Rome 12:7 - Nǫ̀htsı̨ Nı̨htł'è

⁷ Dǫ ts'àdı ha weghàhòt'ǫ nı̨dè yek'ę̀ę̀ eghàlaıdà. Dǫ hoghàehtǫ ha weghàhòt'ǫ nı̨dè yek'ę̀ę̀ eghàlaıdà.

Rome 12:7 ပူးပေါင်းရင်းမြစ်များ

Matthew 28:19

Eyıt'à hazǫǫ̀ nèk'e ts'ǫ̀ aahde, dǫ hazǫǫ̀ xàɂaa secheekeè aahtsı̨. Nǫ̀htsı̨-Gotà wıızì, Weza wıızì eyıts'ǫ Yedàyeh Nezı̨ı̨ wıızì t'à gık'ètaìdzǫǫ̀ agıahłe.

Zezì Wecheekeèdeè 13:1

Kǫ̀ta Antıoch ekǫ Nǫ̀htsı̨ wecheekeè gıta nakwenàoɂǫǫ eyıts'ǫ dǫ-hoghàehtǫǫ-dǫǫ̀ gǫ̀hłı̨: Barnabas, Sımeyon (Naıger sı wìyeh), Cyrene got'ı̨į̀ Lucıyus, Manan (k'àowocho Herod xè dèzhǫ) eyıts'ǫ Saul.

Zezì Wecheekeèdeè 20:20

Wet'à naxıgha sìghà ha t'à naxıts'ǫ̀ goıhde ı̨lè, weghǫ edèdaehdı-le wek'èahsǫ hǫt'e. Ełets'eèhdìı gonı eyıts'ǫ naxıkǫ̀ goyìı hazǫǫ̀ hoghànaxeèhtǫ ı̨lè.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Zezì Wecheekeèdeè 6:1

Ekìıyeè k'e dǫ łǫ Nǫ̀htsı̨ wecheekeè gı̨ı̨lı̨į̀ agejà. Hanìkò Israel got'ı̨į̀ Greek k'ę̀ę̀ gogedee sìı Israel got'ı̨į̀ Aramaıc k'ę̀ę̀ gogede ghǫ sǫagedı. Dzę taàt'eè weghǫ shèts'ezhee dǫ tàgele, hanìkò gıta ts'ǫ ts'èko gıgà dǫzhìı whìle sìı gıghàɂaadì nıìle, gedı.

1 Corınth 12:28

Nǫ̀htsı̨ sìı t'akwełǫ̀ǫ̀ wecheekeè gıta gots'ǫ edecheekeèdeè gǫį̀hchìı hǫt'e, eyı k'èè nakwenàoɂǫǫ, eyı k'èè dǫ-hoghàehtǫǫ-dǫǫ̀, eyı k'èè enıìyah-hogehtsı̨ı̨-dǫǫ̀, eyı k'èè dǫ-k'aàt'ıì-agehɂı̨ı̨-dǫǫ̀, eyı k'èè dǫ-ts'àdıı-dǫǫ̀, eyı k'èè t'asìı-gha-k'aodèe-gı̨ı̨lı̨ı̨-dǫǫ̀, eyıts'ǫ eyı k'èè yatı-ładı̨ı̨-t'à-gogedee-dǫǫ̀ gǫį̀hchìı hǫt'e.

1 Corınth 12:5

La ładı̨ı̨ łǫ xàɂaa ghàlats'eeda hǫt'e, hanìkò gots'ǫ̀ K'àowo ı̨łè zǫ gha eghàlats'eeda hǫt'e.

1 Corınth 14:26

Eyıt'à sèot'ı̨ı̨, łą̀ą nìahdè nı̨dè dıı haaht'ı̨ welì: dǫ mǫ̀hdaa shı̨ t'à gejı̨, dǫ mǫ̀hdaa hoghàgogeehtǫ, dǫ mǫ̀hdaa Nǫ̀htsı̨ ayìı gots'ǫ̀ hadıı sìı dǫ ts'ǫ̀ hagedı, dǫ mǫ̀hdaa yatı ełek'èch'aòt'ı̨ı̨ t'à gogede, dǫ mǫ̀hdaa yatı ełek'èch'aòt'ı̨ı̨ gha etagehtı welì. Eyı hazǫǫ̀ gıghàlaıdà, wet'à Nǫ̀htsı̨ wecheekeè gınì nàtsoò ade ha.

Galatıa 6:6

Dǫ Nǫ̀htsı̨ yatıì hoghàweètǫǫ sìı t'asìı hazǫǫ̀ nezı̨ı̨ wets'ǫ t'à dǫ hoghàyeehtǫǫ sìı ts'àdı ha hǫt'e.

