Rome 1:29 - Nǫ̀htsı̨ Nı̨htł'è

²⁹ T'asìı hazǫǫ̀ wejıı zǫ gı̨ı̨wǫǫ̀ agejà. Sıì egedì-le agejà eyıts'ǫ sıì gınìłı̨ı̨. Sıì ts'ohogeedı, ełaàłegede, ełets'ǫ̀ nàyagehtı, ełeghǫyageeɂà, eyıts'ǫ hołı̨ı̨ k'ę̀ę̀ k'ehogeɂa. Ełeghǫ nezı̨į̀ gogede-le,

Rome 1:29 ပူးပေါင်းရင်းမြစ်များ

Matthew 5:32

Hanìkò sı̨ dıı hanaxèehsı̨: Dǫ wets'èkeè eyıì-le dǫ xè hołı̨ı̨ hòèhtsı̨-le kò ɂǫ̀yeèdo nı̨dè ededı̨ wet'à wets'èkeè eyıì-le dǫ xè at'ı̨ lanì. Eyıts'ǫ dǫzhìı ts'èko ɂǫ̀weèdoo sìı xè honìdza nı̨dè hołı̨ı̨ hòèhtsı̨ hǫt'e.

Rome 3:10

Nǫ̀htsı̨ Nı̨htł'è k'e dıı hanì dek'eèhtł'è, “Dǫ wı̨ı̨zìı ehkw'ı edaa gǫ̀hłı̨ nıìle, dǫ hanıı ı̨łè kò gǫ̀hłı̨ nıìle.

2 Corınth 12:20

Naxıts'àwhıhtła nı̨dè sınì k'ę̀ę̀ aaht'e ha-le sǫnı, eyıts'ǫ sı̨ sı naxınì k'ę̀ę̀ aht'e ha-le sǫnı, eyı weghǫ nànıhwho hǫt'e. Ełek'èch'a aahdı ha sǫnı, ełeghǫ ts'oxoahdı ha sǫnı, naxık'èch'a t'à naxınì nàìtło ha sǫnı, ełek'èch'a aahda ha sǫnı, ełeghǫ goahde ha sǫnı, xàhoahdì ha sǫnı, eyıts'ǫ naxıxè hoı̨zı̨ hòɂǫ ha-le sǫnı, eyı hazǫǫ̀ ghǫ hòtł'ò nànıhwho hǫt'e.

1 Tımothy 3:11

Eyı xèht'eè gıts'èkeè ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Yatıjıı t'à dǫ ghǫ gogede ha-le, edexogııhdı ha, eyıts'ǫ ehkw'ı nàhogehwho gha gııtà ha hǫt'e.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.