Rome 1:20 - Nǫ̀htsı̨ Nı̨htł'è

²⁰ Nǫ̀htsı̨ dǫ ts'ǫ̀ wègaat'ı̨-le kò, t'asìı wegha dìì-le elı̨ı̨ eyıts'ǫ Nǫ̀htsı̨ elı̨ı̨ sìı dıı nèè hòèlı̨ gots'ǫ dǫ gınıedì hǫt'e. T'asìı hazǫǫ̀ whehtsı̨ gıghàeda weghàà welǫ whìle ts'ǫ̀ t'asìı wegha dìì-le elı̨ı̨ sìı deghàà gınıedì hǫt'e. Eyıt'à “Wek'èts'eezǫ nıìle,” gedı ha dìì.

Rome 1:20 ပူးပေါင်းရင်းမြစ်များ

Dànì Kèhoį̀wo 1:1

Kèhoį̀wo ekò Nǫ̀htsı̨ yak'e eyıts'ǫ dèè sı whehtsı̨.

Dànì Kèhoį̀wo 21:33

Abraham, Bersheba nèk'e ts'ı “tamarısk” ekǫ dehshe gha dèè k'e nàyı̨ı̨hgè. Ekǫ t'aa welǫ whìle ts'ǫ̀ Nǫ̀htsı̨ elı̨ı̨ sìı ts'ǫ̀ xàyaı̨htı.

Matthew 5:45

Haaht'ı̨ nı̨dè Nǫ̀htsı̨ Naxıtà yak'e whedaa sìı weza aaht'e. Dǫ nezı̨ı̨, dǫ nezı̨-le ełèht'eè gogha sadeè daaɂaà ayehɂı̨; eyıts'ǫ dǫ ehkw'ı geedaa, dǫ ehkw'ı geeda-le ełèht'eè gogha chǫh at'ı̨į̀ ayehɂı̨.

Mark 10:6

Hanìkò dıı nèè hòèlı̨ ekò Nǫ̀htsı̨ sìı ‘dǫzhìı eyıts'ǫ ts'èko whehtsı̨.’

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 15:22

Jǫ ahjà-le xè gıts'ǫ̀ goıhde-le nı̨dè gıhołı̨į̀ gık'e whela ha-le ı̨lè. Hanìkò dıì, seyatıì k'ègeezǫ t'à ‘hołı̨ı̨ hots'èhtsı̨-le,’ gedı ha dìì.

Zezì Wecheekeèdeè 17:29

“Eyıt'à Nǫ̀htsı̨ wets'ıhɂǫ̀ǫ-dǫǫ̀ ts'ı̨ı̨lı̨ nı̨dè Nǫ̀htsı̨ sìı sǫǫ̀mba dekwoo, sǫǫ̀mba degoo eyıts'ǫ kwe t'à hòèlı̨ı̨ wets'ı̨ı̨hwhǫ ha dìì. Dǫlà t'à t'asìı hòèlı̨ı̨ k'ę̀ę̀ wègaat'ı̨ı̨ wets'ı̨ı̨hwhǫ ha dìì.

Zezì Wecheekeèdeè 22:1

“Sèot'ı̨ı̨ eyıts'ǫ goɂǫhdaà yàahłı̨ı̨ sìı, edegha gohde ha t'à seàhkw'ǫ,” gòhdı.

Rome 1:19

Nǫ̀htsı̨ weghǫ ayìı k'èhots'eezǫ ha sìı nàhotì-le gınıedì ha dìì-le hǫt'e, Nǫ̀htsı̨ nàhotì-le gınıedì ha agǫ̀ǫ̀là ne t'à.

Rome 16:26

hanìkò dıì sìı Nǫ̀htsı̨ welǫ whìle ts'ǫ̀ wehòhɂǫǫ sìı wedahxà nakwenàoɂǫǫ egı̨ı̨tł'è t'à wek'èhoedzǫǫ̀ adlà hǫt'e. Hanì-ı̨dè dıı nèk'e dǫ hazǫǫ̀ gıgha ehkw'ı-ahodı xè gık'èı̨t'e ha.

