Rome 1:10 - Nǫ̀htsı̨ Nı̨htł'è

¹⁰ Naxıts'ǫ̀ ahde gha sìı k'ǫǫ̀t'a Nǫ̀htsı̨ segha hòɂǫǫ̀ ayele ha, eyı gha yahtı.

Rome 1:10 ပူးပေါင်းရင်းမြစ်များ

Zezì Wecheekeèdeè 18:21

Paul naetła kwe, hagòhdı, “Nǫ̀htsı̨ hanıwǫ nı̨dè k'achı̨ jǫ ts'ǫ anahde ha,” gòhdı. Eyı tł'axǫǫ̀ elàcho t'à kǫ̀ta Ephesus gots'ǫǫ̀ naèhɂe.

Zezì Wecheekeèdeè 19:21

Eyı hazǫǫ̀ hagòjà tł'axǫǫ̀ Paul kǫ̀ta Jerusalem ts'ǫ̀ anade ha nıwǫ. Eyıt'à Macedonıa nèk'e eyıts'ǫ Achaıa nèk'e gok'ıìtła. Paul hadı, “Jerusalem nàwhıhtła tł'axǫǫ̀-ı̨dè Rome sı nàhtła ha,” hadı.

Zezì Wecheekeèdeè 21:14

Weghǫ dats'eehnè ha-le t'à hawèts'edı, “Gots'ǫ̀ K'àowo wınì k'ę̀ę̀ welè,” wèts'edı.

Rome 15:29

Naxıts'àwhıhtła nı̨dè Zezì-Krı sexè eghàlaeda t'à naxıxè deghàà sìghà ayele ha wek'èehsǫ.

1 Corınth 1:1

Sı̨ Paul aht'e, Nǫ̀htsı̨ wedahxà Zezì-Krı wecheekeèdeè ehłı̨ gha sìhchı hǫt'e. Gòet'ı̨ Sostenes wexè dıı enı̨htł'è kǫ̀ta Corınth Nǫ̀htsı̨ wecheekeè nàgedèe sìı gıts'ǫ̀ ts'eetł'è. Zezì-Krı wet'ǫ̀ǫ̀ Nǫ̀htsı̨ edegha gòį̀hchìı hǫt'e. Eyıts'ǫ hazǫǫ̀ nèk'e dǫ Zezì-Krı ghǫ gınì nàtsoo sìı ededı̨ sı gıts'ǫ̀ ts'eetł'è hǫt'e. Zezì gıts'ǫ̀ K'àowo elı̨ hǫt'e eyıts'ǫ goxı̨ sı gots'ǫ̀ K'àowo elı̨ hǫt'e.

1 Corınth 4:19

Hanìkò gots'ǫ̀ K'àowo hanıwǫ nı̨dè whaà-le-t'ıì naxıts'àhtła ha hǫt'e. Ekìıyeè k'e nı̨dè eyı dǫ ayìı ghǫ xàdahogedìı sìı wegòhɂà ha. Eyı zǫǫ̀-le, ayìı dahxà nàgetsoo sìı wegòhɂà ha hǫt'e.

Phılıppı 4:6

T'asìı wı̨ı̨zìı ghǫ nànıahdè-le, hanìkò Nǫ̀htsı̨ ts'ǫ̀ yaahtı, t'asìı hazǫǫ̀ naxıgha whìle sìı weahkè, eyıts'ǫ masì wèahdı.

1 Thessalonıca 2:18

K'achı̨ naxıts'àts'edè ha ts'ı̨ı̨wǫ ı̨lè. Sı̨, Paul, ełek'èdaà naxıts'àhtła ha hoèhdzà ı̨lè, hanìkò wehłı̨ı̨ eyı ch'à asį̀į̀là.

Phılemon 1:22

Eyıts'ǫ t'asìı ı̨łè neehkè ha, nekǫ̀ naehte ha segha sıìgoı̨le. Nǫ̀htsı̨ naxıyatıì k'èhoı̨ɂǫ nı̨dè naxıts'ǫ̀ anahde ha sǫnı dehwhǫ.

Hebrew 13:19

Whaà-le-t'ıì naxıts'ǫ̀ anahde gha hotıì segha yaahtı.

James 4:15

Ehkw'ı goahde xè dıı haahdı welì, “Gots'ǫ̀ K'àowo hanıwǫ nı̨dè, ts'eedaa xè dıı hats'ele ha, hanì-le-ı̨dè eyı hats'ele ha,” haahdı welì.