Phılıppı 4:9 - Nǫ̀htsı̨ Nı̨htł'è

⁹ T'asìı hazǫǫ̀ hoghànaxeèhtǫ sìı k'ę̀ę̀ aahda. Yatı hazǫǫ̀ wet'à nezı̨į̀ aahda ha naxıghàıhɂǫǫ sìı, eyıts'ǫ naxıdaà dànì ıhdàa, eyı hazǫǫ̀ wek'ę̀ę̀ aahda. Hanì-ı̨dè Nǫ̀htsı̨ naxıxè sìghà hòɂǫ ayele ha.

Phılıppı 4:9 ပူးပေါင်းရင်းမြစ်များ

Matthew 1:23

“T'eekogòò hotıì eda-le ade ha, dǫzhìa nìhtè ha eyıts'ǫ Emmanuel wìyeh ha,” hadı ı̨lè. (Emmanuel ts'edıı sìı “Nǫ̀htsı̨ goxè nàwo” ts'edıì-ats'edı.)

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

Matthew 7:21

“Dǫ hazǫǫ̀ ‘K'àowo, K'àowo,’ sègedıı sìı Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha nıìle. Amìı, Setà yak'e whedaa k'èı̨t'ee sìı zǫ goyageedè ha.

Luke 6:46

“Ayìıha, ‘K'àowo, K'àowo,’ sèahdı, hanìkò sek'èaht'e-le?

Luke 8:21

Zezì yets'ǫ̀ hadı, “Amìı Nǫ̀htsı̨ yatıì egıìkw'oo xè gık'ę̀ę̀ edaa sìı semǫ eyıts'ǫ sechı lagı̨ı̨t'e,” yèhdı.

John 13:17

Hòt'a eyı hazǫǫ̀ wek'èahsǫ ne t'à wek'ę̀ę̀ eghàlaahdà nı̨dè naxıxè sìghà ha hǫt'e,” gòhdı.

John 15:14

Seyatıì k'èaht'e nı̨dè seàgı̨ą aaht'e ne.

John 2:5

Zezì wemǫ dǫ eyı eghàlageedaa sìı ts'ǫ̀ hadı, “Ayìı dànaxèhdı sìı haahłe,” gòhdı.

Zezì Wecheekeèdeè 9:6

Nıį̀tła gà kǫ̀ta ts'ǫ̀ anede, ayìı dànele ha sìı nets'ǫ̀ hagedı ha,” Zezì yèhdı.

Rome 15:33

Nǫ̀htsı̨ naxıxè welè eyıts'ǫ naxıxè sìghà hòɂǫ ayııle. Amen.

Rome 16:20

Nǫ̀htsı̨ ts'èwhı̨į̀ wehòhɂǫǫ sìı whaà-le-t'ıì naxıt'ǫ̀ǫ̀ wehłı̨ı̨ dıhohtsı̨ ha. Zezì-Krı wesǫnıwǫ naxıxè welè.

1 Corınth 10:31

Eyıt'à t'asìı ghǫ shèahzhe xè t'asìı aahdǫ, eyıts'ǫ t'asìı t'ahoòyį̀ı̨ haahɂı̨ nı̨dè, wet'à Nǫ̀htsı̨ weghàsǫahdı.

1 Corınth 14:33

Nǫ̀htsı̨ wexè nàdahoowo nıìle, hanìkò wexè ts'èwhı̨į̀ hòɂǫ hǫt'e. Kǫ̀ta hazǫǫ̀ Nǫ̀htsı̨ wets'ǫ dǫ łą̀ą ełègehdèe sìı dıı nàowo k'ę̀ę̀ aget'ı̨ welì:

1 Corınth 4:16

Eyıt'à hotıì sexèahɂı̨, dehsı̨ naxıghǫnàdaehtì.

