Rome 1:12 - Nǫ̀htsı̨ Nı̨htł'è

¹² Hanì-ı̨dè ełèht'eè gogha ehkw'ı-ahodı t'à ełınì nàtsoò ats'ele ha hǫt'e.

Rome 1:12 ပူးပေါင်းရင်းမြစ်များ

Zezì Wecheekeèdeè 11:23

Ekǫ nììtła ekò dànì Nǫ̀htsı̨ gots'ǫ̀ sǫnıwǫ t'à dǫ gha eghàlaı̨daa sìı hazǫǫ̀ yaɂı̨ t'à wınà. Gots'ǫ̀ K'àowo ghǫ gınì nàtsoò agole ha gots'ǫ̀ goı̨de.

Rome 1:11

Sıì naxeehɂį̀ ha dehwhǫ dìì. Naxıts'ǫ̀ nèehtła-ı̨dè, Yedàyeh Nezı̨ı̨ wets'ǫ t'asìı naxıghàehɂà ha, eyı wet'à nàahtsoò aahde ha.

Rome 1:13

Sèot'ı̨ı̨, goı̨tłǫǫ̀ naxıts'ǫ̀ kǫ̀taèhtła ha dehwhǫ ı̨lè, hanìkò dıì ts'ǫ̀ segha wek'ę̀ę̀ hòı̨ɂà-le wek'èahsǫ ha dehwhǫ. Dǫ Israel got'ı̨į̀ agı̨ı̨t'e-le sìı gıta dànì eghàlaıdà lanì naxıta eghàlaehda ha dehwhǫ, hanì-ı̨dè Zezì gha naxınì nàtsoò anaxehłe ha.

Rome 15:24

Spaın nèk'e ts'ǫ̀ dehtła nı̨dè, naxık'eèhtła ha dehwhǫ. Hanì-ı̨dè whaà-lea ts'ǫ̀ naxıgà-ıhdà tł'axǫǫ̀-ı̨dè Spaın nèk'e ts'ǫ̀ ahde gha sets'àahdı ha dìì-le.

Rome 15:32

Hanì-ı̨dè Nǫ̀htsı̨ wınì k'ę̀ę̀ sınà naxıts'àhtła ha welì, eyıts'ǫ naxıxè whıhda t'à sınì nàtsoò anade ha.

2 Corınth 7:13

Eyı hazǫǫ̀ wet'à sıì godzeè t'à nàts'etsoò ats'ejà. Eyı xè Tıtus sıì wınà awèahłà wek'èts'eezǫ t'à, denahk'e goınà hǫt'e.

Ephesus 4:5

Eyıts'ǫ gots'ǫ̀ K'àowo ı̨łè zǫ gǫ̀hłı̨, gogha ehkw'ı-ahodı ı̨łè zǫ gǫ̀hłı̨, eyıts'ǫ t'asìı ı̨łè zǫ gha gok'ètaìdzı̨ hǫt'e.

2 Tımothy 1:4

Įdì nenatì wenahdì t'à, neehɂį̀ ha dehwhǫ. Neehɂį̀ nı̨dè sıì sınà ha ne.

Tıtus 1:4

Tıtus, nets'ǫ̀ eehtł'è. Setł'aà Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı Edaxàgolee elı̨ı̨ sìı nets'ǫ̀ sǫgı̨ı̨wǫ welè, eyıts'ǫ nexè sìghà hòɂǫǫ̀ agııle.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

2 John 1:4

Naxıts'ǫ dǫ mǫ̀hdaa nàowo ehkw'ıı k'ę̀ę̀ geeda wek'èehsǫ t'à sıì sınà, Nǫ̀htsı̨-Gotà hanì ts'eeda ha gòhdı ı̨lè k'ę̀ę̀.

Jude 1:3

Seàgı̨ą, dànì Nǫ̀htsı̨ edaxàgoı̨laa sìı weghǫ naxıts'ǫ̀ eehtł'è ha sıì haehwhǫ ı̨lè, hanìkò dıì nàowo ehkw'ıı k'èahdì ghǫ naxıts'ǫ̀ eehtł'è ha naxıgha wet'àaɂà hǫt'e. Nàowo ehkw'ıı sìı Nǫ̀htsı̨ wets'ǫ dǫ t'aats'ǫǫ̀ gıxè wheɂǫ gha goghàyı̨ı̨ɂǫ hǫt'e.