Rome 1:3 - Nǫ̀htsı̨ Nı̨htł'è

^3-4 Eyı godı nezı̨ı̨ sìı Nǫ̀htsı̨ Weza weghǫ hǫt'e. Ededı̨ sìı dıı nèk'e k'àowocho Davıd wets'ıhɂǫ̀ǫ-dǫǫ̀ hǫt'e, hanìkò ełaı̨wo gots'ǫ naìdà t'à Įnì Degaı wedahxà Nǫ̀htsı̨ Weza hǫt'e wek'èts'eezǫǫ̀ agǫ̀ǫ̀là. Eyı sìı Zezì-Krı gots'ǫ̀ K'àowo hǫt'e.

Rome 1:3 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 1:1

Zezì-Krı, k'àowocho Davıd gots'ǫ dǫ hǫt'e, eyıts'ǫ Davıd, Abraham gots'ǫ dǫ hǫt'e. Dıı dǫ Zezì-Krı wecho agı̨ı̨t'e:

Matthew 1:16

Jacob, Joseph wetà hǫt'e. Joseph, Mary wedǫzhıì hǫt'e. Zezì, Chrıst wèts'edıı sìı, Mary ts'ǫ dǫ elı̨ hǫt'e.

Matthew 1:6

Jesse, k'àowocho Davıd wetà hǫt'e. Davıd, Solomon wetà hǫt'e (eyıts'ǫ Solomon wemǫ Urıah wets'èkeè ı̨lè);

Matthew 12:23

Dǫ hazǫǫ̀ gıgha enıìyah t'à, hagedı, “Dıı k'àowocho Davıd Weza at'ı̨ sǫnı,” gedı.

Matthew 15:22

Canaan got'ı̨į̀ gots'ǫ ts'èko eyı nàdèe sìı Zezì ts'ǫ̀ èhtła. Ezeh xè hadı, “Sets'ǫ̀ K'àowo, Davıd Weza, etesenèeɂı̨! Setì ı̨nìłı̨ı̨ wets'ǫ̀-èlı̨ t'à sıì daı̨ɂa dìì,” hadıì ezeh.

Matthew 26:63

Hanìkò Zezì xàyaı̨htı-le. Eyıt'à yahtıı-wet'àaɂàa-deè hayèhdı, “Nǫ̀htsı̨ edaa sìı wıızì dahxà gots'ǫ̀ ehkw'ı goı̨de. Nǫ̀htsı̨ Weza, Chrıst anet'e nı̨dè gots'ǫ̀ haı̨dı,” yèhdı.

Matthew 27:43

Nǫ̀htsı̨ ts'ǫ̀ wınì nàtso ne. ‘Nǫ̀htsı̨ Weza aht'e,’ edeghǫ hadı ı̨lè. Hot'eè Nǫ̀htsı̨ edaxàyıhtè,” gedı.

Matthew 3:17

Yak'e gots'ǫ hats'edıì hǫt'e, “Dıı sìı Seza hǫt'e, weghǫneehtǫ eyıts'ǫ weghǫ sìghà dehwhǫ,” hats'edıì hǫt'e.

Matthew 9:27

Zezì eyı gots'ǫ naèhtła ekò dǫ nàke gıdaà goìlee gık'èè łeèhtła, nagıìzeh xè Zezì ts'ǫ̀ hagedı, “K'àowocho Davıd Weza, etegòı̨hɂı̨!” gedı nagıìzeh.

Luke 1:35

Yak'eet'ı̨į̀ yets'ǫ̀ hadı, “Yedàyeh Nezı̨ı̨ nek'e ade ha eyıts'ǫ Nǫ̀htsı̨ wenahk'e gǫ̀hłı̨-le sìı wets'ǫ t'asìı nàtsoo nek'e ade ha. Eyıt'à eyı chekoa degaı wegǫ̀hłı̨ ha sìı Nǫ̀htsı̨ Weza wìyeh ha.

Luke 1:69

K'àowocho Davıd wets'ǫ dǫ ı̨łè Edaxàgolee-deè elı̨ ha gots'ǫ̀ yı̨ı̨hɂà.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 1:34

Eyı dǫ wets'ǫ̀ dàgòjàa sìı sedaà agòjà t'à, Nǫ̀htsı̨ Weza hǫt'e wek'èehsǫ,” John-Baptıst gòhdı.

John 1:49

Eyıt'à Nathanael hadı, “K'àowo, nı̨ sìı Nǫ̀htsı̨ Weza anet'e, Israel got'ı̨į̀ gha K'àowocho anet'e,” yèhdı.

John 10:30

Sı̨ eyıts'ǫ Setà sı ı̨łè zǫ lawììt'e,” Zezì gòhdı.

