Rome 1:8 - Nǫ̀htsı̨ Nı̨htł'è

⁸ T'akwełǫ̀ǫ̀ dıı haehsı̨ ha dehwhǫ: dıı nèk'e dǫ hazǫǫ̀ ts'ǫ̀ dǫ naxıgha ehkw'ı-ahodı ghǫ gogede t'à Zezì-Krı wedahxà naxıgha Senǫ̀htsı̨ masì weehwhǫ hǫt'e.

Rome 1:8 ပူးပေါင်းရင်းမြစ်များ

Matthew 24:14

Hazǫǫ̀ nèk'e Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ dǫ hoghàgogeehtǫ ha. Hanì-ı̨dè dǫ hazǫǫ̀ godı nezı̨ı̨ k'ègeezǫǫ̀ agede ha eyı tł'axǫǫ̀-ı̨dè nǫǫde dzęę̀ nèhòkw'ı ha.

Luke 2:1

Ekìıyeè k'e k'àowodeè Augustus Rome nèk'e dèe-ts'ǫ̀-k'àowo elı̨ ı̨lè. Eyı k'àowo sìı dǫ hazǫǫ̀ nagıhtà gha nàowo whehtsı̨.

Zezì Wecheekeèdeè 11:28

Nakwenàoɂǫǫ ı̨łè Agabus wìyeh sìı dǫta nàwo xè Yedàyeh Nezı̨ı̨ dahxà gots'ǫ̀ goı̨de. Įdaà dàgode ha sìı gha yatı nìı̨ɂǫ. Hazǫǫ̀ nèk'e Rome got'ı̨į̀ k'aodèe gı̨ı̨lı̨ı̨ sìı dǫ gha bò whìle agode ha, hadı. (Claudıus dèe-ts'ǫ̀-k'àowo whelı̨ ekò eyı hagòjà.)

Zezì Wecheekeèdeè 28:22

Hanìkò nı̨ dàneewǫǫ sìı nets'ıìkw'o ha ts'ı̨ı̨wǫ. Hazǫǫ̀ nèk'e eyı nàowo k'ę̀ę̀ geedaa sìı gıghǫ godı nezı̨-le ts'ıìkw'o hǫt'e,” gedı.

Rome 10:18

Eyıt'à Israel got'ı̨į̀ godı nezı̨ı̨ egıìkw'o nì? Hęɂę, godı nezı̨ı̨ egıìkw'o ı̨lè. Eyı ghǫ dıı hanì dek'eèhtł'è, “Dıı nèk'e dǫ hazǫǫ̀ ts'ǫ̀ agejà t'à, eyı godı nezı̨ı̨ t'à dǫ xè gogedo ı̨lè. Nıwàa nèk'e dǫ ts'ǫ̀ godı nezı̨ı̨ nègı̨ı̨ɂǫ ı̨lè,” dek'eèhtł'è.

Rome 16:19

Dǫ hazǫǫ̀ godı nezı̨ı̨ k'èaht'ee sìı ghǫ gıìkw'o hǫt'e, eyıt'à sıì naxıghǫ sınà hǫt'e. Hanìkò ayìı nezı̨ı̨ sìı wet'à goahsǫ ha naxeehwhǫ, eyıts'ǫ hołı̨ı̨-nàowoò wedę aahłe.

Rome 6:17

Hołı̨ı̨ naxınì ts'ǫ̀ k'àhowo k'ę̀ę̀ zǫ eghàlaahda ı̨lè, hanìkò godı nezı̨ı̨ hoghànaxeètǫ ekò hotıì naxıdzeè t'à wek'èaht'e dahwhǫǫ̀ aahjà, eyı gha Nǫ̀htsı̨ masì wets'ı̨ı̨hwhǫ hǫt'e.

1 Corınth 1:4

Nǫ̀htsı̨-Gotà, Zezì-Krı wets'ıhɂǫ̀ naxıts'ǫ̀ sǫnıwǫ t'à, t'aats'ǫǫ̀ naxıgha masì weehwhǫ.

2 Corınth 2:14

Hanìkò Nǫ̀htsı̨ sìı masì wets'ı̨ı̨hwhǫ hǫt'e, ededı̨ t'aats'ǫǫ̀ Zezì-Krı wexè k'egohɂı̨. Zezì-Krı edegha dǫ dèhnǫǫ ats'ı̨ı̨t'e t'à, dǫ hazǫǫ̀ gınadąą̀ enıìyah xè wek'èts'adè hǫt'e. Hazǫǫ̀ nèk'e k'ets'edèe sìı goxı̨ got'à dǫ Zezì-Krı k'ègeezǫǫ̀ agohɂı̨, t'asìı łekǫǫ łedìı lats'ı̨ı̨t'eè agǫ̀ǫ̀là hǫt'e.

Ephesus 1:15

Eyıt'à gots'ǫ̀ K'àowo Zezì naxıgha ehkw'ı-ahodıı eyıts'ǫ wets'ǫ dǫ hazǫǫ̀ gıghǫnıahtǫ weghǫ eèhkw'ǫ gots'ǫ,

Ephesus 1:16

naxıgha yahtı xè t'aats'ǫǫ̀ naxıgha Nǫ̀htsı̨ masì weehwhǫ.

Ephesus 5:20

T'aats'ǫǫ̀ Zezì-Krı wıızì t'à Nǫ̀htsı̨-Gotà t'asìı hazǫǫ̀ gha masì weahwhǫ.

Phılıppı 1:11

Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.

Phılıppı 1:3

Naxınahdì xètłǫ Senǫ̀htsı̨ masì weehwhǫ.

Colosse 1:3

Naxıgha yats'ehtı taàt'eè Nǫ̀htsı̨, gots'ǫ̀ K'àowo Zezì-Krı Wetà, t'aats'ǫǫ̀ naxıgha masì wèts'edı,

1 Thessalonıca 1:2

Yats'ehtı taàt'eè naxıgha Nǫ̀htsı̨ masì wets'ı̨ı̨hwhǫ.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

2 Thessalonıca 1:3

Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.

2 Tımothy 1:3

Nǫ̀htsı̨ masì weehwhǫ. Secho gıxèht'eè, sınì ehkw'ı xè Nǫ̀htsı̨ wegha eghàlaehda, eyıts'ǫ dzęę̀, toò ehk'ę̀ę̀ t'aats'ǫǫ̀ negha wets'ǫ̀ yahtı.

Phılemon 1:4

Naxıgha yahtı taàt'eè Senǫ̀htsı̨ masì weehwhǫ.

Hebrew 13:15

Eyıt'à Zezì wedahxà t'aats'ǫǫ̀ Nǫ̀htsı̨ ghàsǫts'eedı ha hǫt'e. Gowà t'à Nǫ̀htsı̨ wıızì deè ts'ehtsı̨ ha hǫt'e.

1 Peter 2:5

Eyı lanì naxı̨ sı kwe edaa laaht'e. Naxı̨ sìı Nǫ̀htsı̨ wekǫ̀ gocho laaht'e eyıts'ǫ yahtıı degaı lanì wegha k'ehoahɂa. Zezì-Krı naxıgha ehkw'ı adı t'à, Nǫ̀htsı̨ wınì k'ę̀ę̀ weghàdeahła.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.