Rome 12:6 - Nǫ̀htsı̨ Nı̨htł'è

⁶ Wesǫnıwǫ ts'ıhɂǫ̀ goxı̨ hazǫǫ̀ t'asìı wet'à-ats'et'ı̨ ha Nǫ̀htsı̨ goghàyı̨ı̨la hǫt'e. Dǫ Yedàyeh Nezı̨ı̨ dahxà xàyahtı ha weghàhòt'ǫ nı̨dè wınì dànàı̨htsoo sìı k'ę̀ę̀ yet'àwet'į̀.

Rome 12:6 ပူးပေါင်းရင်းမြစ်များ

Matthew 23:34

Nakwenàoɂǫǫ, dǫ gogı̨ı̨zǫǫ eyıts'ǫ dǫ-hoghàehtǫǫ-dǫǫ̀ naxıts'ǫ̀ agehłe ha. Mǫ̀hdaa ełaàgìahde xè dechı̨et'aa k'e gıdeàhtsò ha, mǫ̀hdaa ełègehdèe-kǫ̀ goyìı gık'eahkwa ha, eyıts'ǫ kǫ̀ta yàgòlaa gıkaahwhǫ gà dagìahɂa ha.

Matthew 25:22

“Wecheekeè nàke-lemì satsǫ̀ą dekwoo weghǫ̀zhaa sìı ededı̨ sı edets'ǫ̀ k'àowo ts'ǫ̀ èhtła, hayèhdı, ‘Sets'ǫ̀ k'àowo, nàke-lemì satsǫ̀ą dekwoo t'à eghàlaıhdà asèneelà. Jǫ weghàı̨da, eyı wet'à k'achı̨ nàke-lemì whıhtsı̨,’ yèhdı.

Luke 11:49

Nǫ̀htsı̨ t'asìı hazǫǫ̀ k'èezǫ t'à t'akwe whaà dıı hadıì xàyaı̨htı ı̨lè, ‘Nakwenàoɂǫǫ eyıts'ǫ dǫ segha gogedee sìı gıts'ǫ̀ ahłe ha. Mǫ̀hdaa ełaàgogìhde ha eyıts'ǫ mǫ̀hdaa dagogį̀ı̨hɂa ha.’

Zezì Wecheekeèdeè 13:1

Kǫ̀ta Antıoch ekǫ Nǫ̀htsı̨ wecheekeè gıta nakwenàoɂǫǫ eyıts'ǫ dǫ-hoghàehtǫǫ-dǫǫ̀ gǫ̀hłı̨: Barnabas, Sımeyon (Naıger sı wìyeh), Cyrene got'ı̨į̀ Lucıyus, Manan (k'àowocho Herod xè dèzhǫ) eyıts'ǫ Saul.

Zezì Wecheekeèdeè 15:32

Zhıdàà eyıts'ǫ Sılas ededı̨ nakwenàoɂǫǫ gı̨ı̨lı̨ t'à dǫ gınì nàtso ha nezı̨į̀ gots'ǫ̀ gogı̨ı̨de.

Zezì Wecheekeèdeè 2:17

‘Nǫ̀htsı̨ hadı, Nǫǫde dzęę̀ ts'ǫ̀ hawe nı̨dè sets'ǫ Yedàyeh Nezı̨ı̨ dǫ hazǫǫ̀ k'e ahłe ha. Wedahxà naxıza eyıts'ǫ naxıtì xàyagehtı ha. Naxıts'ǫ cheko gınazhıı xègaat'ı̨ ha, naxıts'ǫ eneèko nàgete ha.

Zezì Wecheekeèdeè 21:9

Wetì dı̨ hoget'ı̨-le sìı hazǫǫ̀ nakwenàoɂǫǫ gı̨ı̨lı̨ı̨.

Rome 1:11

Sıì naxeehɂį̀ ha dehwhǫ dìì. Naxıts'ǫ̀ nèehtła-ı̨dè, Yedàyeh Nezı̨ı̨ wets'ǫ t'asìı naxıghàehɂà ha, eyı wet'à nàahtsoò aahde ha.

Rome 12:3

Nǫ̀htsı̨ wesǫnıwǫ seghǫ̀t'ǫ wedahxà naxıts'ǫ̀ dıı haehsı̨: T'asìı deè ats'ı̨ı̨t'e dahwhǫ t'à deɂǫ̀ǫ̀ edeghǫ nànıahdè-le, hanìkò ehkw'ı edeghǫ nànıahdè. Nǫ̀htsı̨ naxınì dànàı̨htsoò ayį̀į̀là k'ę̀ę̀ edeghǫ nànıahdè.

1 Corınth 12:18

Hanìkò Nǫ̀htsı̨ sìı gozhį̀į̀ k'e t'asìı ładı̨ı̨ łǫ whelaà ayį̀į̀là, hazǫǫ̀ hotıì dànì ha nıwǫ k'ę̀ę̀ ayį̀į̀là.

