Rome 1:7 - Nǫ̀htsı̨ Nı̨htł'è

⁷ Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

Rome 1:7 ပူးပေါင်းရင်းမြစ်များ

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

John 20:17

Zezì yets'ǫ̀ hadı, “Dası̨ı̨chì-le, ı̨łaà Setà ts'ǫ̀ anahjà nıìle t'à. Hanìkò sèot'ı̨ gıts'àątła, dıı hagìı̨dı, ‘Setà eyıts'ǫ naxı̨ sı naxıtà ts'ǫ̀ anahde ha, Senǫ̀htsı̨ eyıts'ǫ Naxınǫ̀htsı̨ ts'ǫ̀ anahde ha,’ ” hadıì edecheekeè godayatınìı̨ɂǫ.

Zezì Wecheekeèdeè 15:23

Dıı hanì gots'ǫ̀ egı̨ı̨tł'è: “Gòet'ı̨ı̨, dǫ eyıì-le xàɂaa gıgha ehkw'ı-ahodıı sìı kǫ̀ta Antıoch, Syrıa nèk'e eyıts'ǫ Cılıcıa nèk'e nàgedèe sìı gıts'ǫ̀ aatł'è. Dıı enı̨htł'è sìı Zezì wecheekeèdeè eyıts'ǫ k'aodèe gı̨ı̨lı̨ı̨ sìı egı̨ı̨tł'è hǫt'e. “Naxıxè sìghà welè!

Zezì Wecheekeèdeè 9:13

Ananıas hadı, “Sets'ǫ̀ K'àowo, eyı dǫ weghǫ godı łǫ eèhkw'o. Nets'ǫ dǫ Jerusalem nàgedèe sìı hoìla łǫ gogha hòèhtsı̨ ghǫ eèhkw'o.

Rome 1:6

Dǫ Zezì-Krı xè agı̨ı̨t'e gha gıkayaetıı sìı naxı̨ sı gıta dahkw'e hǫt'e.

Rome 5:1

Eyıt'à gogha ehkw'ı-ahodı ts'ıhɂǫ̀ ehkw'ı agòìdlà, eyıts'ǫ gots'ǫ̀ K'àowo Zezì-Krı wets'ıhɂǫ̀ Nǫ̀htsı̨ wexè ts'èwhı̨į̀ ts'eeda.

Rome 5:5

Eyı gogha ehkw'ı-ahodı nı̨dè gotł'ahk'e agode ha nıìle. Nǫ̀htsı̨ Yedàyeh Nezı̨ı̨ godzeè yìı nàdè ha goghàhòı̨ɂǫ t'à sıì goghǫneètǫǫ sìı wek'èts'eezǫǫ̀ agǫ̀ǫ̀là.

Rome 8:28

Dǫ Nǫ̀htsı̨ ghǫneètǫǫ sìı eyıts'ǫ wınì k'ę̀ę̀ gììchìı sìı t'asìı hazǫǫ̀ t'à gıxè sìghà ayehɂı̨ wek'èts'eezǫ hǫt'e.

Rome 8:39

Įdòo yat'a k'àhogedèe, ı̨zhıì dèè gotł'a k'àhogedèe eyıts'ǫ Nǫ̀htsı̨ t'asìı hazǫǫ̀ whehtsı̨ gots'ǫ t'asìı wı̨ı̨zìı sìı Nǫ̀htsı̨ dànì goghǫneètǫ ch'à ı̨łak'aà agogele ha dìì hǫt'e, gots'ǫ̀ K'àowo Zezì-Krı wets'ıhɂǫ̀.

Rome 9:25

Nakwenàoɂǫǫ Hosea wenı̨htł'è k'e Nǫ̀htsı̨ dıı hadı ı̨lè k'ę̀ę̀: “Dǫ sets'ǫ agı̨ı̨t'e-le sìı ‘sets'ǫ dǫ agı̨ı̨t'e,’ gèehsı̨ ha eyıts'ǫ amìı gıghǫneehtǫ-le ı̨lèe sìı ‘dǫ gıghǫneehtǫ agı̨ı̨t'e,’ gèehsı̨ ha,” dek'eèhtł'è.

1 Corınth 1:24

Hanìkò Nǫ̀htsı̨ sìı Israel got'ı̨į̀ eyıts'ǫ Greece got'ı̨į̀ gòį̀hchìı sìı, Zezì-Krı wegodıì t'à Nǫ̀htsı̨ sıì nàtsoò wehòhɂǫ xè sıì gǫǫzǫ hǫt'e gık'èezǫǫ̀ agejà.

1 Corınth 16:23

Gots'ǫ̀ K'àowo Zezì naxıxè sǫnıwǫ welè.

2 Corınth 13:14

Gots'ǫ̀ K'àowo Zezì-Krı naxıxè sǫnıwǫ welè, Nǫ̀htsı̨ naxıghǫneètǫ welè, eyıts'ǫ Yedàyeh Nezı̨ı̨ wenàowoò naxıxè welè.

