Rome 13:4 - Nǫ̀htsı̨ Nı̨htł'è

⁴ Naxıts'ǫ̀ nezı̨į̀ eghàlageeda ha Nǫ̀htsı̨ gha eghàlageeda hǫt'e. Hanìkò ekǫ-le eghàlaahda nı̨dè dahjı̨ ha hǫt'e, k'aodèe gı̨ı̨lı̨ı̨ sìı gık'èaht'e-le k'èxa hoìla anaxegele ha hǫt'e. Nǫ̀htsı̨ gha eghàlageeda hǫt'e, eyıts'ǫ Nǫ̀htsı̨ dahxà dǫ wejıı sìı dagı̨ı̨ɂaà agogele ha hǫt'e.

Rome 13:4 ပူးပေါင်းရင်းမြစ်များ

Rome 12:19

Seàgı̨ą, ek'èt'à dǫ gıts'ǫ̀ hojıì eghàlaahda-le. Nǫ̀htsı̨ ededı̨ dǫ nàgoehkwa ha wets'ǫ̀ hoèlı̨į̀ aahłe. Dıı hanì dek'eèhtł'è: “Sı̨ sìı dǫ ayìı dàgı̨ı̨laa k'èxa hoìla gıghàhoehɂà ha,” gots'ǫ̀ K'àowo hadı, dek'eèhtł'è.

Rome 13:6

Nǫ̀htsı̨ gha eghàlageeda eyıts'ǫ eyı la gıgha wheɂǫ ne t'à dèe-ts'ǫ̀-k'àowo ts'àts'eehdì ha hǫt'e.

1 Thessalonıca 4:6

Eyıt'à dǫ wı̨ı̨zìı edèot'ı̨ ts'ǫ̀ ekǫ-le eghàlaeda ha nıìle eyıts'ǫ hołı̨ı̨ k'ę̀ę̀ edèot'ı̨ k'alawo ha nıìle. Hòt'a hanaxèts'edı ı̨lè, dǫ hanì nàowojıı ghàlaedaa sìı gots'ǫ̀ K'àowo nàyeehkwa ha hǫt'e.

1 Peter 2:14

eyıts'ǫ wedahxà dèe-ts'ǫ̀-k'àowo naxıts'ǫ̀ gohɂaa sìı gık'èaht'e. Ededı̨ sìı dǫ ekǫ-le hogehtsı̨ nı̨dè nàgogeehkwa ha hǫt'e, eyıts'ǫ dǫ ehkw'ı geedaa sìı nezı̨į̀ goghǫ gogede hǫt'e.