Rome 12:5 - Nǫ̀htsı̨ Nı̨htł'è

⁵ Goxı̨ Zezì-Krı wexè ats'ı̨ı̨t'ee sìı goxè hagǫ̀ht'e. Goxı̨ łǫ ts'eet'eè ats'ı̨ı̨t'e kò gozhį̀į̀ ı̨łè zǫ lanì, eyıts'ǫ ełets'ǫ ats'ı̨ı̨t'e.

Rome 12:5 ပူးပေါင်းရင်းမြစ်များ

John 17:11

Hòt'a dıı nèk'e aht'e ha-le, nets'ǫ̀ anahde ha, hanìkò secheekeè ı̨łaà dıı nèk'e agı̨ı̨t'e. Setà Degaı, nıızì dahxà gıxonehdı; nıızì wedahxà eghàlaehdaà asèneelàa sìı t'à gıxonehdı. Hanì-ı̨dè ededı̨ sìı dǫ ı̨łè zǫ lagı̨ı̨t'e ha, goxı̨ ı̨łè lawììt'e lanì.

Rome 12:4

Goxı̨ hazǫǫ̀ gozhį̀į̀ ı̨łè zǫ gǫ̀hłı̨ hanìkò wets'ǫ t'asìı łǫ gok'e whela hǫt'e. Eyı t'asìı gok'e whelaa sìı hazǫǫ̀ ełèht'eè eghàlageeda nıìle.

1 Corınth 10:17

Łèt'è ı̨łè zǫ hǫt'e eyıts'ǫ goxı̨ hazǫǫ̀ eyı łèt'è ı̨łè weghǫ shèts'ezhe t'à, goxı̨ goı̨tłǫ ats'ı̨ı̨t'e kò wezhį̀į̀ ı̨łè zǫ lats'ı̨ı̨t'e.

1 Corınth 10:33

Sı̨ sı dǫ hazǫǫ̀ gıgha sìghà k'ę̀ę̀ eghàlaehda ha edeèhdzà. Sı̨ edegha sìghà zǫ k'ę̀ę̀ eghàlaehda ha dehwhǫ-le, hanìkò dǫ hazǫǫ̀ gıgha sìghà k'ę̀ę̀ ha dehwhǫ, hanì-ı̨dè edahxǫ edaxàgeedè ha welì.

1 Corınth 12:20

Hanì nıìle, t'asìı łǫ gozhį̀į̀ k'e whela hanìkò gozhį̀į̀ ı̨łè zǫ gǫ̀hłı̨ hǫt'e.

1 Corınth 6:15

Naxızhį̀į̀ sìı Zezì-Krı wets'ǫ hǫt'e wek'èahsǫ-le nì? Eyıt'à gozhį̀į̀ Zezì wets'ǫ ne sìı ts'èkojıı t'à whetı̨į̀ ats'ele ha nì? Į̀le, hats'et'ı̨ ha honàedı nıìle!

Ephesus 4:12

Hanì-ı̨dè Nǫ̀htsı̨ wets'ǫ dǫ dànì Nǫ̀htsı̨ gha eghàlageeda ha sìı gık'èezǫǫ̀ agede ha, eyıts'ǫ hazǫǫ̀ ełexè Nǫ̀htsı̨ gha goınì ı̨łè zǫ lats'ede gots'ǫ̀, eyıts'ǫ Nǫ̀htsı̨ weza deghàà wek'èts'eezǫ ats'ede gots'ǫ̀, Nǫ̀htsı̨ wets'ǫ dǫ hazǫǫ̀ ełexè nàgetsoò agede ha. Hanì-ı̨dè dànì Zezì-Krı wexè hòɂǫǫ sìı wexèht'eè goxè hòɂǫ ats'ede ha.

Ephesus 4:25

Eyıt'à naxı̨ hazǫǫ̀ hots'ets'ìı k'ę̀ę̀ goahde-le eyıts'ǫ naxèot'ı̨ ts'ǫ̀ ehkw'ı goahde, Zezì-Krı wezhį̀į̀ ı̨łè zǫ gots'ǫ ats'ı̨ı̨t'e t'à.

Ephesus 5:23

Zezì-Krı edets'ǫ dǫ gha nakweè wheda lanì dǫzhìı hoet'ı̨ı̨ sìı edets'èkeè gha nakweè whedaa elı̨ hǫt'e. Zezì wecheekeè sìı wezhį̀į̀ agı̨ı̨t'e, eyıts'ǫ ededı̨ Edaxàgolee elı̨ hǫt'e.

Ephesus 5:30

Goxı̨ wets'ǫ dǫ ats'ı̨ı̨t'ee sìı wezhį̀į̀ ts'ǫ ats'ı̨ı̨t'e hǫt'e.

Colosse 1:24

Naxıgha daıhɂà t'à sınà hǫt'e. Zezì-Krı gogha daı̨ɂà, eyıts'ǫ Nǫ̀htsı̨ wecheekeè gogha denahk'e daı̨ɂa ha nı̨dè, sı̨ sı, sezhį̀į̀ t'à wegha daıhɂa kò dehwhǫ.

Colosse 2:19

Zezì gokwì elı̨ı̨ sìı xè aget'ı̨-le agejà t'à aget'ı̨. Goxı̨ wezhį̀į̀ lats'ı̨ı̨t'ee sìı hazǫǫ̀ dǫ ı̨łè zǫ lats'ı̨ı̨t'e, godzats'ìı eyıts'ǫ gokw'èh t'à gozhį̀į̀ hazǫǫ̀ yàłııtǫ̀. Zezì gokwì elı̨ lanì ts'ıhɂǫ̀ goxı̨ wezhį̀į̀ ts'ı̨ı̨lı̨ı̨ sìı Nǫ̀htsı̨ ełexè ts'eezheè agohɂı̨ hǫt'e.