Rome 12:19 - Nǫ̀htsı̨ Nı̨htł'è

¹⁹ Seàgı̨ą, ek'èt'à dǫ gıts'ǫ̀ hojıì eghàlaahda-le. Nǫ̀htsı̨ ededı̨ dǫ nàgoehkwa ha wets'ǫ̀ hoèlı̨į̀ aahłe. Dıı hanì dek'eèhtł'è: “Sı̨ sìı dǫ ayìı dàgı̨ı̨laa k'èxa hoìla gıghàhoehɂà ha,” gots'ǫ̀ K'àowo hadı, dek'eèhtł'è.

Rome 12:19 ပူးပေါင်းရင်းမြစ်များ

Matthew 5:39

Hanìkò sı̨ dıı hanaxèehsı̨: Hołı̨ı̨-dǫǫ̀ elı̨ı̨ sìı naxık'èch'a eghàlaeda kò ek'èt'à weghàhòahɂà-le. Dǫ tsį̀naxı̨ı̨kà nı̨dè k'achı̨ wets'ǫ̀ naahɂa.

Rome 12:14

Dǫ danaxegį̀ı̨hɂaa sìı gıgha yaahtı; gıts'ǫ̀ hoìla agode ha dahwhǫ-le hanìkò gıts'ǫ̀ nezı̨į̀ aahdı.

Rome 12:17

Dǫ naxıts'ǫ̀ hojıı eghàlageeda nı̨dè ek'èt'à gıts'ǫ̀ hojıı eghàlaahda-le. Dǫ hazǫǫ̀ gıgha ayìı ehkw'ıı sìı hotıì wek'ę̀ę̀ weghàlaahda.

Rome 13:4

Naxıts'ǫ̀ nezı̨į̀ eghàlageeda ha Nǫ̀htsı̨ gha eghàlageeda hǫt'e. Hanìkò ekǫ-le eghàlaahda nı̨dè dahjı̨ ha hǫt'e, k'aodèe gı̨ı̨lı̨ı̨ sìı gık'èaht'e-le k'èxa hoìla anaxegele ha hǫt'e. Nǫ̀htsı̨ gha eghàlageeda hǫt'e, eyıts'ǫ Nǫ̀htsı̨ dahxà dǫ wejıı sìı dagı̨ı̨ɂaà agogele ha hǫt'e.

Ephesus 4:27

hanì-ı̨dè wehłı̨ı̨ naxıdaèht'è ha nıìle.

1 Thessalonıca 4:6

Eyıt'à dǫ wı̨ı̨zìı edèot'ı̨ ts'ǫ̀ ekǫ-le eghàlaeda ha nıìle eyıts'ǫ hołı̨ı̨ k'ę̀ę̀ edèot'ı̨ k'alawo ha nıìle. Hòt'a hanaxèts'edı ı̨lè, dǫ hanì nàowojıı ghàlaedaa sìı gots'ǫ̀ K'àowo nàyeehkwa ha hǫt'e.

2 Tımothy 4:14

Alexander satsǫ̀-eghàlaedaa-dǫǫ̀ sets'ǫ̀ hoìla deè hòèhtsı̨. Gots'ǫ̀ K'àowo eyı k'èxa hoìla yeghàhòɂà ha.

Hebrew 10:30

Nǫ̀htsı̨ wek'èts'eezǫǫ sìı ededı̨ dıı hadı, “Dǫ nàgeehkwa ha sìı sı̨ sets'ǫ̀ hoèlı̨ hǫt'e, eyıts'ǫ dǫ ekǫ-le hogehtsı̨ı̨ k'èxa ek'èt'à gıghàhoehɂà ha,” eyıts'ǫ k'achı̨ dıı hadı, “Gots'ǫ̀ K'àowo edets'ǫ dǫ gosınìyaehtı ha,” dek'eèhtł'è.