Galatıa 6:18

Sèot'ı̨ı̨, gots'ǫ̀ K'àowo Zezì-Krı wesǫnıwǫ naxıts'ǫ ınì xè welè. Amen.

Ephesus 1:2

Nǫ̀htsı̨-Gotà eyıts'ǫ gots'ǫ̀ K'àowo Zezì-Krı naxıts'ǫ̀ sǫnıwǫ welè eyıts'ǫ naxıxè sìghà agııle.

Ephesus 6:23

Gòet'ı̨ gı̨ı̨lı̨ı̨ sìı Nǫ̀htsı̨ goxè sìghà hòɂǫǫ̀ ayııle, Nǫ̀htsı̨-Gotà eyıts'ǫ Zezì-Krı naxıghǫnegeètǫ xè naxıgha ehkw'ı-ahodıì agııle welè.

Phılıppı 1:2

Nǫ̀htsı̨-Gotà eyıts'ǫ Zezì-Krı naxıts'ǫ̀ sǫgı̨ı̨wǫ welè eyıts'ǫ gıts'ıhɂǫ̀ naxıxè sìghà welè.

Phılıppı 4:13

Nǫ̀htsı̨ sınì nàtsoò asehɂı̨ı̨ sìı ededı̨ wet'à t'asìı hazǫǫ̀ segha dìì-le hǫt'e.

Phılıppı 4:20

Nǫ̀htsı̨-Gotà welǫ whìle ts'ǫ̀ weghàsǫhoedı welè. Amen.

Phılıppı 4:23

Zezì-Krı naxıts'ǫ ı̨nì xè sǫnıwǫ welè. Amen.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

Colosse 3:15

Zezì-Krı wexè ts'èwhı̨į̀ hòɂǫǫ sìı wek'ę̀ę̀ aahda welì. Zezì-Krı wezhį̀į̀ aahłı̨ı̨ sìı ts'èwhı̨į̀ aahda ha naxììchì, eyı weghǫ Nǫ̀htsı̨ ts'ǫ̀ masì dahwhǫ.

1 Thessalonıca 1:1

Sı̨ Paul, Sılas eyıts'ǫ Tımothy, kǫ̀ta Thessalonıca Nǫ̀htsı̨ wecheekeè nàgedèe sìı gıts'ǫ̀ ets'eetł'è hǫt'e. Ededı̨ sìı Nǫ̀htsı̨-Gotà eyıts'ǫ gots'ǫ̀ K'àowo Zezì-Krı xè ı̨łè lagı̨ı̨t'e. Nǫ̀htsı̨ naxıts'ǫ̀ sǫnıwǫ welè eyıts'ǫ naxıxè sìghà welè.

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

1 Thessalonıca 1:4

Sèot'ı̨ı̨, Nǫ̀htsı̨ naxıghǫneètǫ t'à naxį̀į̀hchì wek'èts'eezǫ hǫt'e.

1 Thessalonıca 4:7

Nǫ̀htsı̨ sìı gonàowołı̨ı̨ k'ę̀ę̀ ts'eeda gha gokayaı̨htı nıìle, hanìkò nàowo degaı k'ę̀ę̀ ts'eeda gha gokayaı̨htı hǫt'e.

1 Thessalonıca 5:28

Gots'ǫ̀ K'àowo Zezì-Krı naxıts'ǫ̀ sǫnıwǫ welè.

2 Thessalonıca 1:2

Nǫ̀htsı̨-Gotà eyıts'ǫ gots'ǫ̀ K'àowo Zezì-Krı naxıts'ǫ̀ sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.

2 Thessalonıca 3:16

Nǫǫde naxıts'ǫ̀ xàyahtı gha sìı gots'ǫ̀ K'àowo ts'èwhı̨į̀ wehòhɂǫǫ sìı t'aats'ǫǫ̀ naxıxè ts'èwhı̨į̀ hòɂǫǫ̀ ayııle. Gots'ǫ̀ K'àowo naxıxè welè.

2 Thessalonıca 3:18

Gots'ǫ̀ K'àowo Zezì-Krı naxıts'ǫ̀ sǫnıwǫ welè.

1 Tımothy 1:2

Tımothy, nets'ǫ̀ eehtł'è. Sexè Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı nets'ǫ̀ sǫgı̨ı̨wǫ welè, etenegeèɂı̨ welè, eyıts'ǫ nexè sìghà hòɂǫǫ̀ agııle.

1 Tımothy 6:2

K'àowo gı̨ı̨lı̨ı̨ eyıts'ǫ gıcheekeè į̀łah gıgha ehkw'ı-ahodı t'à ełèot'ı̨ agı̨ı̨t'e. Gıcheekeè gı̨ı̨lı̨ı̨ sìı dek'aɂį̀ gots'ǫ̀ nageɂa ha-le, hanìkò dǫ got'à hogeehwhıı sìı gıgha ehkw'ı-ahodı xè goghǫnegeètǫ agı̨ı̨t'e t'à denahk'e hòtł'ò gıgha eghàlageeda ha hǫt'e. Gıcheekeè gı̨ı̨lı̨ı̨ sìı eyı nàowo hoghàgı̨ı̨htǫ welì eyıts'ǫ hotıì weghàà aahda gìı̨dı.

