Rome 11:20 - Nǫ̀htsı̨ Nı̨htł'è

²⁰ Eyı sìı ehkw'ı t'ıį̀t'e, Nǫ̀htsı̨ gıgha ehkw'ı adı-le t'à dahchı̨gıatǫ̀ ı̨lè. Naxı̨ Nǫ̀htsı̨ naxıgha ehkw'ı-ahodı t'à, eyı ts'ı wets'ǫ kw'ıhchı̨į̀ aaht'e anaxììdlà hǫt'e. Eyıt'à xàhoahdì-le, hanìkò edeghǫ dahjı̨ welè.

Rome 11:20 ပူးပေါင်းရင်းမြစ်များ

Luke 18:14

“Ehkw'ı anaxèehsı̨, eyı sǫǫ̀mba-nàhtsį̀ı̨-dǫǫ̀ edekǫ̀ ts'ǫ̀ naèhtła kwe Nǫ̀htsı̨ nadąą̀ ehkw'ı awììdlà hǫt'e. Ekò Pharısee wexè hagòjà-le. Dǫ wet'àaɂàa edeewǫǫ sìı į̀į̀zhaelı̨į̀ awedle ha, eyıts'ǫ dǫ k'èeweèt'ı̨ lanì edaa sìı wet'àaɂà awedle ha,” Zezì gòhdı.

Zezì Wecheekeèdeè 18:6

Hanìkò Israel got'ı̨į̀ Paul k'èch'a gogede. Paul ehkw'ı aget'ı̨-le gık'èezǫ ha nıwǫ t'à edegoht'ǫǫ̀ yèhxo xè hagòhdı, “Naxı̨ edaxàahdè-le nı̨dè naxıt'à ha ne. Hòt'a sı̨ sets'ǫ̀ hoèlı̨ nıìle. Jǫ gots'ǫ ı̨daà dǫ eyıì-le xàɂaa gıts'ǫ̀ ahde ha,” gòhdı.

Rome 11:18

Eyı kw'ıhchı̨į̀ dahchı̨atǫ̀ǫ sìı gınahk'e ats'ı̨ı̨t'e dahwhǫ t'à, edeghǫ xàdahoahdì-le. Haahdı nı̨dè dıı weghǫ nànıahdè: Naxı̨ sìı ts'ı weghochı̨į̀ nàtsoò aahwhǫ nıìle, hanìkò ts'ı weghochı̨į̀ sìı nàtsoò anaxį̀į̀hwhǫ hǫt'e.

Rome 11:21

Nǫ̀htsı̨ eyı ts'ı xàè wets'ǫ kw'ıhchı̨į̀ gıgha ehkw'ı-ahodı-le k'èxa nàyı̨ı̨zhì nı̨dè, naxı̨ ayìıha naxık'èdì welì?

Rome 12:16

Ts'èwhı̨į̀ ełexè aahda. Xàhoahdì-le. Dǫ t'asìı gı̨ı̨lı̨-le sìı gıxè aaht'ı̨. Gınahk'e ats'ı̨ı̨t'e dahwhǫ-le.

Rome 12:3

Nǫ̀htsı̨ wesǫnıwǫ seghǫ̀t'ǫ wedahxà naxıts'ǫ̀ dıı haehsı̨: T'asìı deè ats'ı̨ı̨t'e dahwhǫ t'à deɂǫ̀ǫ̀ edeghǫ nànıahdè-le, hanìkò ehkw'ı edeghǫ nànıahdè. Nǫ̀htsı̨ naxınì dànàı̨htsoò ayį̀į̀là k'ę̀ę̀ edeghǫ nànıahdè.

Rome 3:3

Ekò Israel got'ı̨į̀ mǫ̀hdaa gıgha ehkw'ı-ahodı-le ts'ıhɂǫ̀ Nǫ̀htsı̨ ayìı dàyele ha gòhdıı sìı edeyatıì k'èdì ha-le nì?

1 Corınth 10:12

Eyıt'à amìı nàhtso edeewǫǫ sìı, hołı̨ı̨ t'à naxık'èchıìtła ch'à edexoahdı!

1 Corınth 15:1

Sèot'ı̨ı̨, godı nezı̨ı̨ t'à naxıts'ǫ̀ goıhdee sìı wenaahdì ha dehwhǫ. Eyı godı nezı̨ı̨ sìı naxıgha ehkw'ı-ahodı xè hotıì wek'ę̀ę̀ aahda ha dahwhǫ hǫt'e.

