Rome 11:36 - Nǫ̀htsı̨ Nı̨htł'è

³⁶ Nǫ̀htsı̨ t'asìı hazǫǫ̀ whehtsı̨, t'asìı hazǫǫ̀ wets'ǫ hǫt'e, eyıts'ǫ t'asìı hazǫǫ̀ wegha hǫt'e. Welǫ whìle ts'ǫ̀ weghàsǫts'eedı welè! Amen.

Rome 11:36 ပူးပေါင်းရင်းမြစ်များ

Matthew 6:13

Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’

Luke 19:38

Yagìzeh xè hagedı, “K'àowocho, gots'ǫ̀ K'àowo dahxà nììtłaa sìı wexè sìghà welè.” “Įdòo yak'e ts'èwhı̨į̀ hòɂǫ, eyıts'ǫ Nǫ̀htsı̨ weghàsǫhoedı welè!” gedı.

Luke 2:14

“Nǫ̀htsı̨ ı̨dòo yak'e whedaa sìı weghàsǫts'eedı. Dıı nèk'e dǫ hazǫǫ̀ Nǫ̀htsı̨ goghǫ sǫnıwǫǫ sìı gıxè ts'èwhı̨į̀ hòɂǫ welè,” yak'eet'ı̨į̀ hagedıì gejı̨.

Zezì Wecheekeèdeè 17:28

Naxı̨ kò naxıts'ǫ egeetł'èe-dǫǫ̀ mǫ̀hdaa dıı hagedıì egı̨ı̨tł'è ı̨lè, ‘Ededı̨ wet'à dǫ ts'ı̨ı̨lı̨ eyıts'ǫ wet'à ts'eeda,’ eyıts'ǫ mǫ̀hdaa hagedıì, ‘Wets'ıhɂǫ̀ǫ-dǫǫ̀ ats'ı̨ı̨t'e,’ gedıì egı̨ı̨tł'è.

Rome 16:27

Zezì-Krı wets'ıhɂǫ̀ Nǫ̀htsı̨ ededı̨ zǫ gǫǫzǫǫ̀ wehòhɂǫǫ sìı welǫ whìle ts'ǫ̀ weghàsǫts'eedı welè! Amen.

1 Corınth 11:12

Ts'èko sìı dǫzhìı gots'ǫ wehòèlı̨ hǫt'e, eyıts'ǫ dǫzhìı ts'èko gots'ǫ wegǫ̀hłı̨ hǫt'e. Hanìkò t'asìı hazǫǫ̀ Nǫ̀htsı̨ gots'ǫ hǫt'e.

1 Corınth 8:6

hanìkò goxı̨ gogha sìı Nǫ̀htsı̨ ı̨łè zǫ gǫ̀hłı̨, eyı sìı Nǫ̀htsı̨-Gotà hǫt'e. Ededı̨ t'asìı hazǫǫ̀ whehtsı̨ eyıts'ǫ ededı̨ wegha ts'eeda hǫt'e. Eyıts'ǫ gots'ǫ̀ K'àowo ı̨łè zǫ gǫ̀hłı̨, eyı sìı Zezì-Krı hǫt'e. Ededı̨ wet'ǫ̀ǫ̀ t'asìı hazǫǫ̀ hòèlı̨, eyıts'ǫ wet'à ts'eeda hǫt'e.

Galatıa 1:5

Eyıt'à welǫ whìle ts'ǫ̀ weghàsǫts'eedı welè. Amen.

Phılıppı 4:20

Nǫ̀htsı̨-Gotà welǫ whìle ts'ǫ̀ weghàsǫhoedı welè. Amen.

1 Tımothy 1:17

Gots'ǫ K'àowocho welǫ whìle ts'ǫ edaa, eładı̨į̀ ade-le, eyıts'ǫ wègaat'ı̨-le sìı, weghàsǫts'eedı welè. Gonǫ̀htsı̨ ı̨łàet'ee zǫ sìı welǫ whìle ts'ǫ̀ wexè enıìyah welè. Amen.

1 Tımothy 6:16

Nǫ̀htsı̨ ededı̨ zǫ ełaàwı-le sìı sadeè nàtso lanì wehòhɂǫ t'à dǫ wı̨ı̨zìı yets'ǫ̀ nıwà-le ade ha dìì, eyıt'à dǫ wı̨ı̨zìı yaɂı̨ whìle eyıts'ǫ dǫ wı̨ı̨zìı yeɂį̀ ha dìì. Ededı̨ weghàsǫts'eedı welè, eyıts'ǫ welǫ whìle ts'ǫ̀ gots'ǫ̀ K'àowo enıìyah t'à nàtso welè. Amen.