2 Corınth 13:11

Sèot'ı̨ı̨, nǫǫde t'à dıı hanaxèehsı̨ ha: naxıxè sìghà welè, deghàà degaı aahde gha hòtł'ò eghàlaahda, ayìı dànaxèehsı̨ı̨ sìı seyatıì ààhchı, naxınì ı̨łè zǫ welè, ts'èwhı̨į̀ ełexè aahda. Hanì-ı̨dè Nǫ̀htsı̨ goghǫneètǫǫ, wexè ts'èwhı̨į̀ hòɂǫǫ sìı naxıxè wehòhɂǫ ha.

Phılıppı 3:17

Sèot'ı̨ı̨, dànì ehdaa sìı sexèahɂı̨, eyıts'ǫ dǫ, nàowo naxıghàts'ı̨ı̨ɂǫ k'ę̀ę̀ geedaa sìı gıghàahda.

Phılıppı 4:7

Hanì-ı̨dè Nǫ̀htsı̨ naxıxè sìghà hòɂǫ ayele ha, eyı sìı dǫ wı̨ı̨zìı yenıedì ha dìì, eyıts'ǫ Zezì-Krı wexè naxıdzeè eyıts'ǫ naxınì k'èdì ha.

1 Thessalonıca 1:6

Edànì ts'eedaa sìı goxèahɂı̨į̀ aahjà, eyıts'ǫ gots'ǫ̀ K'àowo sı wexèahɂı̨į̀ aahjà. Sıì daahɂaà anaxììdlà kò godı nezı̨ı̨ edegha ààhchı, eyıts'ǫ Yedàyeh Nezı̨ı̨ eyı godı nezı̨ı̨ ghǫ sıì naxınà anaxį̀į̀là hǫt'e.

1 Thessalonıca 2:14

Sèot'ı̨ı̨, Judea nèk'e Nǫ̀htsı̨ wecheekeè Zezì-Krı gıgha ehkw'ı-ahodıı sìı gıxè dàgòjàa sìı naxı̨ sı naxıxè hagòjà. Ededı̨ dànì xàè gìot'ı̨ Israel got'ı̨į̀ dagogį̀ı̨hɂa lanì naxı̨ sı xàè naxèot'ı̨ danaxegį̀ı̨hɂa hǫt'e.

1 Thessalonıca 5:23

Nǫ̀htsı̨ ts'èwhı̨į̀ wehòhɂǫǫ sìı deghàà degaı k'ę̀ę̀ anaxııle. Gots'ǫ̀ K'àowo Zezì-Krı nììtła gots'ǫ̀ naxıts'ǫ ı̨nì hazǫǫ̀, naxıdą̀ązhį̀ı̨ hazǫǫ̀, eyıts'ǫ naxızhį̀į̀ hazǫǫ̀ hołı̨ı̨ ch'à wek'èhodì ha welì.

2 Thessalonıca 3:4

Dànì aahda ha naxèts'edı ı̨lèe sìı hanì aahda xè ı̨łaà haaht'ı̨ı̨ sìı gots'ǫ̀ K'àowo wet'ǫ̀ǫ̀ eyı hotıì gogha ehkw'ı-ahodı hǫt'e.

2 Tımothy 4:22

Gots'ǫ̀ K'àowo nets'ǫ ı̨nì xè at'ı̨ welè. Nǫ̀htsı̨ nets'ǫ̀ sǫnıwǫ welè.

James 1:22

Ekìı yatı zǫ aàhkw'ǫ-le, hanìkò wek'ę̀ę̀ aahda, hanì-ı̨dè edeghǫyaahɂà ha-le.

2 Peter 1:10

Eyıt'à sèot'ı̨ı̨, naxıkayaetı xè naxììchì k'ę̀ę̀ aahda, eyı ghǫ naxınì nàtsoò aahłe hanì-ı̨dè naxıxè hagode ha. Hanì edeghàlaahda nı̨dè hołı̨ı̨ naxıdaèht'è hǫı̨lı̨ ha nıìle.

1 John 3:22

eyıts'ǫ wenàowoò k'èats'ı̨ı̨t'e eyıts'ǫ wınì k'ę̀ę̀ k'ehots'eɂa t'à t'asìı wets'eekèe sìı goghàyeɂà ha hǫt'e.