John 10:36

Setà edegha dǫ į̀hchìı eyıts'ǫ dıı nèk'e ts'ǫ̀ ayį̀į̀làa sìı, dànì yıızı ha dahwhǫ? Eyıt'à ‘Nǫ̀htsı̨ Weza aht'e,’ dehsı̨ nı̨dè dànìghǫ Nǫ̀htsı̨ k'èch'a gohde sèahdı?

John 20:28

Thomas yets'ǫ̀ hadı, “Sets'ǫ̀ K'àowo eyıts'ǫ Senǫ̀htsı̨ anet'e!” yèhdı.

John 20:31

Hanìkò ayìı dek'eèhtł'èe sìı naxıgha adlà hǫt'e. Zezì, Nǫ̀htsı̨ Weza, Chrıst hǫt'ee sìı, eyı naxıgha ehkw'ı-ahodı gha dek'eèhtł'è hǫt'e. Naxıgha ehkw'ı-ahodı nı̨dè Zezì wets'ıhɂǫ̀ welǫ whìle ts'ǫ̀ aahda ha.

John 5:25

Ehkw'ı anaxèehsı̨, whaà-le-t'ıì, hòt'a jǫ nèhòı̨wo hǫt'e, dǫ ełaàgı̨ı̨dè lagı̨ı̨t'ee sìı Nǫ̀htsı̨ Weza gode gıìkw'o ha. Dǫ egıìkw'oo sìı geeda ha.

John 7:42

Nǫ̀htsı̨ Nı̨htł'è k'e dıı hanì dek'eèhtł'è: Chrıst wèts'edıı sìı k'àowocho Davıd wèot'ı̨ gots'ǫ dǫ ı̨łè ade ha, eyıts'ǫ kǫ̀ta Bethlehem wegǫ̀hłı̨ ha, ekǫ k'àowocho Davıd nàı̨dè t'à,” gedı.

Zezì Wecheekeèdeè 2:30

Nǫ̀htsı̨ yegha yatı nàtsoo whehtsı̨ı̨ sìı nakwenàoɂǫǫ elı̨ t'à yek'èezǫ xè hanì xàyaı̨htı. Eyı sìı nǫǫde-ı̨dè ededı̨ wets'ıhɂǫ̀ǫ-dǫǫ̀ ı̨łè yetł'axǫǫ̀ k'àowocho elı̨ ha, Nǫ̀htsı̨ yèhdı ı̨lè.

Zezì Wecheekeèdeè 3:13

Gocho Abraham, Isaac, Jacob eyıts'ǫ gocho hazǫǫ̀ Gınǫ̀htsı̨ sìı, edecheekeè Zezì weghàsǫhoedıì ayį̀į̀là. Ełaàwı ha dǫ tł'aàwèahtı̨ ı̨lè, eyıts'ǫ k'àowo Pılate naxıts'ǫ̀ xàetłaà ayele ha nıwǫ kò naxı̨ weahwhǫ-le ı̨lè.

Zezì Wecheekeèdeè 8:36

Tı̨lı k'e nagıadè ekò tı whehtǫ gà nègı̨ı̨de. Eyı dǫ hadı, “Jǫ tı whehtǫ, asį̀į̀ sek'ètaìdzı̨ ha dìì-le?” yèhdı.

Zezì Wecheekeèdeè 9:20

Ekòet'ıì kǫ̀ta Damaskus ełègehdèe-kǫ̀ yàgòlaa sìı Saul dǫ ts'ǫ̀ godeè ajà. Zezì Nǫ̀htsı̨ Weza hǫt'e hadıì dǫ gots'ǫ̀ goı̨de.

Rome 1:9

T'aats'ǫǫ̀ naxıgha yahtı Nǫ̀htsı̨ yek'èezǫ hǫt'e. Sedzeè t'à Nǫ̀htsı̨ wegha hòtł'ò eghàlaehda, eyıts'ǫ Weza wegodıì nezı̨ı̨ t'à dǫ hoghàgeehtǫ.

Rome 4:1

Eyıt'à hanì hòɂǫ nı̨dè gocho Abraham weghǫ dàts'edı lì? Nǫ̀htsı̨ k'ę̀ę̀ dǫ ehkw'ı ts'ı̨ı̨lı̨ı̨ sìı ghǫ ayìı k'èhoèhzà?

Rome 9:3

Sı̨ sexè hoìla eyıts'ǫ Zezì-Krı wets'ǫǫ̀ ɂǫ̀seèhdo k'èxa Israel got'ı̨į̀ xàè sèot'ı̨ agı̨ı̨t'ee sìı edaxàgı̨ı̨de nı̨dè, sınà ha hǫt'e.

