Phılıppı 4:8 - Nǫ̀htsı̨ Nı̨htł'è

⁸ Sèot'ı̨ı̨, nǫǫde t'à dıı hanaxèehsı̨ ha dehwhǫ: T'asìı ehkw'ıı ne sìı, wet'à dǫ nezı̨į̀ agı̨ı̨wǫ ha sìı, wet'à ehkw'ıı gòɂǫǫ, t'asìı nezı̨ı̨, t'asìı degaı, wet'à ełeghǫ masì ts'ı̨ı̨wǫǫ, eyıts'ǫ wet'à dǫ ełets'ıìt'ı̨ı̨, eyı hanıı hazǫǫ̀ wedaànıahdè.

Phılıppı 4:8 ပူးပေါင်းရင်းမြစ်များ

Dànì Kèhoį̀wo 18:19

Sı̨ wììhchì hǫt'e. Edeza eyıts'ǫ wets'ıhɂǫ̀ǫ-dǫǫ̀ hazǫǫ̀ wetł'axǫǫ̀ geeda ha sìı senàowoò k'ègedì gha hoghàgoehtǫ ha t'à wììhchì hǫt'e. Ayìı ehkw'ıı sìı ghàlageeda ha, hanì-ı̨dè dànì Abraham xè yatı whıhtsı̨ı̨ sìı wek'ę̀ę̀ hòɂǫǫ̀ agohłe ha,” gots'ǫ̀ K'àowo hanıwǫ.

Matthew 22:16

Gıcheekeè eyıts'ǫ Herodıan gı̨ı̨lı̨ı̨ mǫ̀hdaa Zezì ts'ǫ̀ gogeèhɂà. Zezì ts'ǫ̀ hagedı, “K'àowo, ehkw'ı zǫ goı̨de wek'èts'eezǫ, eyıts'ǫ Nǫ̀htsı̨ Wenàowoò ghǫ ehkw'ı dǫ hoghàı̨htǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle.

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

Luke 2:25

Ekìıyeè k'e eneèko ı̨łè Jerusalem nàdè ı̨lè, Sımeyon wìyeh. Nǫ̀htsı̨ ghàdìtı̨ xè ehkw'ı eda hǫt'e. Israel got'ı̨į̀ Edaxàgolee elı̨ı̨ sìı danaèhɂı̨ ı̨lè eyıts'ǫ Yedàyeh Nezı̨ı̨ wets'ǫ̀-èlı̨.

Luke 23:50

Eyıts'ǫ dǫ ı̨łè Joseph wìyeh Israel got'ı̨į̀ gha k'aodèe goxè wheda elı̨. Dǫ nezı̨ı̨ xè ehkw'ı eda.

John 7:18

Dǫ ededahxà godee sìı dǫ nayeet'ı̨ gha at'ı̨ hǫt'e. Ekò amìı yı̨ı̨hɂàa sìı yıızì nezı̨ ehtsı̨ gha at'ı̨ nı̨dè, eyı dǫ sìı ehkw'ı gode hǫt'e. Eyı dǫ sìı hots'ì nıìle.

Zezì Wecheekeèdeè 10:22

Dǫ gıts'ǫ̀ hadı, “Cornelıus, eghǫǫ-dǫǫ̀-gha-k'àowo, jǫ ts'ǫ̀ goı̨hɂà. Ededı̨ dǫ ehkw'ı edaa xè Nǫ̀htsı̨ ghǫ hòtł'ò anıwǫ, eyıts'ǫ Israel got'ı̨į̀ hazǫǫ̀ gıghǫneètǫ hǫt'e. Wenazhıı yak'eet'ı̨į̀ yets'ǫ̀ goı̨de ı̨lè, nı̨ wekǫ̀ nàątła ha, yèhdı. Ayìı wets'ǫ̀ haı̨dı ha sìı neèhkw'ǫ ha hǫt'e,” gıìhdı.

Zezì Wecheekeèdeè 22:12

“Dǫ ı̨łè Ananıas wìyeh sets'àèhtła. Eyı dǫ Moses wenàowoò k'èı̨t'e eyıts'ǫ Israel got'ı̨į̀ hazǫǫ̀ eyı nàgedèe sìı dǫ nezı̨ ne, gı̨ı̨hwhǫ.

