Phılıppı 4:4 - Nǫ̀htsı̨ Nı̨htł'è

⁴ Gots'ǫ̀ K'àowo wexè t'aats'ǫǫ̀ naxınà welè. K'achı̨ hanaxèehsı̨ ha: Naxınà welè!

Phılıppı 4:4 ပူးပေါင်းရင်းမြစ်များ

Matthew 5:12

Dànì aahda k'èxa yak'e t'asìı nezı̨ı̨ edegha daahnǫǫ sìı naxıdawheɂǫ t'à sıì naxınà hǫt'e. Eyı xèht'eè gıcho nakwenàoɂǫǫ dagogį̀ı̨hɂa ı̨lè.

Zezì Wecheekeèdeè 16:25

Totanı ekìıyeè k'e Paul eyıts'ǫ Sılas yagehtı xè Nǫ̀htsı̨ ts'ǫ̀ gejı̨, dǫ eyıì-le gıdanìı̨laa sìı gogeèhkw'ǫ.

Zezì Wecheekeèdeè 5:41

Zezì wecheekeèdeè Israel got'ı̨į̀ gha k'aodèe gots'ǫǫ̀ nageèhde. Zezì gha dagı̨ı̨ɂaà agììdlà t'à sıì gınà xè masì gı̨ı̨wǫ.

Rome 12:12

Įdaà naxıxè sìghà hòɂǫ ha t'à naxınà welè, naxıgha hoìla nı̨dè wexè ts'èwhı̨į̀ aahda eyıts'ǫ t'aats'ǫǫ̀ yaahtı.

2 Corınth 6:10

dats'ı̨ı̨ɂà hanìkò t'aats'ǫǫ̀ sìts'eèt'ı̨; etets'eèt'ı̨ hanìkò dǫ łǫ ahxeè lagets'į̀į̀là; t'asìı wı̨ı̨zìı gots'ǫ-le hanìkò t'asìı hazǫǫ̀ gots'ǫ hǫt'e. Eyı hazǫǫ̀ weghàà xàè Nǫ̀htsı̨ wecheekeè ats'ı̨ı̨t'ee sìı dǫ gık'èezǫ ha.

Galatıa 1:8

Gota ts'ǫ dǫ ı̨łè kò, hanì-le-ı̨dè yak'e gots'ǫ yak'eet'ı̨į̀ kò eyı godı nezı̨ı̨ t'à naxıts'ǫ̀ gots'ı̨ı̨dee sìı wenǫ̀ǫ̀ godı eyıì-le t'à naxıts'ǫ̀ gode nı̨dè welǫ whìle ts'ǫ̀ wexè hoìla welè!

Phılıppı 2:18

Naxı̨ sı sexè naxınà welè.

Phılıppı 3:1

Sèot'ı̨ı̨, hòt'a gots'ǫ̀ K'àowo wets'ıhɂǫ̀ naxınà welè! Įdì dànaxèehsı̨ ı̨lèe sìı wet'à k'achı̨ naxıts'ǫ̀ naehtł'è ha sìı segha t'asanìle, hotıì wek'èahsǫ ha naxıgha wet'àaɂà hǫt'e.

1 Peter 4:13

Hanìkò Zezì-Krı wexè daahɂaa sìı ghǫ naxınà welè, hanì-ı̨dè Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sıì naxınà ha hǫt'e.