2 Tımothy 4:18

Nàowołı̨ı̨ hazǫǫ̀ sek'alawo ch'à gots'ǫ̀ K'àowo edaxàsehtè ha, eyıts'ǫ yak'e wenàowoò k'ę̀ę̀ hòɂǫǫ sìı ts'ǫ̀ asele ha. Welǫ whìle ts'ǫ̀ weghàsǫhoedı welè. Amen.

Hebrew 13:21

Nǫ̀htsı̨ wınì k'ę̀ę̀ eghàlaahda gha t'asìı hazǫǫ̀ naxıghàyııle. Eyıts'ǫ ayìı wınì k'ę̀ę̀ ne sìı Zezì-Krı wet'ǫ̀ǫ̀ naxıdzeè yìı yeghàlaıdà. Welǫ whìle ts'ǫ̀ Zezì weghàsǫhoedı welè. Amen.

Hebrew 2:10

Nǫ̀htsı̨ wegha eyıts'ǫ wet'ǫ̀ǫ̀ t'asìı hazǫǫ̀ hòèlı̨. Zezì gogha daı̨ɂàa sìı wet'ǫ̀ǫ̀ Nǫ̀htsı̨ weza łǫ welǫ whìle ts'ǫ̀ edaxàgıazha. Eyıt'à Zezì daı̨ɂà t'à Nǫ̀htsı̨ denahk'e elı̨į̀ ayį̀į̀làa sìı ehkw'ı hǫt'e.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.

1 Peter 5:11

Welǫ whìle ts'ǫ̀ Nǫ̀htsı̨ enıìyah nàtso wets'ǫ̀-èlı̨ welè. Amen.

2 Peter 3:18

Gots'ǫ̀ K'àowo Zezì-Krı Edaxàgolee elı̨ı̨ sìı denahk'e nezı̨į̀ wek'èahsǫ xè denahk'e wesǫnıwǫ xè aahda. Dıì gots'ǫ welǫ whìle ts'ǫ̀ ededı̨ weghàsǫts'eedı ha hǫt'e! Amen.

Jude 1:25

Zezì-Krı wet'à Nǫ̀htsı̨ ededı̨ zǫ Edaxàgolee elı̨ı̨ sìı t'aats'ǫǫ̀ weghàsǫts'eedı welè. Dıı dèè hòèlı̨ kwe gots'ǫ, dıì, eyıts'ǫ welǫ whìle ts'ǫ̀ Nǫ̀htsı̨ ededı̨ zǫ denahk'e elı̨ı̨ sìı wexè enıìyah hòɂǫ. T'asìı hazǫǫ̀ ts'ǫ̀ K'àowo elı̨, ededı̨ zǫ nàtso, eyıts'ǫ t'asìı hazǫǫ̀ wetł'aà whela hǫt'e! Amen.

John Wenazhıı 19:1

Eyı tł'axǫǫ̀ yak'e gots'ǫ dǫ łǫ ełexè gezeh lagodı, dıı hagedı, “Aleluya! Nǫ̀htsı̨ ededı̨ zǫ dǫ edaxàgole hǫt'e, t'asìı wegha dìì-le, eyıts'ǫ weghàsǫts'eedı ha hǫt'e.

John Wenazhıı 21:6

Eyıts'ǫ sets'ǫ̀ hadı, “Hòt'a enahǫ̀t'e. Yatı t'akwełǫ̀ǫ̀ aht'e eyıts'ǫ yatı nǫǫde aht'e; kèhǫǫ̀wo ts'ǫ sehòhɂǫ eyıts'ǫ nǫǫde ts'ǫ̀ sehòhɂǫ. Amìı tı ghaewıı sìı t'asìı k'èxa-le tı wet'à ts'eedaa weghàehdı ha.

John Wenazhıı 7:10

Hòtł'ò hagedı: “Gonǫ̀htsı̨ eyı daèhchı̨cho k'e whedaa eyıts'ǫ eyı sahzǫ̀ą edaxàgogı̨ı̨la hǫt'e,” gedıì gezeh.

John Wenazhıı 7:12

hagedı, “Amen! Nǫ̀htsı̨ weghàsǫts'eedı xè welǫ whìle ts'ǫ̀ masì wets'ı̨ı̨hwhǫ. Nǫ̀htsı̨ t'aats'ǫǫ̀ enıìyah t'à gǫǫzǫ xè nàtso wehòhɂǫ welè. Amen!” hagedı.