Zezì Wecheekeèdeè 6:3

Sèot'ı̨ı̨, amìı Yedàyeh Nezı̨ı̨ gıts'ǫ̀-èlı̨ı̨ sìı eyıts'ǫ gogı̨ı̨zǫǫ sìı naxıta gots'ǫ dǫ łǫ̀hdı̨ ààhchı. Eyı la gıtł'aà wheɂǫǫ̀ aahłe.

Rome 13:13

Dzęh dǫ geeda lanì ehkw'ı ts'eeda ha hǫt'e. Ts'edǫ xè ts'ıɂǫ̀-hots'eeɂà welè-le, gozhį̀į̀ t'à hołı̨ı̨ k'alats'edèe welè-le, ełets'ǫ̀ nàyats'ehtı welè-le, eyıts'ǫ ełeghǫ ts'ohots'eedı welè-le.

Rome 13:3

Dǫ ehkw'ı eghàlageedaa sìı k'aodèe ts'àgeejı̨ nıìle, hanìkò dǫ ekǫ-le eghàlageedaa sìı, k'aodèe ts'àgeejı̨ ha hǫt'e. Eyıt'à k'aodèe ts'àahjı̨ ha-le dahwhǫ nı̨dè, ayìı ehkw'ıı sìı weghàlaahda. Hanì-ı̨dè k'aodèe gı̨ı̨lı̨ı̨ sìı naxıghǫ nezı̨į̀ agedı ha.

Rome 14:18

Dǫ hanì Zezì gha geedaa sìı Nǫ̀htsı̨ wınì k'ę̀ę̀ aget'ı̨ hǫt'e, eyıts'ǫ dǫ sı gha nezı̨ı̨ aget'ı̨ hǫt'e.

Rome 2:29

Hanì nıìle! Dǫ wedzeè t'à Israel got'ı̨į̀ wedeèdlı̨ı̨ elı̨ nı̨dè, eyıts'ǫ Yedàyeh Nezı̨ı̨ t'à dǫ wedzeè k'e nàweet'à lanì nı̨dè, ehkw'ı nàweat'a hǫt'e. Nàowo dek'eèhtł'è k'ę̀ę̀ nàweat'a zǫ t'à Israel got'ı̨į̀ wedeèdlı̨ı̨ elı̨ nıìle. Dǫ Yedàyeh Nezı̨ı̨ t'à wedzeè nàt'à nı̨dè Nǫ̀htsı̨ yeghǫ sìghà adı ha hǫt'e, eyı sìı dǫ yeghǫ sìghà adı nahk'e nezı̨ hǫt'e.

1 Corınth 4:5

Eyıt'à eyı nèhòkw'ı kwe t'asìı wesınìyaahtı-le, hanìkò gots'ǫ̀ K'àowo nììtła ts'ǫ̀ naahɂı̨. Togoòtł'òo t'à t'asìı deɂı̨į̀ whelaa sìı wègaat'ı̨į̀ ayele ha, eyıts'ǫ dǫ dàgı̨ı̨wǫ t'à k'ehogı̨ı̨ɂaa sìı wek'èedzǫǫ̀ ayele ha. Eyı dzęę̀ k'e nı̨dè dànì godzeè t'à ehkw'ı nànıts'edèe sìı k'ę̀ę̀ Nǫ̀htsı̨ goghǫ sìghà adı ha.

2 Corınth 13:7

Eyıts'ǫ ekǫ-le eghàlaahda ch'à naxıgha Nǫ̀htsı̨ ts'ǫ̀ yats'ehtı. Goxı̨ nezı̨į̀ gògaat'ı̨ gha ats'et'ı̨ nıìle, hanìkò ehkw'ı eghàlaahda gha ats'et'ı̨ hǫt'e, golaà ghàlats'ı̨ı̨dà-le dǫ hagogı̨ı̨hwhǫ kò.

2 Corınth 6:8

dǫ goghǫ nezı̨į̀ agedıı hanì-le-ı̨dè gok'adageedèe, goghǫ nezı̨į̀ agedıı hanì-le-ı̨dè goghǫ nezı̨į̀ agedı-le; godzeè t'à ehkw'ı gots'ede hanìkò dǫ mǫ̀hdaa eghǫyaeɂàa-dǫǫ̀ ats'ı̨ı̨t'e gògedı;

2 Corınth 8:18

Nǫ̀htsı̨ cheekeè ı̨łè wexè ats'ele ha. Eyı dǫ godı nezı̨ı̨ gha nezı̨į̀ eghàlaı̨dà t'à Nǫ̀htsı̨ wecheekeè hazǫǫ̀ gıghǫ sìghà agedı hǫt'e.

