Phılıppı 4:6 - Nǫ̀htsı̨ Nı̨htł'è

⁶ T'asìı wı̨ı̨zìı ghǫ nànıahdè-le, hanìkò Nǫ̀htsı̨ ts'ǫ̀ yaahtı, t'asìı hazǫǫ̀ naxıgha whìle sìı weahkè, eyıts'ǫ masì wèahdı.

Phılıppı 4:6 ပူးပေါင်းရင်းမြစ်များ

Matthew 10:19

Danaxegıachì gà naxıghǫ nàyaetı nı̨dè, dànì edek'edaahdı ha eyıts'ǫ ayìı dàahdı ha sìı weghǫ nànıahdè-le. Ekìıyeè k'e nı̨dè ayìı dàahdı ha sìı wek'èahsǫ ha hǫt'e.

Matthew 13:22

Dǫ mǫ̀hdaa sìı wet'à t'asìı dehshee ı̨chį̀ghoò ta nàı̨tł'ı lagı̨ı̨t'e. Godı gıìkw'o hanìkò t'asìı łǫ ghǫ nànıgedè eyıts'ǫ sǫǫ̀mba łǫ gı̨ı̨wǫ t'à edeghǫyageeɂà lanì geeda. Eyıt'à yatı nezı̨ı̨ wedıhogehtsı̨ xè t'asìı nezı̨ı̨ wı̨ı̨zìı xàhogehwhı-le.

Matthew 6:34

Eyıt'à satsǫ ghǫ nànıahdè-le, satsǫ wedawheɂǫǫ̀ aahłe. Dzę taàt'eè hoìla łǫ gogha whela hǫt'e.

Matthew 6:8

Gıxèahɂı̨-le. Nǫ̀htsı̨ Naxıtà t'asìı weahkè kwe ayìı dahwhǫǫ sìı yek'èezǫ hǫt'e.

Luke 10:41

Zezì yets'ǫ̀ hadı, “Martha, Martha, t'asìı łǫ ghǫ nànınewo t'à negha gots'eèdı,

Luke 12:22

Eyıts'ǫ Zezì edecheekeè ts'ǫ̀ hadı, “Eyıt'à ayìı t'à aahda ha, ayìı ghǫ shèahzhe ha, eyıts'ǫ ayìı goht'ǫǫ̀ t'à-aaht'ı̨ ha sìı ghǫ nànıahdè-le.

Luke 12:29

Ayìı ghǫ shèahzhe ha, ayìı aahts'è ha, eyı hanıı ghǫ nànıahdè-le.

Luke 18:1

Zezì godı t'à edecheekeè hoghàgoehtǫ, hadı, “T'aats'ǫǫ̀ yaahtı ghǫ naaht'è-le.

Luke 18:7

Dǫ-sınìyaehtıı-dǫǫ̀ wejıı sìı hanì ehkw'ı eghàlaeda nı̨dè Nǫ̀htsı̨ dǫ edegha nàwhehtsı̨ı̨ sìı asį̀į̀ gogha denahk'e ehkw'ı eghàlaeda ha dahwhǫ? Dzęę̀, toò Nǫ̀htsı̨ ts'ǫ̀ nàdageetì nı̨dè whaà nageèhɂı̨į̀ agǫ̀ǫ̀hwhǫ ha nì?

1 Corınth 7:21

Nǫ̀htsı̨ naxıkayaı̨htı ekò dǫ naxıts'ǫ̀ k'àowo ı̨lè nı̨dè, wet'à naxıgha gots'eèdı welè-le, hanìkò edets'ǫ̀ k'aehwho ha naxıgha hòɂǫ nı̨dè haahde.

1 Corınth 7:32

Eyıt'à t'asìı wı̨ı̨zìı ghǫ nànıahdè ha dehwhǫ-le. Dǫzhìı hǫet'ı̨-le sìı Nǫ̀htsı̨ wenàowoò zǫ ghǫ nànıwo hǫt'e. Dànì Nǫ̀htsı̨ wınà hohtsı̨ ha sìı yedaànıwo hǫt'e.

2 Corınth 1:11

Naxı̨ xàyaahtı t'à gots'àahdı ha hǫt'e. Hanì-ı̨dè dǫ łǫ goghǫ Nǫ̀htsı̨ ts'ǫ̀ masì gı̨ı̨wǫ ha, gots'ǫ̀ wedzeè sǫnıwǫ t'à.

Ephesus 5:20

T'aats'ǫǫ̀ Zezì-Krı wıızì t'à Nǫ̀htsı̨-Gotà t'asìı hazǫǫ̀ gha masì weahwhǫ.

Ephesus 6:18

Eyıts'ǫ Yedàyeh Nezı̨ı̨ naxıts'àdı t'à t'asìı hazǫǫ̀ xàɂaa gha yaahtı eyıts'ǫ naxıts'àdı ha weahkè. Eyıt'à hotıì kexoahdı eyıts'ǫ t'aats'ǫǫ̀ Nǫ̀htsı̨ wets'ǫ dǫ hazǫǫ̀ gha yaahtı.

Colosse 3:15

Zezì-Krı wexè ts'èwhı̨į̀ hòɂǫǫ sìı wek'ę̀ę̀ aahda welì. Zezì-Krı wezhį̀į̀ aahłı̨ı̨ sìı ts'èwhı̨į̀ aahda ha naxììchì, eyı weghǫ Nǫ̀htsı̨ ts'ǫ̀ masì dahwhǫ.

Colosse 3:17

Ayìı dàahdıı, eyıts'ǫ ayìı ghàlaahdaa sìı hazǫǫ̀ gots'ǫ̀ K'àowo Zezì wedahxà aaht'ı̨. Eyıts'ǫ Zezì wıızì t'à Nǫ̀htsı̨-Gotà masì wèahdı.

Colosse 4:2

T'aats'ǫǫ̀ yaahtı gha nìhoahɂà, kexoahdı xè masì dahwhǫ.

1 Tımothy 2:1

Eyıt'à t'akwełǫ̀ǫ̀ dǫ hazǫǫ̀ gha hòtł'ò yaahtı: gıgha Nǫ̀htsı̨ weahkè, gıgha nàdaahtì, eyıts'ǫ gıgha masì dahdı.

1 Tımothy 5:5

Ts'èko gıdǫǫ̀ ełaı̨dèe, sıì etegeèt'ı̨ı̨ xè dǫ wı̨ı̨zìı gok'èdì-le sìı hotıì Nǫ̀htsı̨ ghǫ hòtł'ò agı̨ı̨wǫ ha hǫt'e. Nǫ̀htsı̨ gots'àdı gha toò, dzęę̀ ehk'ę̀ę̀ t'aats'ǫǫ̀ Nǫ̀htsı̨ ts'ǫ̀ yagehtı welì.

1 Peter 4:7

T'asìı hazǫǫ̀ welǫ agode ha nìhǫǫwo. Eyıt'à naxınì ehkw'ıì aahłe eyıts'ǫ nàowołı̨ı̨ ch'à edek'èahdì, hanì-ı̨dè nezı̨į̀ yaahtı ha dìì-le.

1 Peter 5:7

Naxıghǫneètǫ ne t'à t'asìı hazǫǫ̀ ghǫ nànıahdèe sìı weghàahłe.