Rome 2:1

Eyıt'à, wek'èts'eezǫ-le, dahdı ha dìì hǫt'e. Dànì dǫ eyıì-le gısınìyaahtıı sìı eyı weghàà edesınìyaahtı hǫt'e, naxı̨ dǫ eyıì-le gısınìyaahtıı sìı hotıì gıxèht'eè eghàlaahda hǫt'e t'à.

Rome 2:15

Dànì nàowo k'ę̀ę̀ geeda ha sìı gıdzeè yìı wheɂǫ hǫt'e. Eyıt'à xàè gıdzeè et'ıì t'à nànıgedè eyıts'ǫ edek'e nìdahogeeɂà hǫt'e, ekǫ-le eghàlagı̨ı̨dà nı̨dè eyıts'ǫ ehkw'ı eghàlagı̨ı̨dà nı̨dè ededzeè yìı gık'èezǫ hǫt'e.)

1 Corınth 1:20

Dǫ gogı̨ı̨zǫǫ edegeewǫǫ sìı amìı agı̨ı̨t'e edegeewǫ? Dǫ enı̨htł'è-deè ghàgeètǫ gı̨ı̨wǫǫ sìı amìı agı̨ı̨t'e edegeewǫ? Dıı nèè gots'ǫ nàowo t'à gogedee gı̨ı̨lı̨ı̨ sìı amìı agı̨ı̨t'e edegeewǫ? Nǫ̀htsı̨ sìı dıı nèè gots'ǫ nàowo sìı ezhı̨ne k'ę̀ę̀ ayį̀į̀là.

Colosse 1:15

Nǫ̀htsı̨-Gotà gogha wègaat'ı̨-le, hanìkò Weza yexèht'eè wègaat'ı̨ hǫt'e. Weza sìı t'akwełǫ̀ǫ̀ hǫt'e eyıts'ǫ t'asìı hazǫǫ̀ hòèlı̨ı̨ sìı ts'ǫ̀ K'àowo.

Colosse 2:9

Nǫ̀htsı̨-Gotà t'asìı hazǫǫ̀ t'à wehòhɂǫǫ sìı Zezì-Krı wezhį̀į̀ sı yìı wehòhɂǫǫ hǫt'e,

1 Tımothy 1:17

Gots'ǫ K'àowocho welǫ whìle ts'ǫ edaa, eładı̨į̀ ade-le, eyıts'ǫ wègaat'ı̨-le sìı, weghàsǫts'eedı welè. Gonǫ̀htsı̨ ı̨łàet'ee zǫ sìı welǫ whìle ts'ǫ̀ wexè enıìyah welè. Amen.

1 Tımothy 6:16

Nǫ̀htsı̨ ededı̨ zǫ ełaàwı-le sìı sadeè nàtso lanì wehòhɂǫ t'à dǫ wı̨ı̨zìı yets'ǫ̀ nıwà-le ade ha dìì, eyıt'à dǫ wı̨ı̨zìı yaɂı̨ whìle eyıts'ǫ dǫ wı̨ı̨zìı yeɂį̀ ha dìì. Ededı̨ weghàsǫts'eedı welè, eyıts'ǫ welǫ whìle ts'ǫ̀ gots'ǫ̀ K'àowo enıìyah t'à nàtso welè. Amen.

Hebrew 11:27

Wegha ehkw'ı-ahodı t'à k'àowocho wek'èch'a kò yets'àejı̨-le xè Egypt nèk'e gots'ǫ xàèhtła. Nǫ̀htsı̨ wègaat'ı̨-le sìı yaɂı̨ lanì t'à deɂǫ̀ǫ̀ Nǫ̀htsı̨ ts'ǫ̀ edınì nàtso ayį̀į̀hwhǫ.

Hebrew 9:14

Zezì wedoò eyı nahk'e godzeè k'enaı̨htso hodeè hǫt'e. Zezì t'asìı wejıı wek'e wheɂǫ-le sìı Yedàyeh Nezı̨ı̨ wedahxà Nǫ̀htsı̨ ghàdìtı̨ t'à, t'asìı wet'àaɂà-le k'alats'ı̨ı̨dè ch'à godzeè k'enaı̨htso hǫt'e, hanì-ı̨dè Nǫ̀htsı̨ edaa sìı k'ǫǫ̀t'a wegha eghàlats'eeda ha dìì-le.