1 Corınth 13:2

Yedàyeh Nezı̨ı̨ dahxà xàyahtı ha seghàhòt'ǫ nı̨dè, t'asìı deɂı̨į̀ whelaa eyıts'ǫ t'asìı dezhìı hazǫǫ̀ wenıehdì nı̨dè, eyıts'ǫ sıì segha ehkw'ı-ahodı t'à shìh nechàa nàèhdǫ ahłe ha dìì-le, hanìkò dǫ ghǫneehtǫ-le nı̨dè t'asìı ehłı̨ nıìle.

1 Corınth 14:1

Ełeghǫnets'eètǫǫ nàowoò k'ę̀ę̀ aahda, Yedàyeh Nezı̨ı̨ ayìı goghàyelee sìı eyı denahk'e weahwhǫ. Yedàyeh Nezı̨ı̨ wedahxà xàyaahtıı sìı eyı denahk'e weahwhǫ.

1 Corınth 14:24

Ekò Yedàyeh Nezı̨ı̨ dahxà xàyaahtı ekìıyeè k'e dǫ wegha ehkw'ı-ahodı-le, hanì-le-ı̨dè dǫ naxık'èezǫ-le naxıgà goyaèhtła nı̨dè, hołı̨ı̨-hohtsı̨ı̨-dǫǫ̀ elı̨ nǫǫ̀ edek'èezǫǫ̀ ade ha, naxı̨ hazǫǫ̀ dàahdı t'à wesınìyaetıì ade ha,

1 Corınth 14:29

Dǫ nàke, dǫ taı Nǫ̀htsı̨ yatıì t'à dǫ ts'ǫ̀ gogııde, eyıts'ǫ dǫ eyı geèhkw'ee sìı dàhodıı sìı hotıì gıdaànıedè welì.

1 Corınth 3:5

Apollos eyıts'ǫ Paul, ayìı gı̨ı̨lı̨ı̨ ghǫ aahdı? Ekìı Nǫ̀htsı̨ wecheekeè awììt'e. Nǫ̀htsı̨ naxıts'ǫ̀ goı̨hɂà t'à naxıgha ehkw'ı-ahodıì aahjà hǫt'e. Goxı̨ ı̨łak'aà Nǫ̀htsı̨ la goghàı̨ɂǫ k'ę̀ę̀ weghàlawìda hǫt'e.

1 Corınth 7:7

Dǫ hazǫǫ̀ sexèht'eè geeda nı̨dè dehwhǫ. Hanìkò Nǫ̀htsı̨ sìı dǫ hazǫǫ̀ gıtaàt'eè t'asìı eładı̨ı̨ goghàı̨ɂǫ hǫt'e. Dǫ ı̨łè hoet'ı̨ ha weghàhòt'ǫ, eyıts'ǫ dǫ eyıì-le t'asìı eładı̨ı̨ weghàhòt'ǫ hǫt'e.

2 Corınth 8:12

Godzeè t'à t'asìı dǫ ghàts'eɂà nı̨dè Nǫ̀htsı̨ wegha nezı̨ hǫt'e. Ayìı dàtłǫ gots'ǫ weghàà t'asìı dǫ ghàts'eɂà ha goı̨hwhǫ hǫt'e, t'asìı gots'ǫ-le weghàà ats'et'ı̨ ha goı̨hwhǫ nıìle.

Ephesus 3:5

Eyı sìı dǫ gokwe gı̨ı̨dàa sìı gık'èezǫǫ̀ agììdlà-le ı̨lè, hanìkò dıì Nǫ̀htsı̨ wecheekeèdeè degaı eyıts'ǫ nakwenàoɂǫǫ degaı gı̨ı̨lı̨ı̨ sìı Yedàyeh Nezı̨ı̨ t'à gık'èezǫǫ̀ agejà.

Ephesus 4:11

Ededı̨ sìı dǫ mǫ̀hdaa wecheekeèdeè gı̨ı̨lı̨ ha goghàhòı̨ɂǫ hǫt'e, mǫ̀hdaa nakwenàoɂǫǫ gı̨ı̨lı̨ ha, mǫ̀hdaa godı nezı̨ı̨ k'egeɂaa gı̨ı̨lı̨ ha, mǫ̀hdaa Nǫ̀htsı̨ wets'ǫ dǫ k'ègedìı gı̨ı̨lı̨ ha, eyıts'ǫ mǫ̀hdaa dǫ hoghàgogeehtǫǫ gı̨ı̨lı̨ ha agǫ̀ǫ̀là.

Phılıppı 3:15

Goxı̨ hazǫǫ̀ Nǫ̀htsı̨ k'èts'eezǫǫ sìı hanì ts'eeda ha hǫt'e. Hanìkò t'asìı ghǫ sek'ę̀ę̀ nànıahdè-le nı̨dè, eyı kò Nǫ̀htsı̨ naxıgha deghàà wègaat'ı̨į̀ ayele ha hǫt'e.

1 Thessalonıca 5:20

Yedàyeh Nezı̨ı̨ wedahxà dǫ gode nı̨dè, ekìı ahodı dahwhǫ-le.

2 Peter 1:20

Nǫ̀htsı̨ Nı̨htł'è sìı nakwenàoɂǫǫ edınì k'ę̀ę̀ dek'enègı̨ı̨tł'è nıìle, eyı wenıahdì ha naxıgha sıì wet'àaɂà hǫt'e.