2 Corınth 8:21

Eyıt'à ehkw'ı weghàlats'eeda ha ts'ı̨ı̨wǫ. Nǫ̀htsı̨ wenadąą̀ zǫǫ̀-le hanìkò dǫ hazǫǫ̀ gınadąą̀ ehkw'ı k'ehots'eɂa ha ts'ı̨ı̨wǫ hǫt'e.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Ephesus 4:25

Eyıt'à naxı̨ hazǫǫ̀ hots'ets'ìı k'ę̀ę̀ goahde-le eyıts'ǫ naxèot'ı̨ ts'ǫ̀ ehkw'ı goahde, Zezì-Krı wezhį̀į̀ ı̨łè zǫ gots'ǫ ats'ı̨ı̨t'e t'à.

Ephesus 5:9

(Dzęh ts'eeda nı̨dè t'asìı nezı̨ı̨ zǫ eghàlats'eeda, ehkw'ı k'ehots'eɂa eyıts'ǫ nàowo ehkw'ıı xè ts'eeda.)

Ephesus 6:14

Eyıt'à nàahtso gıts'ǫ̀ naahɂa, nàowo ehkw'ıı t'à wheahtł'ı̨, eyıts'ǫ satsǫ̀ naxıdzıìwı k'e whetǫ lanì wet'à ehkw'ı ts'eedaa t'à aaht'ı̨.

Phılıppı 3:1

Sèot'ı̨ı̨, hòt'a gots'ǫ̀ K'àowo wets'ıhɂǫ̀ naxınà welè! Įdì dànaxèehsı̨ ı̨lèe sìı wet'à k'achı̨ naxıts'ǫ̀ naehtł'è ha sìı segha t'asanìle, hotıì wek'èahsǫ ha naxıgha wet'àaɂà hǫt'e.

Colosse 4:5

Dǫ gıgha ehkw'ı-ahodı-le sìı gıts'ǫ̀ goahsǫǫ̀ k'ehoahɂa. Godı nezı̨ı̨ t'à gıxè goahdo gha hòɂǫ taàt'eè nezı̨į̀ gıxè goahdo welì.

1 Thessalonıca 4:12

T'aats'ǫǫ̀ hanì aahda nı̨dè dǫ gıgha ehkw'ı-ahodı-le sìı nezı̨į̀ naxıts'ǫ̀ nageɂaà agede ha, eyıts'ǫ dǫ wı̨ı̨zìı gıt'à aahda ha nıìle.

1 Tımothy 2:2

K'àowocho hazǫǫ̀, eyıts'ǫ dıı nèk'e gogha k'aodèe gı̨ı̨lı̨ı̨ hazǫǫ̀ gıgha yaahtı, hanì-ı̨dè ts'èwhı̨į̀ ts'eeda xè ts'èwhı̨į̀ goxè hòɂǫ ha, eyıts'ǫ Nǫ̀htsı̨ wegha degaı k'ę̀ę̀ ts'eeda ha.

1 Tımothy 3:11

Eyı xèht'eè gıts'èkeè ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Yatıjıı t'à dǫ ghǫ gogede ha-le, edexogııhdı ha, eyıts'ǫ ehkw'ı nàhogehwho gha gııtà ha hǫt'e.

1 Tımothy 3:4

Edekǫ̀ nezı̨į̀ gok'èdì ha, weza gık'èı̨t'e xè nezı̨į̀ gıts'ǫ̀ naɂa gha hoghàgoehtǫ ha.

1 Tımothy 4:12

Cheko anet'e t'à dǫ negı̨ı̨hwhǫ-le kò gıts'ǫnıɂà-le, hanìkò ı̨łaà dǫ nezı̨ı̨ k'ę̀ę̀ ı̨da. Eyıt'à dàı̨dıì goı̨dee, dànì k'ehoı̨ɂaa, dànì dǫ ghǫneę̀tǫǫ, dànì negha ehkw'ı-ahodıı xè degaı k'ę̀ę̀ ı̨da nı̨dè, dǫ nexègeɂı̨ ha dìì-le hǫt'e.

