13 Eyıt'à ełesınìyats'ehtı welè-le. Naxèot'ı̨ naxıt'à hołı̨ı̨ hogehtsı̨ ch'à naxınì nàtsoò aahwhǫ xè edek'èahdì.
Zezì Peter ts'ǫ̀ ets'aèhtła, hayèhdı, “Wehłı̨ı̨, sechį̀ht'a ts'ǫ̀ aąde! Nı̨ sìı kwe wet'à daèhkw'ıh ha lanet'e. Nǫ̀htsı̨ wınì k'ę̀ę̀ nànınewo nıìle, hanìkò dǫ gınì k'ę̀ę̀ nànınewo hǫt'e,” hayèhdı.
“T'asìı nezı̨-le łǫ t'à dǫ hołı̨ı̨ hogehtsı̨ ts'ıhɂǫ̀, dıı nèk'e dǫ gıts'ǫ̀ hoìla ha hǫt'e. Eyı hołı̨ı̨ hazǫǫ̀ hagode ha t'ıį̀t'e, hanìkò dǫ wet'à agot'ı̨ı̨ sìı wegha hoìla ha hǫt'e!
“Dǫ sınìyaahtı-le, hanì-ı̨dè naxısınìyaetı ha-le.
“Ayìı ehkw'ı ne sìı dànìghǫ edegha wedaànıahdè-le xè weghǫ goahde-le?
Eyı dǫ hojıı hohtsı̨ ch'à wek'o k'e kwe nedàa wexeetł'ı̨ gà tègı̨ı̨xà nı̨dè wegha denahk'e nezı̨ ha hǫt'e. Hawììdlà nı̨dè wets'ıhɂǫ̀ dıı chekoa nechà-lea lanıı hołı̨ı̨ hogehtsı̨ ha nıìle.
Eyıts'ǫ K'àowocho Davıd dıı hadı dek'eèhtł'è: “Ayìı ghǫ shègezhee sìı gıgha ehdzodıì welè, eyıt'à ededı̨ et'ıì gık'èchıìtła ha. Wet'à dagıìtà welè, eyıts'ǫ dànì eghàlagı̨ı̨dà k'èxa dagı̨ı̨ɂa welè.
Eyıt'à dànìghǫ naxèot'ı̨ gısınìyaahtı? Eyıts'ǫ dànìghǫ naxèot'ı̨ t'asìı elı̨-le k'ę̀ę̀ wets'ǫ̀ naahɂa? Goxı̨ hazǫǫ̀ Nǫ̀htsı̨ nadąą̀ nàts'eèhza gà gosınìyaetı ha hǫt'e wedaànıahdè welè.
Dǫ t'asìı hazǫǫ̀ xàɂaa ghǫ shètı̨ı̨ sìı dǫ hanì nàowo gıtǫ̀-le sìı gınahk'e dǫ nezı̨ı̨ aht'e edeewǫ ha nıìle. Eyıts'ǫ dǫ t'asìı hazǫǫ̀ xàɂaa ghǫ shètı̨-le sìı dǫ hat'ı̨ı̨ sìı yesınìyaehtı ha nıìle, Nǫ̀htsı̨ sìı eyı dǫ edeza elı̨ gha yį̀į̀hchì ne t'à.
Eyı dǫ wets'ǫ̀ k'àowo anet'e nıìle t'à wesınìyaąhtı ha nıìle. Dǫ nezı̨ı̨ elı̨, hanì-le-ı̨dè dǫ nezı̨-le elı̨ı̨ sìı wets'ǫ k'àowo wets'ǫ̀ hoèlı̨ hǫt'e. Gots'ǫ̀ K'àowo dǫ nezı̨ı̨ elı̨į̀ ayele ha dìì-le t'à dǫ nezı̨ı̨ elı̨ k'ę̀ę̀ wııtà ha.
Sèot'ı̨ı̨, hotıì edexoahdı, dǫ eyıì-le ełek'èch'a anaxegehɂı̨ xè ekǫ-le anaxegehɂı̨ı̨ sìı gıch'à kexoahdı. Hòt'a ayìı hoghànaxeètǫǫ sìı eyı k'èch'a hoghànaxegeehtǫ nı̨dè gıxè aaht'ı̨-le.
Naxıt'à dǫ wı̨ı̨zìı ekǫ-le awede sǫ̀ǫ̀, Israel got'ı̨į̀, Greece got'ı̨į̀, hanì-le-ı̨dè Nǫ̀htsı̨ wecheekeè hazǫǫ̀ ts'ıɂǫ̀ ageahłe sǫ̀ǫ̀.
Ts'èko t'asìı kwìhchı-le xè Nǫ̀htsı̨ ts'ǫ̀ yahtı nı̨dè asį̀į̀ eyı ehkw'ı ne? Edegha wedaànıahdè.
Zezì-Krı goghǫneètǫ t'à hanì wegha eghàlats'eeda ha ts'ı̨ı̨wǫ. Dǫ ı̨łè dǫ hazǫǫ̀ gha ełaı̨wo, eyıt'à dǫ hazǫǫ̀ ełaı̨dè hǫt'e, eyı gogha ehkw'ı-ahodı t'à ats'et'ı̨.
T'asìı wı̨ı̨zìı t'à dǫnì tsį̀ts'ehwhı ha ts'ı̨ı̨wǫ-le, hanì-ı̨dè godı nezı̨ı̨ gha eghàlats'eedaa sìı wets'ıhɂǫ̀ t'asìı nezı̨-le t'à dǫ gok'e nìdahogeeɂà ha-le.
Hanì-ı̨dè ayìı ehkw'ı ne sìı wek'èahsǫ ha, eyıts'ǫ Zezì-Krı nǫ̀ǫtłaa dzęę̀ k'e ts'ǫ̀ hołı̨ı̨ wı̨ı̨zìı naxık'e wheɂǫ ha-le xè degaı aaht'e ha.
Eyıt'à ts'èko gıghoò łǫ-le et'ıì gıdǫǫ̀ ełaı̨dèe sìı honìgııdè kò dehwhǫ hǫt'e. Gıza gǫ̀hłı̨ xè edekǫ̀ k'ègedì kò eyı denahk'e gıgha nezı̨ hǫt'e. Hanì-ı̨dè wehłı̨ı̨ goızì jıı ehtsı̨ ha gıghàhòɂà ha-le.
Hanì k'ehoahɂa nı̨dè ekǫ-le eghàlaahda hǫt'e. Naxèot'ı̨ ı̨łè wet'àhoòɂà eyıts'ǫ ı̨łè wet'àhoòɂà-le k'ę̀ę̀ gıts'ǫ̀ k'ehoahɂa. Haaht'ı̨ nı̨dè hołı̨ı̨ nàowoò k'ę̀ę̀ ełesınìyaahtı hǫt'e.
Sèot'ı̨ı̨, ełıızì jıı aahtsı̨-le. Amìı edèot'ı̨ ghǫ gode, hanì-le-ı̨dè yesınìyaehtıı sìı, Nǫ̀htsı̨ nàowoò k'èch'a gode xè yesınìyaehtı hǫt'e. Nǫ̀htsı̨ nàowoò wesınìyaahtı nı̨dè wenàowoò k'ę̀ę̀ aahda nıìle, wek'èch'a goahde hǫt'e.
Amìı edèot'ı̨ ghǫneètǫǫ sìı dzęh yìı nàdè, eyıts'ǫ t'asìı wı̨ı̨zìı t'à ts'ıɂǫ̀ ade ha nıìle.
“Hanìkò t'asìı mǫ̀hdaa naxık'e nìdahoehɂà ha: Naxını dǫ mǫ̀hdaa Balaam wenàowoò k'ę̀ę̀ dǫ hoghàgogeehtǫ. Eyı dǫ sìı Israel got'ı̨į̀ hołı̨ı̨ hogehtsı̨ gha k'àowo Balak hoghàehtǫ ı̨lè. T'asìı nǫ̀htsı̨ą hòèlı̨ı̨ ghàgeedıı sìı gedè agohɂı̨, eyıts'ǫ edezhį̀į̀ t'à hołı̨ı̨ k'alagedè agohɂı̨.