Rome 11:28 - Nǫ̀htsı̨ Nı̨htł'è

²⁸ Naxıxè sìghà hòɂǫ ha t'à godı nezı̨ı̨ gıgha wedę agı̨į̀là eyıts'ǫ Nǫ̀htsı̨ k'èch'a agı̨ı̨t'e. Hanìkò Nǫ̀htsı̨ gocho Abraham, Isaac eyıts'ǫ Jacob gòį̀hchì ts'ıhɂǫ̀ Israel got'ı̨į̀ goghǫneètǫ wek'èts'eezǫ.

Rome 11:28 ပူးပေါင်းရင်းမြစ်များ

Dànì Kèhoį̀wo 26:4

Nets'ıhɂǫ̀ǫ-dǫǫ̀ łǫ t'à yat'a whǫ̀ lageètłǫ agehłe ha, eyıts'ǫ dıı dèè hazǫǫ̀ gıghàehɂà ha. Nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa gıxè sìghà hòɂǫ ha,

Dànì Kèhoį̀wo 28:14

Nets'ıhɂǫ̀ǫ-dǫǫ̀ sìı dèè k'e ehtł'è whetł'ıı xètłǫ lagede ha. Hazǫǫ̀ nemǫǫ̀ goòɂà ts'ǫ̀ nenèè gǫchà agode ha. Nı̨ eyıts'ǫ nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫǫ̀ agode ha.

Matthew 21:43

“Eyıt'à naxıts'ǫ̀ dıı haehsı̨: Nǫ̀htsı̨ Wenàowoò k'ę̀ę̀ hòɂǫǫ sìı naxıghǫ naìchı ha eyıts'ǫ dǫ eyıì-le wınì k'ę̀ę̀ eghàlageeda ha sìı gıghaelı̨ ha.

Luke 1:54

Nǫ̀htsı̨, Israel wecheekeè gı̨ı̨lı̨ı̨ sìı etegoòɂı̨ t'à gots'àı̨dì hǫt'e.

Zezì Wecheekeèdeè 14:2

Hanìkò Israel got'ı̨į̀ mǫ̀hdaa gıgha ehkw'ı-ahodı ha gı̨ı̨wǫ-le sìı dǫ eyıì-le xàɂaa Nǫ̀htsı̨ wecheekeè ts'ǫ̀ gınì nezı̨-le agogį̀į̀là.

Zezì Wecheekeèdeè 18:6

Hanìkò Israel got'ı̨į̀ Paul k'èch'a gogede. Paul ehkw'ı aget'ı̨-le gık'èezǫ ha nıwǫ t'à edegoht'ǫǫ̀ yèhxo xè hagòhdı, “Naxı̨ edaxàahdè-le nı̨dè naxıt'à ha ne. Hòt'a sı̨ sets'ǫ̀ hoèlı̨ nıìle. Jǫ gots'ǫ ı̨daà dǫ eyıì-le xàɂaa gıts'ǫ̀ ahde ha,” gòhdı.

Rome 11:11

Israel got'ı̨į̀ hodàgeètł'ı t'à k'achı̨ negıìdè ha dìì nì? Į̀le ne! Hanìkò gıhołı̨į̀ ts'ıhɂǫ̀ Nǫ̀htsı̨ edaxàgolee wegodıì sìı dǫ eyıì-le xàɂaa gıts'ǫ̀ adlà. Hanì t'aa Nǫ̀htsı̨ sìı Israel got'ı̨į̀ dǫ eyıì-le xàɂaa ts'ǫ̀ dagı̨ı̨ɂaà agǫ̀ǫ̀là.

Rome 11:30

Įnę̀ę naxı̨ sı Nǫ̀htsı̨ k'èaht'e-le ı̨lè, hanìkò Israel got'ı̨į̀ Nǫ̀htsı̨ k'èagı̨ı̨t'e-le ts'ıhɂǫ̀ dıì Nǫ̀htsı̨ naxıts'ǫ̀ wedzeè eteèɂı̨ hǫt'e.

Rome 11:7

Eyı weghǫ dàts'edı welì? Israel got'ı̨į̀ t'asìı gha hòtł'ò eghàlagı̨ı̨dàa sìı eyı gıghǫ̀t'ǫ-le, hanìkò dǫ eyıì-le Nǫ̀htsı̨ gòį̀hchìı sìı eyı gıghǫ̀t'ǫ hǫt'e. Dǫ gòį̀hchì-le sìı gıkwì nàtsoò agììdlà.

Rome 5:10

Įłaà Nǫ̀htsı̨ wek'èch'a ts'eeda ekò weza gogha ełaı̨wo t'à Nǫ̀htsı̨ wexè ts'èwhı̨į̀ ts'eedaà agǫ̀ǫ̀là. Nǫ̀htsı̨ wexè ts'èwhı̨į̀ ts'eeda agòìdlà zǫǫ̀-le, dıì Zezì wexè ts'eeda t'à denahk'e edaxàgole ha hǫt'e.

Rome 9:5

Gıcho Abraham, Isaac, eyıts'ǫ Jacob gots'ǫ dǫ gı̨ı̨lı̨ı̨ hǫt'e. Dıı nèk'e sèot'ı̨ gıta gots'ǫ Zezì-Krı wecho gòı̨lè hǫt'e. Zezì ededı̨ t'asìı hazǫǫ̀ gha Nǫ̀htsı̨ elı̨ı̨ sìı welǫ whìle ts'ǫ̀ weghàsǫts'eedı welè! Amen.