Rome 1:23 - Nǫ̀htsı̨ Nı̨htł'è

²³ Nǫ̀htsı̨ welǫ whìle ts'ǫ̀ enıìyah deè elı̨ı̨ sìı ts'ǫ̀ yagehtı-le agejà. Ededı̨ t'asìı gèhtsı̨ı̨ sìı ts'ǫ̀ yagehtıì agejà. Dǫ k'ę̀ę̀ wègaat'ı̨ lanıı, yat'a k'edèe lanıı, gòocho lanıı, eyıts'ǫ tıts'aàdìı hòèlı̨ı̨ lanıı ts'ǫ̀ yagehtıì agejà.

Rome 1:23 ပူးပေါင်းရင်းမြစ်များ

Zezì Wecheekeèdeè 10:12

Weyìı tıts'aàdìı łǫ xàɂaa whela, gòo hanıı eyıts'ǫ yat'a k'edèe hazǫǫ̀ xàɂaa sı.

Zezì Wecheekeèdeè 17:29

“Eyıt'à Nǫ̀htsı̨ wets'ıhɂǫ̀ǫ-dǫǫ̀ ts'ı̨ı̨lı̨ nı̨dè Nǫ̀htsı̨ sìı sǫǫ̀mba dekwoo, sǫǫ̀mba degoo eyıts'ǫ kwe t'à hòèlı̨ı̨ wets'ı̨ı̨hwhǫ ha dìì. Dǫlà t'à t'asìı hòèlı̨ı̨ k'ę̀ę̀ wègaat'ı̨ı̨ wets'ı̨ı̨hwhǫ ha dìì.

Rome 1:25

Nǫ̀htsı̨ wenàowoò ehkw'ıı sìı nàowołı̨ı̨ xè ehdagı̨ı̨wa, t'asìı hòèlı̨ ts'ǫ̀ yagehtı xè gıgha eghàlaeda. Nǫ̀htsı̨ ts'ǫ̀ yagehtı-le xè gıgha eghàlaeda-le. Hanìkò Nǫ̀htsı̨ sìı welǫ whìle ts'ǫ̀ weghàsǫedı ha hǫt'e. Amen.

1 Corınth 12:2

Įnę̀ę Nǫ̀htsı̨ k'èahsǫ-le ekò naxıts'ǫ̀ dàgòjàa sìı wek'èahsǫ hǫt'e. Ts'ıɂǫ̀ anaxììdlà t'à nǫ̀htsı̨ eda-le sìı ts'ǫ̀ yaahtı ı̨lè.

1 Peter 4:3

Įnę̀ę hòt'a whaà hołı̨ı̨ nàowoò k'ę̀ę̀ aahda ı̨lè, dǫ Nǫ̀htsı̨ k'ègeezǫ-le lanì aahda ı̨lè: ełexè hołı̨ı̨ nàowoò k'ę̀ę̀ eghàlageedaa, hołı̨ı̨ ghats'eewıı, geèhdee, gıgha sìgoèt'ı̨ı̨ zǫ gı̨ı̨wǫǫ, eyıts'ǫ nǫ̀htsı̨ą hòèlı̨ı̨ ts'ǫ̀ yagehtı t'à sıì hołı̨ı̨ hogehtsı̨.

John Wenazhıı 9:20

Dıı nèk'e dǫ ełaàgı̨ı̨dè-le sìı edılà t'à ayìı gèhtsı̨ı̨ sìı ghǫ edek'egı̨ı̨lı̨-le. Įnìłı̨ı̨ ts'ǫ̀ yagehtı ghǫ naget'è-le. Sǫǫ̀mbaekwo t'à t'asìı hòèlı̨ı̨, sǫǫ̀mba degoo, satsǫ̀ dekwoo, kwe, eyıts'ǫ dechı̨ t'à nǫ̀htsı̨ą hòèlı̨ı̨ sìı ts'ǫ̀ yagehtı. Edegha nǫ̀htsı̨ą gehtsı̨ı̨ sìı k'egeet'į̀-le, egeèhkw'ǫ-le xè k'egedè-le kò ı̨łaà gots'ǫ̀ yagehtı.