Rome 1:16 - Nǫ̀htsı̨ Nı̨htł'è

¹⁶ Eyı godı nezı̨ı̨ sìı weghǫ į̀į̀zhaehłı̨ nıìle, Nǫ̀htsı̨ wenàowoò nàtso hǫt'e. Wet'à dǫ hazǫǫ̀ gıgha ehkw'ı-ahodıı sìı edaxàgole ha hǫt'e. Eyı godı nezı̨ı̨ sìı Israel got'ı̨į̀ t'akwełǫ̀ǫ̀ gıts'ǫ̀ ajà, eyıts'ǫ dǫ eyıì-le xàɂaa ededı̨ sı gıts'ǫ̀ ajà hǫt'e.

Rome 1:16 ပူးပေါင်းရင်းမြစ်များ

Mark 8:38

Dıì dǫ hołı̨ı̨ k'ę̀ę̀ geedaa sìı amìı gonadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edetà wets'ǫ enıìyah deè t'à yak'eet'ı̨į̀ goxè nììtła nı̨dè, yeghǫ į̀į̀zhaelı̨ ha hǫt'e.

Luke 9:26

Amìı dǫ nadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edets'ǫ eyıts'ǫ edetà wets'ǫ enıìyah deè t'à yak'eet'ı̨į̀ gìdaat'ı̨ı̨ goxè nììtła nı̨dè, yeghǫ į̀į̀zhaelı̨ ha hǫt'e.

John 7:35

Israel gha k'aodèe ełets'ǫ̀ hagedı, “Eyı dǫ wegots'ìhɂà ha-le, dı t'à, edı̨į̀ ts'ǫ̀ ade ha ghǫ adı. Gòet'ı̨ eyıì-le nèk'e Greece got'ı̨į̀ ta nàgedèe sìı gots'ǫ̀ ade ha nì? Ekǫ hoghàgoehtǫ ha nì?

Zezì Wecheekeèdeè 3:26

Nǫ̀htsı̨ eyı dǫ į̀hchìı sìı naxı̨ t'akwełǫ̀ǫ̀ naxıts'ǫ̀ yı̨ı̨hɂà hǫt'e. Naxınàowołı̨ı̨ wedę aahłeè anaxele ha, hanì-ı̨dè naxıxè sìghà hòɂǫǫ̀ ayele ha,” Peter gòhdı.

Rome 10:17

Eyıt'à godı nezı̨ı̨ ts'eèhkw'ǫ nı̨dè wet'à gogha ehkw'ı-ahodı ats'et'į̀, eyıts'ǫ Zezì-Krı wegodıì nezı̨ı̨ ghǫ gogede t'à dǫ yatı egıìkw'o hǫt'e.

Rome 15:19

Yedàyeh Nezı̨ı̨ wedahxà nàhtsoò asììdlà ts'ıhɂǫ̀ enıìyah łǫ hòwhıhtsı̨ t'à dıı hanì eghàlaıhdà hǫt'e. Eyıt'à kǫ̀ta Jerusalem gots'ǫ nıwàa nèk'e Ilırıcum ts'ǫ̀ Zezì-Krı wegodıì nezı̨ı̨ deghàà dǫ hazǫǫ̀ ts'ǫ̀ wek'ayawhıhtı hǫt'e.

Rome 15:29

Naxıts'àwhıhtła nı̨dè Zezì-Krı sexè eghàlaeda t'à naxıxè deghàà sìghà ayele ha wek'èehsǫ.

Rome 2:9

Dǫ hazǫǫ̀ hołı̨ı̨ hogehtsı̨ı̨ sìı gıgha hoìla xè hòtł'ò dagı̨ı̨ɂa ha hǫt'e. Israel got'ı̨į̀ hołı̨ı̨ hoehtsı̨ı̨ sìı dagı̨ı̨ɂa ha, eyıts'ǫ dǫ eyıì-le xàɂaa sı hołı̨ı̨ hogehtsı̨ k'èxa dagı̨ı̨ɂa ha hǫt'e.

