Rome 11:32 - Nǫ̀htsı̨ Nı̨htł'è

³² Dǫ hazǫǫ̀ Nǫ̀htsı̨ k'èagı̨ı̨t'e-le t'à, Nǫ̀htsı̨ gınìłı̨ı̨ gıts'ǫ̀ k'àowoò agǫ̀ǫ̀là. Hanì-ı̨dè dànì gots'ǫ̀ wedzeè eteèɂı̨ı̨ sìı dǫ hazǫǫ̀ gık'èezǫǫ̀ agole ha.

Rome 11:32 ပူးပေါင်းရင်းမြစ်များ

John 1:7

Eyı dzęh nı̨ı̨dı̨ı̨ yeghǫ xàyahtı ha jǫ nììtła. Ededı̨ wet'ǫ̀ǫ̀ dǫ hazǫǫ̀ gıgha ehkw'ı-ahodı gha ajà.

John 12:32

Ekò sı̨ sìı dıı nèk'e gots'ǫ ı̨dòo asììdlà nı̨dè dǫ hazǫǫ̀ sets'ǫ̀ agehłe ha,” Zezì gòhdı.

Rome 11:31

Eyıt'à dıì sìı Israel got'ı̨į̀ ededı̨ sı Nǫ̀htsı̨ k'èagı̨ı̨t'e-le hǫt'e. Hanìkò Nǫ̀htsı̨ naxıts'ǫ̀ wedzeè eteèɂı̨ı̨ sìı gıgha wègaat'ı̨ ts'ıhɂǫ̀ ededı̨ sı gıgha ehkw'ı-ahodı agode ha, eyıt'à Nǫ̀htsı̨ gots'ǫ̀ wedzeè eteèɂı̨ ha.

Rome 3:22

Amìı Zezì-Krı yegha ehkw'ı adıı sìı Nǫ̀htsı̨ ehkw'ı ayehɂı̨ hǫt'e. Israel got'ı̨į̀ eyıts'ǫ dǫ eyıì-le xàɂaa hazǫǫ̀ gıgha ełèht'eè hǫt'e, gıgha nàowo eładı̨ı̨ gǫ̀hłı̨-le.

Rome 3:9

Eyıt'à edeghǫ dàts'edı welì? Dǫ eyıì-le xàɂaa sìı gınahk'e ts'ı̨ı̨lı̨ nì? Hanì honàedı nıìle! Israel got'ı̨į̀ eyıts'ǫ dǫ eyıì-le xàɂaa hazǫǫ̀ ełèht'eè hołı̨ı̨ gık'e whela, hòt'a hats'edı ı̨lè.

Rome 5:19

Dǫ ı̨łè Nǫ̀htsı̨ k'èaı̨t'è-le ts'ıhɂǫ̀ dǫ łǫ hołı̨ı̨-hogehtsı̨ı̨-dǫǫ̀ gı̨ı̨lı̨ı̨ agììdlà, eyıts'ǫ eyı lanì dǫ ı̨łè Nǫ̀htsı̨ k'èaı̨t'è ts'ıhɂǫ̀ dǫ łǫ ehkw'ıì agedle ha.

Galatıa 3:22

Hanìkò Nǫ̀htsı̨ Nı̨htł'è k'e, dǫ hazǫǫ̀ hołı̨ı̨ nàowoò gıts'ǫ̀ k'ahowo, dek'eèhtł'è. Hanì ts'ıhɂǫ̀ Zezì-Krı gogha ehkw'ı-ahodı nı̨dè eyı Nǫ̀htsı̨ yatı whehtsı̨ı̨ sìı goghǫ̀t'à ha hǫt'e.

Galatıa 3:23

Gogha ehkw'ı-ahodı kwe sìı Moses wenàowoò tł'a ts'eèhkw'e ı̨lè eyıts'ǫ wets'ǫ̀ dagoetł'ı̨ lats'ı̨ı̨t'e ı̨lè. Zezì-Krı gogha ehkw'ı-ahodı ha sìı Nǫ̀htsı̨ wek'èts'eezǫǫ̀ agǫ̀ǫ̀là gots'ǫ̀, godanìı̨tǫ lats'ı̨ı̨t'e ı̨lè.