Rome 1:11 - Nǫ̀htsı̨ Nı̨htł'è

¹¹ Sıì naxeehɂį̀ ha dehwhǫ dìì. Naxıts'ǫ̀ nèehtła-ı̨dè, Yedàyeh Nezı̨ı̨ wets'ǫ t'asìı naxıghàehɂà ha, eyı wet'à nàahtsoò aahde ha.

Rome 1:11 ပူးပေါင်းရင်းမြစ်များ

Dànì Kèhoį̀wo 31:30

Netà wekǫ̀ ts'ǫ̀ anaąde ha neewǫ t'à anejà, wek'èehsǫ. Hanìkò dànìghǫ senǫ̀htsı̨ą seghǫneeɂı̨?” Laban yèhdı.

Zezì Wecheekeèdeè 16:5

Eyıt'à Nǫ̀htsı̨ wecheekeè hazǫǫ̀ gınì nàtsoò ajà, eyıts'ǫ dzę taàt'eè dǫ łǫ gotagı̨ı̨de.

Zezì Wecheekeèdeè 19:21

Eyı hazǫǫ̀ hagòjà tł'axǫǫ̀ Paul kǫ̀ta Jerusalem ts'ǫ̀ anade ha nıwǫ. Eyıt'à Macedonıa nèk'e eyıts'ǫ Achaıa nèk'e gok'ıìtła. Paul hadı, “Jerusalem nàwhıhtła tł'axǫǫ̀-ı̨dè Rome sı nàhtła ha,” hadı.

Zezì Wecheekeèdeè 19:6

Paul edılà gok'e ayį̀į̀là t'à Yedàyeh Nezı̨ı̨ gık'e ajà. Yatı ładı̨ı̨ t'à gogedeè agejà eyıts'ǫ Yedàyeh Nezı̨ı̨ dahxà xàyagı̨ı̨htı.

Rome 1:12

Hanì-ı̨dè ełèht'eè gogha ehkw'ı-ahodı t'à ełınì nàtsoò ats'ele ha hǫt'e.

Rome 15:23

Hanìkò dıì sìı dııyeè nèk'e la ghǫ naht'e, eyıts'ǫ whaà gots'ǫ naxıts'àhtła ha dehwhǫ ı̨lè t'à,

Rome 15:29

Naxıts'àwhıhtła nı̨dè Zezì-Krı sexè eghàlaeda t'à naxıxè deghàà sìghà ayele ha wek'èehsǫ.

Rome 15:32

Hanì-ı̨dè Nǫ̀htsı̨ wınì k'ę̀ę̀ sınà naxıts'àhtła ha welì, eyıts'ǫ naxıxè whıhda t'à sınì nàtsoò anade ha.

2 Corınth 1:15

Eyı hotıì wek'èehsǫ t'à naxı̨ t'akwełǫ̀ǫ̀ naxıts'àhtła ha dehwhǫ, hanì-ı̨dè nàekeè-eht'aà naxıxè sìghà agode ha.

2 Corınth 1:21

Nǫ̀htsı̨ sìı Zezì-Krı wet'à goınì eyıts'ǫ naxınì nàtsoò ayehɂı̨ hǫt'e. Edegha gòį̀hchì hǫt'e,

2 Corınth 11:4

Dǫ ładı̨ı̨ naxıts'ǫ̀ nììtła gà Zezì eyıì-le ghǫ hoghànaxeehtǫ nı̨dè naxıgha t'asanìle. Yedàyeh Nezı̨ı̨ naxıghǫ̀t'ǫǫ sìı wedę ı̨nì eładı̨ı̨ naxıgha ehkw'ı-ahodı nı̨dè, hanì-le-ı̨dè godı nezı̨ı̨ naxıghǫ̀t'ǫǫ sìı wedę godı eładı̨ı̨ naxıgha ehkw'ı-ahodı nı̨dè, nàhotì-le gıyatıì ààhchı hǫt'e.

2 Corınth 9:14

Eyıt'à naxıgha yagehtı nı̨dè Nǫ̀htsı̨ naxıts'ǫ̀ deɂǫ̀ǫ̀ wesǫnıwǫ t'à hanì nezı̨į̀ eghàlaahda anaxį̀į̀là ghǫ masì gı̨ı̨wǫ xè ededzeè t'à naxıgha yagehtı ha hǫt'e.

Phılıppı 1:8

Zezì-Krı wets'ıhɂǫ̀ sıì naxıghǫneehtǫ eyıts'ǫ naxıxè aht'e ha dehwhǫ; Nǫ̀htsı̨ yek'èezǫ hǫt'e.

Phılıppı 2:26

Hazǫǫ̀ naxıghaàwo hǫt'e, eyıts'ǫ eyaelı̨ı̨ weghǫ aàhkw'o t'à naxıghǫ ts'ǫǫ̀nıwǫ.

Phılıppı 4:1

Sèot'ı̨ı̨, gots'ǫ̀ K'àowo wegha naxınì nàtso aahwhǫ eyıts'ǫ wedahxà dànì ts'eeda ghǫ ııhtł'èe sìı wek'ę̀ę̀ aahda. Seàgı̨ą, naxıghǫneehtǫ hǫt'e, naxıxè aht'e ha dehwhǫ, eyıts'ǫ sıì sınà asèahłà xè naxıghǫ xàhohdì.

1 Thessalonıca 3:13

Nǫ̀htsı̨ naxıdzeè nàtsoò ayııle, hanì-ı̨dè naxık'e nìdahoet'à ha-le, eyıts'ǫ gots'ǫ̀ K'àowo Zezì-Krı edets'ǫ dǫ degaı hazǫǫ̀ xè jǫ ts'ǫ̀ anajà nı̨dè, Nǫ̀htsı̨-Gotà wenadąą̀ nàahza xè degaı laaht'e ha.

1 Thessalonıca 3:2

Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.

2 Thessalonıca 2:17

hotıì naxıdzeè nàtsoò agııle, eyıts'ǫ wet'à t'aats'ǫǫ̀ nezı̨į̀ eghàlaahda gha, eyıts'ǫ wet'à nezı̨į̀ goahde gha nàahtso welè.

2 Thessalonıca 3:3

Hanìkò gots'ǫ̀ K'àowo hotıì edeyatıì k'èdì hǫt'e, naxıdzeè nàtsoò anaxııle xè, wehłı̨ı̨ ch'à naxık'èdì ha hǫt'e.

Hebrew 13:9

Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

1 Peter 5:12

Naxıts'ǫ̀ eehtł'è gha sèot'ı̨ Sılas sets'àı̨dì. Ededı̨ sìı t'aats'ǫǫ̀ segha nezı̨į̀ eghàlaeda hǫt'e. Naxınì nàtsoò ahłe ha eyıts'ǫ Nǫ̀htsı̨ wesǫnıwǫ k'ę̀ę̀ aahda ha dehwhǫ t'à t'asìı mǫ̀hdaa ghǫ naxıts'ǫ̀ ııhtł'è hǫt'e. Nǫ̀htsı̨ naxıts'ǫ̀ sǫnıwǫ ts'ıhɂǫ̀ t'aats'ǫǫ̀ naxınì nàtsoò aahwhǫ.

2 Peter 1:12

Eyı hazǫǫ̀ hòt'a wek'èahsǫ xè nàowo ehkw'ıı ghǫ naxınì nàtso kò t'aats'ǫǫ̀ wenaahdì anaxehłe ha hǫt'e.