Rome 10:14 - Nǫ̀htsı̨ Nı̨htł'è

¹⁴ Hanìkò gıgha ehkw'ı-ahodı-le nı̨dè, dànì weghǫ gınì nàtso ha welì? Eyıts'ǫ gots'ǫ̀ K'àowo ghǫ egıìkw'o-le nı̨dè dànì gıgha ehkw'ı-ahodı welì? Eyıts'ǫ wegodıì t'à dǫ gots'ǫ̀ goı̨de-le nı̨dè dànì egeèhkw'ǫ welì?

Rome 10:14 ပူးပေါင်းရင်းမြစ်များ

Matthew 20:7

“Dǫ eyı nàgeèhzaa sìı gıts'ǫ̀ hadı, ‘Dǫ wı̨ı̨zìı la goghàı̨ɂǫ-le ts'ıhɂǫ̀ ats'ı̨ı̨t'e,’ hagıìhdı. “K'àowo gots'ǫ̀ hadı, ‘Naxı̨ sı sedèè k'e eghàlaahda,’ gòhdı.

John 20:31

Hanìkò ayìı dek'eèhtł'èe sìı naxıgha adlà hǫt'e. Zezì, Nǫ̀htsı̨ Weza, Chrıst hǫt'ee sìı, eyı naxıgha ehkw'ı-ahodı gha dek'eèhtł'è hǫt'e. Naxıgha ehkw'ı-ahodı nı̨dè Zezì wets'ıhɂǫ̀ welǫ whìle ts'ǫ̀ aahda ha.

John 9:36

Dǫ hadı, “K'àowo, amìı awį̀ı̨dı? Segha ehkw'ı adı ha t'à, sets'ǫ̀ haı̨dı,” yèhdı.

Zezì Wecheekeèdeè 19:2

Eyıt'à dagoehke, “Naxıgha ehkw'ı-ahodıì ajà gots'ǫ Yedàyeh Nezı̨ı̨ naxık'e ajà nì?” Paul gòhdı. “Į̀le, Yedàyeh Nezı̨ı̨ weghǫ ts'ıìkw'o whìle,” gedı.

Zezì Wecheekeèdeè 8:31

“Dǫ sedaedı lenǫsıı dànì weneehdì lì?” hadı. Eyıt'à Phılıp ts'ǫ̀ hadı, “Segà behchı̨į̀ yìı̨tła,” yèhdı.

Rome 1:5

Gots'ǫ̀ K'àowo sets'ǫ̀ sǫnıwǫ t'à wecheekeèdeè ehłı̨ ha sį̀į̀hchì. Eyıt'à wedahxà dıı nèk'e hazǫǫ̀ ts'ǫ̀ dǫ eyıì-le xàɂaa Nǫ̀htsı̨ gıgha ehkw'ı-ahodı xè gık'èı̨t'e ha gıkayahtı ha hǫt'e.

Ephesus 2:17

Naxı̨ Nǫ̀htsı̨ ts'ǫ̀ nıwà aaht'e ı̨lèe sìı Zezì naxıts'ǫ̀ nììtła t'à dànì ts'èwhı̨į̀ goxè hòɂǫ ghǫ naxıts'ǫ̀ goı̨de ı̨lè, eyıts'ǫ dǫ Nǫ̀htsı̨ ts'ǫ̀ nıwà-lea agı̨ı̨t'ee sìı ededı̨ sı hanì gots'ǫ̀ goı̨de ı̨lè.

Ephesus 4:21

Hotıì weghǫ aàhkw'ǫ xè weghǫ hoghànaxeètǫ ı̨lè, eyıts'ǫ Zezì-Krı wet'à nàowo ehkw'ıı k'èhoahsǫ aahjà hǫt'e.

2 Tımothy 4:17

Hanìkò gots'ǫ̀ K'àowo sexè at'ı̨ t'à, sınì nàtsoò asį̀į̀là. Hanì ts'ıhɂǫ̀ godı nezı̨ı̨ deghàà dǫ ts'ǫ̀ gohde ha, eyıts'ǫ dǫ hazǫǫ̀ Israel got'ı̨į̀ agı̨ı̨t'e-le sìı geèhkw'ǫ ha welì. Ekìıyeè k'e goìjìıcho wewà ch'à Nǫ̀htsı̨ edaxàsį̀ı̨htı̨ ı̨lè.

Tıtus 1:3

Ededı̨ wegha ehkw'ı nèhòı̨wo k'e, edeyatıì wek'èhoedzǫǫ̀ ayį̀į̀là. Nǫ̀htsı̨-Gotà Edaxàgolee elı̨ı̨ sìı wedahxà weyatıì t'à dǫ ts'ǫ̀ gohde ha setł'aà wheɂǫǫ̀ ayį̀į̀là.

Hebrew 11:6

Dǫ wegha ehkw'ı-ahodı-le nı̨dè Nǫ̀htsı̨ wınà hohtsı̨ ha dìì. Dǫ hazǫǫ̀ Nǫ̀htsı̨ ts'ǫ̀ aget'ı̨ı̨ sìı Nǫ̀htsı̨ wehòhɂǫǫ sìı gıgha ehkw'ı-ahodı ha hǫt'e, eyıts'ǫ amìı ededzeè t'à Nǫ̀htsı̨ nıwǫǫ sìı eyı k'èxa Nǫ̀htsı̨ t'asìı nechàa goghàyeɂà ha gıgha ehkw'ı-ahodı ha hǫt'e.

James 5:15

Gınì nàtsoo t'à yagehtı nı̨dè eyı dǫ eyaelı̨ı̨ sìı Nǫ̀htsı̨ k'aàt'ıì ayele ha, eyıts'ǫ gots'ǫ̀ K'àowo k'achı̨ nenaìtłaà ayele ha. Eyıts'ǫ eyı dǫ hołı̨ı̨ hòèhtsı̨ nı̨dè wehołı̨į̀ weghǫ nahoezhe ha.