Rome 4:11

Eyı tł'axǫǫ̀ k'ǫǫ̀t'a Abraham wekwǫ̀ nàat'a hǫt'e. Abraham wegha ehkw'ı-ahodı t'à wekwǫ̀ nàat'a hǫt'e. Eyıts'ǫ Nǫ̀htsı̨ ehkw'ı edaa k'ę̀ę̀ yııhtàa sìı wekwǫ̀ nàat'a weghàà wek'èhoedzǫ gha adlà hǫt'e. Hanìkò wekwǫ̀ nàat'a kwe-t'ıì Nǫ̀htsı̨ ehkw'ı edaa k'ę̀ę̀ yııhtà ı̨lè. Hanì ts'ıhɂǫ̀ dǫ gıkwǫ̀ nàt'à-le kò gıgha ehkw'ı-ahodıı sìı Abraham hazǫǫ̀ gogha gotà elı̨ lanì hǫt'e. Hanì-ı̨dè Nǫ̀htsı̨ sìı eyı dǫ hazǫǫ̀ ehkw'ı geedaa k'ę̀ę̀ goıhtà hǫt'e.

1 Corınth 15:2

Eyı godı nezı̨ı̨ t'à edaxànaxeètı̨ hǫt'e, eyıts'ǫ eyı yatı naxıghàıhɂǫǫ sìı hòtł'ò yàahtǫ̀. Hanì-le-ı̨dè k'ètł'ǫ̀ naxıgha ehkw'ı-ahodı hǫt'e.

1 Corınth 2:2

Naxıxè aht'e ekò Zezì-Krı wenǫ̀ǫ̀ t'asìı wı̨ı̨zìı k'èehsǫ ha dehwhǫ-le ı̨lè. Zezì-Krı eyıts'ǫ dànì dechı̨et'aa k'e wedıìtsò, eyı zǫ wek'èehsǫ ha dehwhǫǫ̀ ahjà.

1 Corınth 2:4

Godı nezı̨ı̨ t'à naxıts'ǫ̀ gohde ekò wet'à gots'ı̨ı̨zǫǫ yatıì t'à naxıts'ǫ̀ goıhde-le ı̨lè, hanìkò Yedàyeh Nezı̨ı̨ nàhtsoò asį̀į̀là t'à naxınadąą̀ enıìyah k'ę̀ę̀ eghàlaehda ı̨lè.

1 Corınth 9:12

Dǫ eyıì-le t'asìı t'à gıts'àahdı ha gıghàhòt'ǫ nı̨dè, goxı̨ gınahk'e gots'àahdı ha-le nì? Goxı̨ sìı gots'àahdı ha goghàhòt'ǫ ı̨lè, hanìkò naxıts'ǫ t'asìı ts'ı̨ı̨wǫ-le ı̨lè. Į̀le, hoìla xè ts'eeda kò ts'ı̨ı̨wǫ, Zezì-Krı wegodıì nezı̨ı̨ t'asìı wı̨ı̨zìı t'à wehoeɂa ha ts'ı̨ı̨wǫ-le.

1 Corınth 9:18

Eyıt'à wek'èxa ayìı seghǫ̀t'à ha? Dıı zǫ k'èxa aht'ı̨: Godı nezı̨ı̨ t'à dǫ ts'ǫ̀ gohde nı̨dè t'asìı k'èxa-le yatı gıghàehɂà hǫt'e. Godı nezı̨ı̨ t'à gohde k'èxa t'asìı seghǫ̀t'à ha hòɂǫ kò, wedę ahɂı̨.

2 Corınth 2:12

Įdì whaà-le Zezì-Krı wegodıì nezı̨ı̨ t'à dǫ ts'ǫ̀ gohde ha kǫ̀ta Troas nàwhıhtła ı̨lè. Gots'ǫ̀ K'àowo ekǫ dǫ ts'ǫ̀ gohde ha segha hòɂǫǫ̀ ayį̀į̀là.

