Rome 1:21 - Nǫ̀htsı̨ Nı̨htł'è

²¹ Nǫ̀htsı̨ k'èhogeezǫ kò gıghàsǫedı-le eyıts'ǫ masì gı̨ı̨hwhǫ-le. Gogı̨ı̨zǫ-le k'ę̀ę̀ nànıgedè agejà, eyıts'ǫ gıdzeè yìı togoòtł'òo lagǫ̀ht'e.

Rome 1:21 ပူးပေါင်းရင်းမြစ်များ

Dànì Kèhoį̀wo 6:5

Gots'ǫ̀ K'àowo dıı nèk'e dǫ sıì hołı̨ı̨ k'ę̀ę̀ geedaà agejàa, gok'èezǫ. Ekìı t'aats'ǫǫ̀ dedzeè t'à hołı̨ı̨ zǫ ghǫ nànıgedè agejà.

Dànì Kèhoį̀wo 8:21

Gots'ǫ̀ K'àowo t'asìı wets'ǫ̀ wek'eek'ǫ̀ǫ sìı wegha nezı̨ t'à edets'ǫ̀ hadı, “Dǫ negechà-lea gots'ǫ t'aats'ǫǫ̀ ededzeè t'à hołı̨ı̨ nàowoò zǫ danıgedè kò, k'achı̨ wı̨ı̨zìı dèè k'e hanì hoìla agohłe ha nıìle. Eyıts'ǫ k'achı̨ wı̨ı̨zìı t'asìı hazǫǫ̀ edaa sìı gıdıhohtsı̨ ha nıìle.

John 3:19

Dıı hanì hòɂǫ ts'ıhɂǫ̀ Nǫ̀htsı̨ dǫ sınìyaehtı hǫt'e: Dzęh dıı nèk'e ts'ǫ̀ ajà, hanìkò dǫ nàowołı̨ı̨ k'ę̀ę̀ eghàlageeda ts'ıhɂǫ̀ to gıgha denahk'e nezı̨.

Rome 1:19

Nǫ̀htsı̨ weghǫ ayìı k'èhots'eezǫ ha sìı nàhotì-le gınıedì ha dìì-le hǫt'e, Nǫ̀htsı̨ nàhotì-le gınıedì ha agǫ̀ǫ̀là ne t'à.

Rome 1:28

Eyıts'ǫ Nǫ̀htsı̨ wek'èts'eezǫǫ xè wek'èats'ı̨ı̨t'ee sìı gıgha wet'àaɂà-le t'à, Nǫ̀htsı̨ sìı gınàowołı̨ı̨ k'ę̀ę̀ geeda ts'ǫ̀ geèlı̨į̀ agǫ̀ǫ̀là, eyıts'ǫ t'asìı dǫ gha wets'àet'ǫǫ sìı gıghàlaeda t'à goghàèhdı.

Rome 11:10

Gıdaà goìle welè, hanì-ı̨dè k'egeet'į̀ ha-le, eyıts'ǫ welǫ whìle ts'ǫ̀ gınǫkw'ǫǫ̀ whezòo awede,” dek'eèhtł'è.

Rome 15:9

Hanì-ı̨dè Israel got'ı̨į̀ agı̨ı̨t'e-le sìı Nǫ̀htsı̨ etegoòɂı̨ k'èxa gıghàsǫedı ha. Dıı hanì dek'eèhtł'è k'ę̀ę̀: “Dǫ hazǫǫ̀ xàɂaa gıta neghàsǫehdı ha. Shı̨ t'à neghǫ ehjı̨ ha.”

2 Tımothy 3:2

Dǫ ededı̨ zǫ edeghǫnegeètǫ ha, sǫǫ̀mba ghageewı ha, xàhogedì agede xè xàdahogedì ha, nàdahogeeɂà ha, edèot'ı̨ k'èagı̨ı̨t'e ha-le, masì gı̨ı̨wǫ ha-le, degaı nàowoò dę geeda ha,

1 Peter 1:18

Naxıcho wet'àaɂà-le k'ę̀ę̀ gı̨ı̨dàa sìı hanì aahda ch'à edaxàwhahde hǫt'e. T'asìı wedıhołè ha sìı, sǫǫ̀mbaekwo eyıts'ǫ sǫǫ̀mba degoo lanıı t'à edaxàwhahde nıìle,

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

John Wenazhıı 14:7

Yak'eet'ı̨į̀ hòtł'ò hadı, “Hòt'a dǫ sınìyaetıı dzęę̀ ts'ǫ̀ whaà-le t'à Nǫ̀htsı̨ wek'èaht'e eyıts'ǫ weghàsǫahdı. Ededı̨ sìı yak'e, dıı dèe, tıcho eyıts'ǫ tı xàı̨lı̨ı̨ hazǫǫ̀ yèhtsı̨ hǫt'e, eyıt'à wegha zǫ aahda,” hadı.

John Wenazhıı 15:4

Gots'ǫ̀ K'àowo, dǫ hazǫǫ̀ nek'èagı̨ı̨t'e ha hǫt'e eyıts'ǫ neghàsǫgeedı ha. Nı̨ zǫ degaı anet'e. Ehkw'ı eghàlaı̨dàa sìı wek'èhoedzǫǫ̀ adlà ne t'à, dǫ hazǫǫ̀ xàɂaa nets'ǫ̀ aget'ı̨ xè neghàsǫgeedı ha hǫt'e,” hagedıì gejı̨.