1 Tımothy 5:10

eyıts'ǫ dǫ ts'ǫ̀ nezı̨į̀ eghàlageeda gha gık'èhoedzǫ nı̨dè, nezı̨į̀ chekoa geèhsǫ nı̨dè, wekǫ̀ dǫ gha enìxànı̨ı̨tǫ nı̨dè, gıdzeè nezı̨ı̨ xè Nǫ̀htsı̨ wets'ǫ dǫ gha eghàlageeda nı̨dè, dǫ gıgha hoìlaa sìı ts'àgedıı, eyıts'ǫ gınì nàtso xè t'aats'ǫǫ̀ dǫ ts'ǫ̀ nezı̨į̀ eghàlageeda nı̨dè, gıızì dek'eèhtł'è ha hǫt'e.

1 Tımothy 5:2

Ts'èko ǫhdaà sìı nemǫ lagı̨ı̨hwhǫ, eyıts'ǫ t'eeko sı nedè lagı̨ı̨hwhǫ; gıts'ǫ̀ nınì-jıı welè-le.

Tıtus 1:8

Hanìkò wekǫ̀ dǫ gha enìxànı̨ı̨tǫ ayį̀į̀hwhǫ ha, ayìı nezı̨ı̨ sìı ghǫneètǫ ha, nàowołı̨ı̨ ch'à edek'èdì ha, ehkw'ı eda xè degaı lanì ha, eyıts'ǫ nàowo nezı̨ı̨ k'ę̀ę̀ edek'èdì ha hǫt'e.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Tıtus 2:2

Naxıta gots'ǫ dǫzhìı ǫhdaà sìı hotıì edexogııhdı ha hoghàgı̨ı̨htǫ. Ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Nàowołı̨ı̨ ch'à edek'ègedì ha, nàowo ehkw'ıı k'ę̀ę̀ gıgha ehkw'ı-ahodı ha hǫt'e, dǫ ghǫnegeètǫ ha eyıts'ǫ t'aats'ǫǫ̀ gınì nàtso ha hǫt'e.

Tıtus 2:7

T'aats'ǫǫ̀ nezı̨į̀ k'ehoı̨ɂa, hanì-ı̨dè nexègeɂı̨ ha. Nàowo ehkw'ıı k'ę̀ę̀ eyıts'ǫ degaı k'ę̀ę̀ hoghàgı̨ı̨htǫ.

Tıtus 3:14

Gots'ǫ dǫ sìı t'aats'ǫǫ̀ t'asìı nezı̨ı̨ ghàlageedaà adegele ha hǫt'e. Hanì-ı̨dè dzę taàt'eè wet'à ts'eedaa sìı t'à dǫ ts'àgedı ha, eyıts'ǫ t'asìı hogehtsı̨-le agede ha-le.

Hebrew 11:2

T'akwe whaà gocho hanì gıgha ehkw'ı-ahodı t'à Nǫ̀htsı̨ goghǫ nezı̨į̀ xàyaı̨htı ı̨lè.

Hebrew 13:18

Nǫ̀htsı̨ gots'àdı ha gogha yaahtı. Ekǫ-le eghàlats'ı̨ı̨dà-le wek'èts'eezǫ, eyıts'ǫ t'asìı hazǫǫ̀ t'à ehkw'ı ts'eeda ha ts'ı̨ı̨wǫ hǫt'e.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 4:8

T'asìı hazǫǫ̀ nahk'e ełeghǫnıahtǫ. Ełeghǫnets'eètǫ nı̨dè hołı̨ı̨ łǫ whìle ats'ehɂį̀.

2 Peter 3:1

Seàgı̨ą, dıì xè nàakeè naxıts'ǫ̀ eehtł'è hǫt'e. Ayìı dàehsı̨ı̨ sìı t'aats'ǫǫ̀ wenaahdì ha dehwhǫ. Eyı nı̨htł'è nàke naxıts'ǫ̀ ahłàa sìı wet'à ehkw'ı nànıahdè aahde ha naxeehwhǫ.

1 John 3:18

Sèot'ı̨ı̨, goyatıì zǫ t'à ełeghǫnets'eètǫ welè-le, hanìkò nàowo ehkw'ıı k'ę̀ę̀ ełets'àts'edı ha hǫt'e.

1 John 3:3

Dǫ hazǫǫ̀ eyı hagode ha gıgha ehkw'ı-ahodıı sìı degaı k'ę̀ę̀ edek'ègedì ha hǫt'e, Zezì-Krı dànì degaı elı̨ k'ę̀ę̀.

1 John 4:1

Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı.