Rome 13:7 - Nǫ̀htsı̨ Nı̨htł'è

⁷ Eyıt'à dǫ ts'ǫ̀ naxını̨htł'è gǫ̀hłı̨ nı̨dè naxını̨htł'è naahłe. Dèe-ts'ǫ̀-k'àowo ts'àts'eehdì ts'ǫǫ̀hk'e naxını̨htł'è nı̨dè naxını̨htł'è naahłe. Eyıts'ǫ k'aodèe hazǫǫ̀ gıts'ǫ̀ nezı̨į̀ naahɂa xè gıghàhoahdì ha hòɂǫ nı̨dè, hanì gıts'ǫ̀ naahɂa.

Rome 13:7 ပူးပေါင်းရင်းမြစ်များ

Matthew 17:25

Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.

Matthew 22:21

“K'àowodeè Caesar,” gıìhdı. Eyıt'à Zezì gots'ǫ̀ hadı, “Hanì-ı̨dè ayìı k'àowodeè wets'ǫ ne sìı weghàahłe, eyıts'ǫ ayìı Nǫ̀htsı̨ wets'ǫ ne sìı Nǫ̀htsı̨ ghàahłe,” gòhdı.

Mark 12:17

Eyıt'à Zezì gots'ǫ̀ hadı, “Hanì-ı̨dè ayìı K'àowodeè wets'ǫ ne sìı weghàahłe, eyıts'ǫ ayìı Nǫ̀htsı̨ wets'ǫ ne sìı Nǫ̀htsı̨ ghàahłe,” gòhdı. Hadı t'à sıì gıghàhoelı.

Luke 20:22

K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?” gıìhdı.

Luke 20:25

“K'àowodeè Caesar,” gıìhdı. Eyıt'à Zezì gots'ǫ̀ hadı, “Hanì-ı̨dè ayìı k'àowodeè wets'ǫ ne sìı weghàahłe, eyıts'ǫ ayìı Nǫ̀htsı̨ wets'ǫ ne sìı Nǫ̀htsı̨ ghàahłe,” gòhdı.

Luke 23:2

Gık'e nìdahogį̀ı̨ɂǫ, hagedı, “Dıı dǫ sìı gonèk'e weghǫ nàdahoowo, eyıts'ǫ ‘K'àowodeè Caesar wets'àts'eehdì ha-le,’ hadı eyıts'ǫ ‘K'àowocho Chrıst, eyı aht'e’ edèhdı,” gedı.

Rome 12:10

Ełèot'ı̨ lanì naxıdzeè t'à ełeghǫnıahtǫ. Edenahk'e dǫ eyıì-le gıt'àhoòɂà dahwhǫ ha hǫt'e.

Rome 13:6

Nǫ̀htsı̨ gha eghàlageeda eyıts'ǫ eyı la gıgha wheɂǫ ne t'à dèe-ts'ǫ̀-k'àowo ts'àts'eehdì ha hǫt'e.

Ephesus 5:33

Eyıt'à naxı̨ dǫzhìı yàahłı̨ı̨ sìı edeghǫnıahtǫ lanı naxıts'èkeè gıghǫnıahtǫ ha hǫt'e, eyıts'ǫ ts'èko hazǫǫ̀ nezı̨į̀ ededǫǫ̀ ts'ǫ̀ nageɂa ha hǫt'e.

Ephesus 6:5

Dǫ gıcheekeè yàahłı̨ı̨ sìı dıı nèk'e naxıgha k'àowo gǫ̀hłı̨ı̨ sìı gık'èaht'e, dahjı̨ xè gıts'ǫ̀ hotıì nezı̨į̀ naahɂa. Zezì-Krı wek'èaht'e lanì, naxıdzeè nezı̨ı̨ xè gıts'ǫ̀ ehkw'ı eghàlaahda.

1 Tımothy 5:13

Zezì ts'ǫ̀ edeyatıì k'egı̨ı̨zhì wedaats'ǫ̀ gots'egeedì agede ha sǫnı, eyıt'à ekìı kǫ̀ta k'egedè agede ha. Gots'egeedì agede wedaats'ǫ̀ yatıts'ıì kǫ̀ta k'egeɂa xè t'asìı gı̨į̀dı-le sìı ghǫ gogedeè agede ha, eyıts'ǫ t'asìı gıghǫ gode ha-le sìı ghǫ gogedeè agede ha.

1 Tımothy 5:17

Nǫ̀htsı̨ wecheekeè gha k'aodèe gı̨ı̨lı̨ı̨ sìı nezı̨į̀ edılaà eghàlageedaa k'èxa nezı̨į̀ gıts'ǫ̀ nageɂa welì. Dǫ Nǫ̀htsı̨ yatıì t'à gogedee xè dǫ hoghàgogeehtǫǫ sìı wek'èxa denahk'e hanì nezı̨į̀ gıts'ǫ̀ nageɂa welì.

1 Tımothy 6:1

Dǫ hazǫǫ̀ gıts'ǫ̀ k'aodèe wets'ǫ agı̨ı̨t'ee sìı edets'ǫ̀ k'àowo ts'ǫ̀ nezı̨į̀ nageɂa xè gık'èı̨t'e ha hǫt'e. Hagı̨ı̨t'e nı̨dè Nǫ̀htsı̨ wıızì eyıts'ǫ ayìı dǫ hoghàgıts'eehtǫǫ sìı k'adageedè ha-le.

1 Peter 3:7

Eyı xèht'eè dǫzhìı naxıts'èkeè ts'ǫ̀ naxıdzeè nezı̨ı̨ welì. Naxıts'èkeè naxıxèht'eè nàgetso nıìle t'à gıts'ǫ̀ nezı̨į̀ naahɂa welì. Naxıxèht'eè Nǫ̀htsı̨ wesǫnıwǫ t'à welǫ whìle ts'ǫ̀ geeda ha agǫ̀ǫ̀là hǫt'e. Gıts'ǫ̀ naxıdzeè nezı̨ nı̨dè nezı̨į̀ yaahtı ha dìì-le.