Ephesus 4:11

Ededı̨ sìı dǫ mǫ̀hdaa wecheekeèdeè gı̨ı̨lı̨ ha goghàhòı̨ɂǫ hǫt'e, mǫ̀hdaa nakwenàoɂǫǫ gı̨ı̨lı̨ ha, mǫ̀hdaa godı nezı̨ı̨ k'egeɂaa gı̨ı̨lı̨ ha, mǫ̀hdaa Nǫ̀htsı̨ wets'ǫ dǫ k'ègedìı gı̨ı̨lı̨ ha, eyıts'ǫ mǫ̀hdaa dǫ hoghàgogeehtǫǫ gı̨ı̨lı̨ ha agǫ̀ǫ̀là.

Colosse 4:17

Dǫ Arkıpus wìyeh dıı hawèahdı: “Gots'ǫ̀ K'àowo wedahxà la neghǫ̀t'ǫǫ sìı deghàà weghàlaı̨da,” hawèahdı.

1 Tımothy 2:7

Eyı weghǫ gohde ha t'à wecheekeèdeè ehłı̨ ha sìhchì, eyıts'ǫ dǫ Israel got'ı̨į̀ agı̨ı̨t'e-le sìı nàowo ehkw'ıı k'ę̀ę̀ Nǫ̀htsı̨ gıgha ehkw'ı-ahodı ha hoghàgeehtǫ. Ehkw'ı naxıts'ǫ̀ haehsı̨, hohts'ì gohde nıìle.

1 Tımothy 3:2

Nǫ̀htsı̨ wecheekeè gha k'àowo elı̨ı̨ sìı weghǫ godı nezı̨-le gǫ̀hłı̨ ha nıìle. Wets'èkeè ı̨łè zǫ gǫ̀hłı̨ xè ehkw'ı eda ha, hotıì edexoehdı ha, nàowołı̨ı̨ ch'à edek'èdì xè dǫ nezı̨į̀ gıts'ǫ̀ naɂa ha, wekǫ̀ dǫ gha enìxànı̨ı̨tǫ ayį̀į̀hwhǫ ha, eyıts'ǫ nezı̨į̀ dǫ hoghàehtǫǫ elı̨ ha hǫt'e.

1 Tımothy 4:16

Eyıt'à dànì ı̨daa eyıts'ǫ ayìı dǫ hoghàı̨htǫǫ sìı t'à hotıì edexonehdı. Nàowo ehkw'ıı t'aats'ǫǫ̀ netǫ̀. Hanì ı̨da nı̨dè edaxàdı̨ı̨tè ha, eyıts'ǫ dǫ negeèhkw'ǫǫ sı edaxàgı̨ı̨le ha.

1 Tımothy 5:17

Nǫ̀htsı̨ wecheekeè gha k'aodèe gı̨ı̨lı̨ı̨ sìı nezı̨į̀ edılaà eghàlageedaa k'èxa nezı̨į̀ gıts'ǫ̀ nageɂa welì. Dǫ Nǫ̀htsı̨ yatıì t'à gogedee xè dǫ hoghàgogeehtǫǫ sìı wek'èxa denahk'e hanì nezı̨į̀ gıts'ǫ̀ nageɂa welì.

2 Tımothy 2:2

Eyıts'ǫ dǫ łǫ gıdaà ayìı dàehsı̨ı̨ sı̨į̀kw'oo sìı dǫ gıgha dìì-le laneewǫǫ sìı, eyıts'ǫ dǫ hoghàgeetǫ ha dìì-le sìı seyatıì gıtł'aà wheɂǫǫ̀ anele.

2 Tımothy 2:24

Gots'ǫ̀ K'àowo wecheekeè sìı dǫ xè nàyaehtı ha nıìle. Dǫ hazǫǫ̀ ts'ǫ̀ wedzeè eteèɂı̨ ha hǫt'e, dǫ hoghàgoehtǫ ha dìì-le, eyıts'ǫ dǫ dzaı̨hwhǫ ha-le.

2 Tımothy 4:2

Nǫ̀htsı̨ yatıì t'à dǫ ts'ǫ̀ goı̨de ha t'aats'ǫǫ̀ sınìwheęda. Nàowo ehkw'ıı k'ę̀ę̀ aahda, hołı̨ı̨ hòahtsı̨-le, eyıts'ǫ eyı gha naxınì nàtsoò aahłe, gìı̨dı. T'aats'ǫǫ̀ dǫ xè ts'èwhı̨į̀ neewǫ eyıts'ǫ hotıì nezı̨į̀ hoghàgı̨ı̨htǫ.