2 Tımothy 1:2

Tımothy seza lanìı sìı dıı enı̨htł'è wets'ǫ̀ eehtł'è. Nǫ̀htsı̨-Gotà eyıts'ǫ Zezì-Krı nets'ǫ̀ sǫgı̨ı̨wǫ welè, etenegeèɂı̨ welè, eyıts'ǫ nexè sìghà welè.

2 Tımothy 4:22

Gots'ǫ̀ K'àowo nets'ǫ ı̨nì xè at'ı̨ welè. Nǫ̀htsı̨ nets'ǫ̀ sǫnıwǫ welè.

Tıtus 1:4

Tıtus, nets'ǫ̀ eehtł'è. Setł'aà Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı Edaxàgolee elı̨ı̨ sìı nets'ǫ̀ sǫgı̨ı̨wǫ welè, eyıts'ǫ nexè sìghà hòɂǫǫ̀ agııle.

Phılemon 1:25

Gots'ǫ̀ K'àowo Zezì-Krı naxıts'ǫ ı̨nì xè sǫnıwǫ welè.

Phılemon 1:3

Nǫ̀htsı̨-Gotà eyıts'ǫ gots'ǫ̀ K'àowo Zezì-Krı naxıts'ǫ̀ sǫgı̨ı̨wǫ welè, eyıts'ǫ naxıxè sìghà hòɂǫǫ̀ agııle.

James 1:1

Sı̨ James, Zezì-Krı eyıts'ǫ Nǫ̀htsı̨ gıcheekeè aht'e. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı dıı nèk'e dǫ nàgedèe gota-ts'ǫ̀ agejàa sìı gıts'ǫ̀ eehtł'è. Naxıxè sìghà welè.

1 Peter 1:15

Amìı naxıkayaı̨htıı sìı degaı hǫt'e, eyıt'à wexèht'eè degaı aaht'e ha hǫt'e.

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.

2 John 1:3

Nǫ̀htsı̨-Gotà eyıts'ǫ Weza Zezì-Krı goxè sǫgı̨ı̨wǫ xè gots'ǫ̀ gıdzeè eteèɂı̨ welè eyıts'ǫ goxè sìghà hòɂǫ agııle hanì-ı̨dè nàowo ehkw'ıı k'ę̀ę̀ ełeghǫnets'eètǫ ha.

John Wenazhıı 2:1

“Kǫ̀ta Ephesus Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ nàgòts'ehnèe whǫ̀ łǫ̀hdı̨ welatł'aà whela xè ek'aèk'ǫchı̨į̀ łǫ̀hdı̨ ta k'etłoo sìı dıı weyatıì hǫt'e:

John Wenazhıı 2:12

“Kǫ̀ta Pergamum Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ behcho wek'à į̀ła-ts'ǫ̀ dènıı wets'ǫ sìı eyı weyatıì hǫt'e.

John Wenazhıı 2:18

“Kǫ̀ta Thıyatıra Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı Nǫ̀htsı̨ Weza weyatıì hǫt'e. Ededı̨ sìı wedaà kǫ̀ dèk'ǫ̀ǫ lanì eyıts'ǫ wekè satsǫ̀ dekwoo wek'e saı̨dı̨ lanì hǫt'e.

John Wenazhıı 2:29

Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welè.

John Wenazhıı 2:8

“Kǫ̀ta Smyrna Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı amìı t'akwełǫ̀ǫ̀ elı̨ı̨ eyıts'ǫ nǫǫde elı̨ı̨ sìı weyatıì hǫt'e. Ełaı̨wo ı̨lè eyıts'ǫ k'achı̨ naìdà hǫt'e.

John Wenazhıı 22:21

Zezì, gots'ǫ̀ K'àowo, wesǫnıwǫǫ sìı Nǫ̀htsı̨ wets'ǫ dǫ hazǫǫ̀ gıxè welè. Amen.

John Wenazhıı 3:14

“Kǫ̀ta Laodısıya Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ ‘Amen’ wìyeh, t'aats'ǫǫ̀ ehkw'ı gode eyıts'ǫ Nǫ̀htsı̨ t'asìı hazǫǫ̀ whehtsı̨ ts'ǫ̀ K'àowo elı̨ı̨ sìı dıı weyatıì hǫt'e.

John Wenazhıı 3:22

Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welè.”

John Wenazhıı 3:7

“Kǫ̀ta Phıladelphıa Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ degaı xè ehkw'ı elı̨ı̨ sìı dıı weyatıì hǫt'e. Ededı̨ sìı k'àowocho Davıd weladlì k'èdìı elı̨ hǫt'e. Ayìı ts'ǫdaà xàedee sìı dǫ wı̨ı̨zìı yedaede ha dìì hǫt'e, eyıts'ǫ ayìı yedaedee sìı dǫ wı̨ı̨zìı yets'ǫdaà xàede ha dìì hǫt'e.