Rome 11:21 - Nǫ̀htsı̨ Nı̨htł'è

²¹ Nǫ̀htsı̨ eyı ts'ı xàè wets'ǫ kw'ıhchı̨į̀ gıgha ehkw'ı-ahodı-le k'èxa nàyı̨ı̨zhì nı̨dè, naxı̨ ayìıha naxık'èdì welì?

Rome 11:21 ပူးပေါင်းရင်းမြစ်များ

Rome 11:17

Wekw'ıhchı̨į̀ mǫ̀hdaa dahchı̨atǫ̀, eyıts'ǫ naxı̨ ts'ı nezı̨-le wekw'ıhchı̨į̀ laaht'ee sìı ts'ı nezı̨ı̨ wekw'ıhchı̨į̀ ta anaxììdlà laaht'e. Eyıt'à dıì sìı ts'ı nezı̨ı̨ weghochı̨į̀ t'à dahshe lanì hǫt'e.

Rome 11:19

Eyıt'à dıı haahdı ha sǫnı, “Wetł'axǫǫ̀ nìsı̨ı̨htè ha t'à ts'ı wekw'ıhchı̨į̀ dahchı̨atǫ̀ hǫt'e,” dahdı ha tahkò.

Rome 11:20

Eyı sìı ehkw'ı t'ıį̀t'e, Nǫ̀htsı̨ gıgha ehkw'ı adı-le t'à dahchı̨gıatǫ̀ ı̨lè. Naxı̨ Nǫ̀htsı̨ naxıgha ehkw'ı-ahodı t'à, eyı ts'ı wets'ǫ kw'ıhchı̨į̀ aaht'e anaxììdlà hǫt'e. Eyıt'à xàhoahdì-le, hanìkò edeghǫ dahjı̨ welè.

Rome 11:22

Eyıt'à Nǫ̀htsı̨ weghǫ nanıahdè; ededı̨ sìı wèhoedı-le eyıts'ǫ wedzeè sǫnıwǫ. Dǫ gıgha ehkw'ı-ahodı-le sìı gots'ǫ̀ wèhoedı-le, hanìkò naxıts'ǫ̀ wedzeè sǫnıwǫ hǫt'e. T'aats'ǫǫ̀ wegha naxınì nàtsoò aahwhǫ nı̨dè naxıts'ǫ̀ wedzeè sǫnıwǫ ha. Ekò haaht'e-le nı̨dè eyı kw'ıhchı̨į̀ lanì naxık'ıızhì ha hǫt'e.

Rome 8:32

Xàè Weza sìı edegha yek'èdì-le, hanìkò hazǫǫ̀ gogha ełaı̨woò ayį̀į̀là. Hotıì gogha hanì eghàlaı̨dà nı̨dè, t'asìı hazǫǫ̀ edeza ghàyı̨ı̨laa sìı goxı̨ sı ededzeè t'à goghàyele ha wek'èts'eezǫ.

Jude 1:5

Nǫ̀htsı̨ edets'ǫ dǫ Egypt nèk'e gots'ǫ xàgoèwa tł'axǫǫ̀ dǫ Nǫ̀htsı̨ gıgha ehkw'ı-ahodı ha gı̨ı̨wǫ-le sìı godıhòèhtsı̨ ı̨lè. Eyı hazǫǫ̀ hòt'a wek'èahsǫ kò, wenaahdì anaxehłe ha dehwhǫ.