Rome 9:5

Gıcho Abraham, Isaac, eyıts'ǫ Jacob gots'ǫ dǫ gı̨ı̨lı̨ı̨ hǫt'e. Dıı nèk'e sèot'ı̨ gıta gots'ǫ Zezì-Krı wecho gòı̨lè hǫt'e. Zezì ededı̨ t'asìı hazǫǫ̀ gha Nǫ̀htsı̨ elı̨ı̨ sìı welǫ whìle ts'ǫ̀ weghàsǫts'eedı welè! Amen.

1 Corınth 1:9

Nǫ̀htsı̨-Gotà, Edeza Zezì-Krı wexè ı̨łè laaht'e ha naxıkayaı̨htıı sìı t'aats'ǫǫ̀ gots'ǫ̀ edeyatıì k'èdì hǫt'e.

1 Corınth 10:18

Israel got'ı̨į̀ gıdaànıahdè: dǫ Nǫ̀htsı̨ ghàɂaadìı gots'ǫ shètı̨ı̨ sìı dǫ Nǫ̀htsı̨ ghàgı̨ı̨dì xè aget'ı̨ gha gııtà hǫt'e.

Galatıa 4:4

Hanìkò Nǫ̀htsı̨ wegha deghàà nèhòkw'o ekò Edeza gots'ǫ̀ ayį̀į̀là, ts'èko ts'ǫ dǫ elı̨, eyıts'ǫ Moses wenàowoò tł'a wheda ı̨lè.

1 Thessalonıca 1:10

Weza naìdà ayį̀į̀làa sìı yak'e gots'ǫ jǫ anade ha wedanaahɂı̨. Eyı Zezì hǫt'e, ededı̨ sìı Nǫ̀htsı̨ nàgoehkwa ch'à edaxàgole ha hǫt'e.

1 Tımothy 2:5

Nǫ̀htsı̨ ı̨łè zǫ gǫ̀hłı̨, eyıts'ǫ dǫ ı̨łè zǫ Nǫ̀htsı̨ eyıts'ǫ dǫ gogha tanı wheda hǫt'e, eyı dǫ sìı Zezì-Krı hǫt'e.

1 Tımothy 3:16

Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.

2 Tımothy 2:8

Zezì-Krı wenaądì: k'àowocho Davıd wets'ıhɂǫ̀ǫ-dǫǫ̀ elı̨ eyıts'ǫ ełaı̨wo gots'ǫ naìdà. Eyı godı nezı̨ı̨ sìı wet'à dǫ hoghàehtǫ,

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

1 John 3:23

Dıı nàowo goghàı̨ɂǫ hǫt'e: Weza Zezì-Krı gogha ehkw'ı adı ha hǫt'e, eyıts'ǫ ełeghǫnets'eètǫ ha hǫt'e.

1 John 3:8

Amìı hołı̨ı̨ nàowoò k'ę̀ę̀ edaa sìı wehłı̨ı̨ nàowoò k'ę̀ę̀ eghàlaeda hǫt'e, kèhoį̀wo gots'ǫ wehłı̨ı̨ sìı hołı̨ı̨ hohtsı̨ ne t'à. Nǫ̀htsı̨ Weza sìı wehłı̨ı̨ wılaà yedıhohtsı̨ gha jǫ ajà ı̨lè.

1 John 4:15

Amìı, Zezì Nǫ̀htsı̨ Weza hǫt'e wegha ehkw'ı-ahodıı sìı, Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 5:1

Amìı, Zezì Nǫ̀htsı̨ yį̀į̀hchì hǫt'e wegha ehkw'ı-ahodıı sìı Nǫ̀htsı̨ gots'ǫ wegǫ̀hłı̨ hǫt'e, eyıts'ǫ amìı Gotà ghǫneètǫǫ sìı Weza sı ghǫneètǫ hǫt'e.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.

1 John 5:5

Amìı, Zezì, Nǫ̀htsı̨ Weza hǫt'e wegha ehkw'ı-ahodıı sìı dıı nèè ts'ǫ nàowołı̨ı̨ ghǫèhnǫ hǫt'e.

2 John 1:7

Dǫ ghǫyageeɂàa łǫ dıı nèk'e dǫ ta ts'ǫ̀ agejà hǫt'e. Zezì-Krı dıı nèk'e wegǫ̀hłı̨ı̨ sìı gıgha ehkw'ı-ahodı nıìle. Hanıı dǫ sìı eghǫyageeɂàa-dǫǫ̀ agı̨ı̨t'e, eyıts'ǫ Zezì-Krı ts'ǫ̀ kànegı̨ı̨ɂaa dǫǫ̀ agı̨ı̨t'e.

John Wenazhıı 2:18

“Kǫ̀ta Thıyatıra Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı Nǫ̀htsı̨ Weza weyatıì hǫt'e. Ededı̨ sìı wedaà kǫ̀ dèk'ǫ̀ǫ lanì eyıts'ǫ wekè satsǫ̀ dekwoo wek'e saı̨dı̨ lanì hǫt'e.