2 Corınth 4:4

Wehłı̨ı̨ dıı nèè gha k'àowo elı̨ı̨ sìı dǫ gıgha ehkw'ı-ahodı-le sìı gınì t'à gıgha xègaat'ı̨-le agǫ̀ǫ̀là. Eyıt'à Zezì-Krı wegodıì nezı̨ı̨ ts'ıhɂǫ̀ dǫ xè dzęh hòɂǫǫ sìı gıgha wègaat'ı̨ ha dìì, eyıts'ǫ Zezì-Krı enıìyah wehòhɂǫ xè hotıì Nǫ̀htsı̨ xèht'eè wègaat'ı̨ı̨ sìı, gınıedì ha dìì hǫt'e.

2 Corınth 9:13

Hanì dǫ ts'àahdı t'à dǫ naxık'ègeezǫ agèahłà hǫt'e. Zezì-Krı wegodıì nezı̨ı̨ naxıgha ehkw'ı-ahodıı k'ę̀ę̀ aahda t'à dǫ Nǫ̀htsı̨ ghàsǫgeedı ha, eyıts'ǫ dànì naxıdzeè t'à t'asìı dǫ ghàahłe, eyıts'ǫ dǫ hazǫǫ̀ gıts'àahdı t'à Nǫ̀htsı̨ ghàsǫgeedı ha hǫt'e.

Galatıa 1:7

Eyı xàè godı nezı̨ı̨ hǫt'e nıìle. Hoɂıì dǫ mǫ̀hdaa naxıxè hok'èedzǫ-le nèhogį̀ı̨ɂǫ, eyıts'ǫ Zezì-Krı wegodıì nezı̨ı̨ eładı̨į̀ agele ha hogeèhdzà.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

2 Tımothy 1:16

Onesıphorus eyıts'ǫ wekǫ̀ dǫ nàdèe sìı gots'ǫ̀ K'àowo gots'ǫ̀ wedzeè eteèɂı̨ welè, t'aats'ǫǫ̀ sınà asį̀į̀hwhǫ ı̨lè t'à, eyıts'ǫ sedaàtǫ kò seghǫ į̀į̀zhaelı̨-le ı̨lè.

2 Tımothy 1:8

Eyıt'à gots'ǫ̀ K'àowo weghǫ dǫ ts'ǫ̀ goı̨de ha į̀į̀zhanelı̨-le, eyıts'ǫ sı̨ wegha dǫ-danìı̨laa-kǫ̀ whıhda t'à seghǫ į̀į̀zhanelı̨-le. Hanìkò godı nezı̨ı̨ gha sexè daneeɂa ha welì. Nǫ̀htsı̨ sìı eyı gha nàts'etsoò agohɂı̨ hǫt'e.

Hebrew 4:12

Nǫ̀htsı̨ weyatıì sìı eda xè wek'ę̀ę̀ k'ehokw'o hǫt'e. Weyatıì sìı behcho į̀ła-ts'ǫ̀ wek'à dènı nahk'e dènı hǫt'e. Gokwǫ̀ weɂǫ̀ǫ̀ ts'ǫ̀ tàgoehwhe hǫt'e, godą̀ązhį̀ı̨ eyıts'ǫ gots'ǫ ı̨nì į̀łak'aà ayehɂı̨, gokw'ǫǫ̀ eghagoèhzǫ eyıts'ǫ hazǫǫ̀ godzazıì į̀łak'aà ayehɂį̀ xè godzeè yìı dàts'ı̨ı̨wǫǫ sìı yesınìyaehtı.

1 Peter 4:16

Ekò “Zezì-Krı wek'èaht'ee dǫǫ̀” naxììyeh t'à naxıgha hoìla nı̨dè eyı ghǫ į̀į̀zhaahłı̨-le, hanìkò Zezì-Krı wıızì k'ę̀ę̀ naxììyeh t'à Nǫ̀htsı̨-Gotà weghàsǫahdı.