1 Corınth 16:13

Sèot'ı̨ı̨, edexoahdı; gots'ǫ̀ K'àowo weghǫ naxınì nàtso welè; t'asìı ghǫ dahjı̨-le, nàahtsoò edeahłe.

2 Corınth 1:24

Dànì naxıgha ehkw'ı-ahodıı sìı weghǫ naxıts'ǫ̀ k'ahots'edè dehsı̨į̀-aehsı̨-le, hanìkò naxınà gha naxıxè eghàlats'eeda hǫt'e, naxıgha ehkw'ı-ahodıı sìı wet'à naxınì nàtso hǫt'e.

2 Corınth 10:5

Nǫ̀htsı̨ k'èch'a xàyaetıı hazǫǫ̀ eyıts'ǫ t'asìı hazǫǫ̀ Nǫ̀htsı̨ ch'à agohɂı̨ı̨ sìı wedıhots'ehtsı̨ eyıts'ǫ nànıhowo hazǫǫ̀ ts'ìhchı gà Zezì-Krı k'èı̨t'e ats'ehɂı̨ hǫt'e.

Phılıppı 2:12

Seàgı̨ą, naxıxè whıhdaa eyıts'ǫ naxıxè whıhda-le, ehk'ę̀ę̀ t'aats'ǫǫ̀ sek'èaht'e hǫt'e. Eyıt'à edaxàahdèe sìı t'aats'ǫǫ̀ wek'e eghàlaahda eyıts'ǫ Nǫ̀htsı̨ k'èch'a aahda gha dahjı̨ ha welè,

Colosse 2:7

Wexè ı̨łè zǫ laaht'e eyıts'ǫ wet'à naxınì nàtsoò aahłe welè. Ayìı hoghànaxeètǫ k'ę̀ę̀ eghàlaahda, wet'à naxınì nàwetso, eyıts'ǫ t'aats'ǫǫ̀ naxıdzeè t'à masì dahwhǫ.

2 Thessalonıca 2:4

Eyı dǫ wejıı sìı t'asìı hazǫǫ̀ dǫ Nǫ̀htsı̨ gìt'ı̨ı̨ sìı eyıts'ǫ t'asìı hazǫǫ̀ ts'ǫ̀ yagehtıı sìı k'èch'a k'ehoɂa xè gınahk'e ehłı̨ hadı ha. Eyıt'à Nǫ̀htsı̨kǫ̀-gocho goyìı wheda gà Nǫ̀htsı̨ aht'e edèhdı ha.

1 Tımothy 6:17

Dıı nèk'e dǫ ahxee gı̨ı̨lı̨ı̨ sìı dıı yatı gıghàı̨ɂà. Xàhogııdì-le eyıts'ǫ t'asìı gıts'ǫ sìı ghǫ hòtł'ò agı̨ı̨wǫ ha-le, hǫtsaa gıghǫ whìle ade ha sǫnı t'à. Hanìkò Nǫ̀htsı̨ gha gınì nàtso ha hǫt'e. Ededı̨ sìı wet'à sìts'eèt'ı̨ı̨ nàts'edè gha t'asìı hazǫǫ̀ goghàyele hǫt'e.

Hebrew 3:12

Eyıt'à sèot'ı̨ı̨, naxıdzeè yìı hołı̨ı̨ awede sǫ̀ǫ̀ eyıts'ǫ naxıgha ehkw'ı-ahodı-le t'à Nǫ̀htsı̨ edaa sìı wets'ǫǫ̀ naahdè sǫ̀ǫ̀.

Hebrew 3:19

Gıgha ehkw'ı-ahodı-le t'à Nǫ̀htsı̨ wexè ts'èwhı̨į̀ hòɂǫǫ sìı hogeɂį̀ ha dìì wek'èts'eezǫ hǫt'e.

Hebrew 4:11

Eyıt'à Nǫ̀htsı̨ xè ts'èwhı̨į̀ hòɂǫǫ k'è hots'eɂį̀ ha nı̨dè hòtł'ò eghàlats'eeda ha hǫt'e, hanì-ı̨dè gocho dànì Nǫ̀htsı̨ k'èagı̨ı̨t'e-le k'ę̀ę̀ gogha hoìla ha-le.

