̨dè ededı̨ t'akwełǫ̀ǫ̀ edèot'ı̨ ts'àgedı ha hoghàdegııtǫ. Gıgha ehkw'ı-ahodı k'ę̀ę̀ edèot'ı̨ k'ègedì ha hǫt'e. Edèot'ı̨ ts'ǫ̀ hanì geeda nı̨dè ek'èt'à t'asìı goghǫ̀gele lanì ha hǫt'e, eyıts'ǫ Nǫ̀htsı̨ eyı ghǫ sìghà anıwǫ hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 2:20

Hanìkò ekǫ-le hòahtsı̨ k'èxa naxıkwǫ̀ǫyaà-naxììdlà kò naxıgha t'asanìle nı̨dè dànì naxıgha hoǫzı̨ lì? Hanìkò nezı̨į̀ aahda k'èxa nànaxeekwa xè ts'èwhı̨į̀ daahɂa nı̨dè eyı sìı Nǫ̀htsı̨ wegha nezı̨ hǫt'e.

1 Peter 2:5

Eyı lanì naxı̨ sı kwe edaa laaht'e. Naxı̨ sìı Nǫ̀htsı̨ wekǫ̀ gocho laaht'e eyıts'ǫ yahtıı degaı lanì wegha k'ehoahɂa. Zezì-Krı naxıgha ehkw'ı adı t'à, Nǫ̀htsı̨ wınì k'ę̀ę̀ weghàdeahła.

1 Peter 3:16

Naxınì hołı̨ı̨ ch'à wek'èahdì, hanì-ı̨dè Zezì-Krı wedahxà dànì k'ehoahɂaa sìı ghǫ dǫ naxık'adageedè nı̨dè, dǫ naxıızì jıı gehtsı̨ ı̨lèe sìı nǫǫde nı̨dè eyı ghǫ sıì į̀į̀zhagı̨ı̨lı̨į̀ agede ha hǫt'e.