Rome 10:19 - Nǫ̀htsı̨ Nı̨htł'è

¹⁹ Eyıts'ǫ Israel got'ı̨į̀ godı nezı̨ı̨ gınıedì-le nì? Hęɂę, godı nezı̨ı̨ gınıedì ı̨lè. Moses t'akwełǫ̀ǫ̀ yeghǫ dıı hadı ı̨lè, “Naxı̨ Israel got'ı̨į̀ aaht'ee sìı dǫ t'asìı gı̨ı̨lı̨-le sìı gıghǫ ts'oxoahdıì anaxehłe ha. Dǫ Nǫ̀htsı̨ wenàowoò k'ègeezǫ-le sìı gıghǫ naxık'èch'a anaxehłe ha,” hadı, dek'eèhtł'è.

Rome 10:19 ပူးပေါင်းရင်းမြစ်များ

Rome 10:18

Eyıt'à Israel got'ı̨į̀ godı nezı̨ı̨ egıìkw'o nì? Hęɂę, godı nezı̨ı̨ egıìkw'o ı̨lè. Eyı ghǫ dıı hanì dek'eèhtł'è, “Dıı nèk'e dǫ hazǫǫ̀ ts'ǫ̀ agejà t'à, eyı godı nezı̨ı̨ t'à dǫ xè gogedo ı̨lè. Nıwàa nèk'e dǫ ts'ǫ̀ godı nezı̨ı̨ nègı̨ı̨ɂǫ ı̨lè,” dek'eèhtł'è.

Rome 11:11

Israel got'ı̨į̀ hodàgeètł'ı t'à k'achı̨ negıìdè ha dìì nì? Į̀le ne! Hanìkò gıhołı̨į̀ ts'ıhɂǫ̀ Nǫ̀htsı̨ edaxàgolee wegodıì sìı dǫ eyıì-le xàɂaa gıts'ǫ̀ adlà. Hanì t'aa Nǫ̀htsı̨ sìı Israel got'ı̨į̀ dǫ eyıì-le xàɂaa ts'ǫ̀ dagı̨ı̨ɂaà agǫ̀ǫ̀là.

Rome 11:14

Naxıgha eghàlaehda t'à edahxǫ xàè sèot'ı̨ naxıghǫ ts'ohogeedıì ageehłe ha dehwhǫ, hanì-ı̨dè mǫ̀hdaa edaxàgeedaà ageehłe ha welì.

Rome 3:26

Dànì wexè ehkw'ı ats'ede ha sìı dıì wek'èts'eezǫ ha t'à hanì eghàlaı̨dà hǫt'e. Eyıt'à ehkw'ı dıı hanì dǫ sınìyaehtı ha hǫt'e: amìı Zezì yegha ehkw'ı adıı sìı ehkw'ı k'ę̀ę̀ ayele ha hǫt'e.

1 Corınth 1:12

Dıı weghǫ aehsı̨: Naxıta gots'ǫ dǫ mǫ̀hdaa dıı hagedı, “Sı̨ Paul wek'ę̀ę̀ aht'ı̨,” mǫ̀hdaa, “Sı̨ Apollos wek'ę̀ę̀ aht'ı̨,” gedı. Eyıts'ǫ dǫ mǫ̀hdaa, “Sı̨ Peter wek'ę̀ę̀ aht'ı̨,” gedı. K'achı̨ ı̨łaà dǫ mǫ̀hdaa, “Sı̨ Zezì-Krı wek'ę̀ę̀ aht'ı̨,” gedı, eyı ghǫ aehsı̨.

1 Corınth 10:19

Bò nǫ̀htsı̨ hòèlı̨ı̨ ghàgeedıı sìı t'asìı deè hǫt'e dehsı̨į̀-aehsı̨-le, eyıts'ǫ eyı nǫ̀htsı̨ hòèlı̨ı̨ sìı t'asìı deè elı̨ dehsı̨į̀-aehsı̨-le.

1 Corınth 11:22

Naxıkǫ̀ shèahzhe xè aahdǫ ha dìì-le sǫnaà? Nǫ̀htsı̨ wecheekeè dǫ k'ę̀ę̀ gıahtà-le nì, eyıts'ǫ dǫ-teèt'ı̨ı̨ sìı į̀į̀zhagı̨ı̨lı̨į̀ agıahłe ha nì? Eyı ghǫ naxıts'ǫ̀ nezı̨į̀ aehsı̨ ha nì?

1 Corınth 12:2

Įnę̀ę Nǫ̀htsı̨ k'èahsǫ-le ekò naxıts'ǫ̀ dàgòjàa sìı wek'èahsǫ hǫt'e. Ts'ıɂǫ̀ anaxììdlà t'à nǫ̀htsı̨ eda-le sìı ts'ǫ̀ yaahtı ı̨lè.

1 Corınth 15:50

Sèot'ı̨ı̨, ehkw'ı anaxèehsı̨, dıı nèk'e gots'ǫ gozhį̀į̀ t'à Nǫ̀htsı̨ Wenàowoò k'ę̀ę̀ hòɂǫ ts'ǫ̀ ats'ede ha dìì hǫt'e. T'asìı ełaàwıı sìı welǫ whìle ts'ǫ̀ edaà awedle ha dìì hǫt'e.

1 Corınth 7:29

Sèot'ı̨ı̨, whaà-lea gots'ǫ̀ zǫ ts'eeda dehsı̨į̀-aehsı̨. Jǫ gots'ǫ ı̨daà dǫ gıts'èkeè gǫ̀hłı̨ı̨ sìı gıts'èkeè gǫ̀hłı̨-le lanì gııdà,

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

1 Peter 2:10

Įnę̀ę Nǫ̀htsı̨ wets'ǫ dǫ aaht'e-le ı̨lè, hanìkò dıì sìı Nǫ̀htsı̨ wets'ǫ aaht'e. Įnę̀ę etenaxeèɂı̨-le ı̨lè, hanìkò dıì sìı etenaxeèɂı̨ hǫt'e.