Hebrew 4:6

Eyıt'à dǫ mǫ̀hdaa Nǫ̀htsı̨ xè ts'èwhı̨į̀ hòɂǫǫ sìı hogeɂį̀ ha hǫt'e wek'èts'eezǫ. Hanìkò ı̨nę̀ę dǫ godı nezı̨ı̨ egıìkw'o ı̨lèe sìı Nǫ̀htsı̨ k'èagı̨ı̨t'e-le t'à, Nǫ̀htsı̨ xè ts'èwhı̨į̀ hòɂǫǫ sìı hogıaɂı̨ nıìle.

James 2:19

Nǫ̀htsı̨ ı̨łè zǫ gǫ̀hłı̨ı̨ sìı negha ehkw'ı-ahodı. Ehkw'ı aneewǫ hǫt'e! Įnìłı̨ı̨ kò ededı̨ sı eyı gıgha ehkw'ı hǫt'e, eyıt'à geejı̨ xè gıts'ehłı̨ laget'į̀.

James 4:6

Hanìkò edesǫnıwǫǫ̀ denahk'e gots'ǫ̀ ayehɂı̨ hǫt'e. Hanì ts'ıhɂǫ̀ Nǫ̀htsı̨ Nı̨htł'è dıı hadı: “Nǫ̀htsı̨ sìı dǫ xàhodì k'èch'a at'ı̨, hanìkò dǫ k'èeweèt'ı̨ı̨ elı̨ı̨ sìı ts'ǫ̀ wedzeè sǫnıwǫ hǫt'e,” dek'eèhtł'è.

1 Peter 1:17

Nǫ̀htsı̨-Gotà naxıgha ehkw'ı-ahodıı sìı dǫ hazǫǫ̀ ełèht'eè gosınìyaehtı ne t'à, dıı nèk'e dǫ gıta xàhtǫ laaht'e xè Nǫ̀htsı̨ t'asìı wegha dìì-le sìı wek'èaht'e ha hòtł'ò aahwhǫ.

1 Peter 5:12

Naxıts'ǫ̀ eehtł'è gha sèot'ı̨ Sılas sets'àı̨dì. Ededı̨ sìı t'aats'ǫǫ̀ segha nezı̨į̀ eghàlaeda hǫt'e. Naxınì nàtsoò ahłe ha eyıts'ǫ Nǫ̀htsı̨ wesǫnıwǫ k'ę̀ę̀ aahda ha dehwhǫ t'à t'asìı mǫ̀hdaa ghǫ naxıts'ǫ̀ ııhtł'è hǫt'e. Nǫ̀htsı̨ naxıts'ǫ̀ sǫnıwǫ ts'ıhɂǫ̀ t'aats'ǫǫ̀ naxınì nàtsoò aahwhǫ.

1 Peter 5:9

Wek'ę̀ę̀ eghàlaahda-le, hanìkò Nǫ̀htsı̨ gha naxınì nàtsoò aahwhǫ, dıı nèk'e dǫ gıgha ehkw'ı-ahodıı hazǫǫ̀ naxıxèht'eè dagı̨ı̨ɂa wek'èahsǫ hǫt'e.

John Wenazhıı 18:7

T'asìı wèdaat'ı̨ı̨ łǫ xàɂaa wets'ǫ t'à ahxe k'ę̀ę̀ nàdè adììdlà. Eyı t'aànì enıìyah xè ahxe k'ę̀ę̀ ı̨ı̨dà xèht'eè daı̨ɂa xè wedzeè nànııtì aweahłe. Edeghǫ xàhodì gode, edets'ǫ̀ hadı, ‘Ts'èko-k'àowo aht'e t'à daèhchı̨cho k'e whıhda. Ts'èko wedǫǫ̀ wegà ełaı̨wo aht'e nıìle eyıts'ǫ sedzeè nànııtì hǫı̨lı̨ ha nıìle,’ edets'ǫ̀ hadı.

John Wenazhıı 3:17

‘Ahxee ats'ı̨ı̨t'e,’ edèahdı, ‘T'asìı łǫ gots'ǫ t'à t'asìı wets'ı̨ı̨wǫ gǫ̀hłı̨-le,’ dahdı, hanìkò naxıxè gots'eèdı, eteaht'ı̨, naxıdaà goìle xè goht'ǫ dę dahkw'e hǫt'e, wek'èahsǫ-le nì?