Phılıppı 3:2 - Nǫ̀htsı̨ Nı̨htł'è

² Dǫ, tłı̨ wets'àhoejı̨ı̨ lagı̨ı̨t'ee sìı gıxoahdı. Hanıı dǫ sìı hołı̨ı̨ hogehtsı̨ eyıts'ǫ dǫkwǫ̀ tàgeehwhe ha gı̨ı̨wǫ.

Phılıppı 3:2 ပူးပေါင်းရင်းမြစ်များ

Matthew 24:10

Ekìıyeè k'e dǫ łǫ gıgha ehkw'ı-ahodı-le agode ha, eyıts'ǫ k'aodèe ghàłegìle ha eyı xè ełedzagı̨ı̨hwhǫ ha hǫt'e.

Matthew 7:15

“Nakwenàoɂǫǫ ehkw'ı gogede-le sìı gıxoahdı. Sahzǫ̀ą nezı̨ı̨ degeetsı̨, hanìkò dìga wets'àhoejı̨ı̨ lagı̨ı̨t'e.

Matthew 7:6

“Łèt'è degaı sìı tłı̨ ghàahdı-le. Whǫǫ̀zaa dètìı sìı gogòò ts'ǫ̀ aahdè-le. Haahłà nı̨dè tłı̨ naxıdzıìgeɂà ha eyıts'ǫ gogòò whǫǫ̀zaa tàtsǫgeèhɂe ha.

Rome 2:28

Dǫ Moses wenàowoò k'ę̀ę̀ wekwǫ̀ nàt'à zǫ t'à Israel got'ı̨į̀ wedeèdlı̨ı̨ elı̨ nıìle, eyıts'ǫ hanì gokwǫ̀ nàt'à nı̨dè gozhį̀į̀ zǫ gha nıìle.

2 Corınth 11:13

Hanıı dǫ sìı ehkw'ı dǫ hoghàgogeehtǫ nıìle, eghǫyageeɂàa-dǫǫ̀ agı̨ı̨t'e, Zezì-Krı wecheekeèdeè edegeetsı̨ hǫt'e.

Galatıa 5:13

Sèot'ı̨ı̨, nàowo hanıı naxıts'ǫ̀ k'àowo ha-le gha Nǫ̀htsı̨ naxıkayaı̨htı hǫt'e. Hòt'a eyı nàowo tł'a dahkw'e-le aahjà t'à naxınìłı̨ı̨ k'ę̀ę̀ aahdaà adeahłe-le. Į̀le, ełeghǫnıahtǫ xè ełets'àahdı k'ę̀ę̀ aahda.

Galatıa 5:15

K'èdaà ełek'èch'a goahde xè ełets'ǫ̀ yıdaaht'e nı̨dè ełedıhoahtsı̨ ha hǫt'e.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

1 Tımothy 1:19

eyıts'ǫ nınì nezı̨ı̨ xè negha ehkw'ı-ahodı k'ę̀ę̀ ı̨da ha. Dǫ mǫ̀hdaa hanì geeda-le agejà t'à Zezì gıgha ehkw'ı-ahodı-le agejà. Elà kwe k'e wetaı̨tł'ıı lagı̨ı̨t'e.

Tıtus 1:16

Nǫ̀htsı̨ k'èts'eezǫ gedı hanìkò dànì k'ehogeɂa ghàà gık'èezǫ-le hǫt'e. Sıì negezı̨-le, ek'èagı̨ı̨t'e-le, eyıt'à t'asìı nezı̨ı̨ hogehtsı̨ ha dìì.

2 Peter 2:22

Dıı hats'edıı sìı gıghǫ ehkw'ı xàyaı̨tı hǫt'e: “Tłı̨ ayìı naxaèhkoo sìı k'achı̨ yets'ǫ̀ anajà,” dek'eèhtł'è, eyıts'ǫ “Gogòò wek'enaatsoò adlàa sìı k'achı̨ ehtł'èk'ò ta k'edeɂà anajà,” dek'eèhtł'è.

Jude 1:4

Dǫ mǫ̀hdaa ekǫ-le dǫ hoghàgogeehtǫǫ sìı naxınaàhtǫ naxıta gı̨ı̨de hǫt'e. Hanıı dǫ sìı gısınìyaetı ha whaà gots'ǫ hanì dek'eèhtł'è hǫt'e. Dǫ hanıı Nǫ̀htsı̨ gıgha wedę sìı Nǫ̀htsı̨ wesǫnıwǫ eładı̨į̀ dǫ hoghàgogeehtǫ, hagedı, “Nǫ̀htsı̨ wedzeè sǫnıwǫ t'à hołı̨ı̨ k'ę̀ę̀ eghàlats'eeda kò wegha t'asanìle,” gedı. Hagedı t'à Zezì-Krı ededı̨ zǫ Gots'ǫ̀ K'àowodeè t'asìı wegha dìì-le elı̨ı̨ sìı wedę welè gedı.

John Wenazhıı 2:9

Dànì naxıxè hoìla xè eteaht'ı̨ı̨ sìı naxık'èehsǫ, hanìkò dǫ ahxee aahłı̨ hǫt'e! Dǫ xàè Israel got'ı̨į̀ ats'ı̨ı̨t'e gedıı sìı naxıızì jıı gehtsı̨ wek'èehsǫ. Hanìkò xàè Israel got'ı̨į̀ agı̨ı̨t'e nıìle, wehłı̨ı̨ wecheekeè agı̨ı̨t'e.

John Wenazhıı 21:8

Hanìkò dǫ gınì nàtso-le sìı, dǫ ehkw'ı-ahodı gı̨ı̨wǫ-le sìı, dǫjıı, dǫ ełaàgehdee dǫǫ̀, hołı̨ı̨ k'alagedèe dǫǫ̀, ı̨k'ǫǫ̀ gı̨ı̨lı̨ı̨, kwe t'à nǫ̀htsı̨ą hòèlı̨ı̨ ts'ǫ̀ yagehtıı, eyıts'ǫ hots'ìı-dǫǫ̀, hazǫǫ̀ kwe dèk'ǫ̀ǫ whehtǫǫ weta ts'ǫ̀ agedle ha. Nàekeè t'à ełaàgede ha,” sets'ǫ̀ hadı.

John Wenazhıı 22:15

Hanìkò hołı̨ı̨-dǫǫ̀ mǫ̀ht'a geèhkw'e ha, ı̨k'ǫǫ̀-gı̨ı̨lı̨ı̨-dǫǫ̀, hołı̨ı̨ k'ę̀ę̀ dǫ k'alagedèe dǫǫ̀, dǫ ełaàgehdee dǫǫ̀, nǫ̀htsı̨ą hòèlı̨ı̨ ts'ǫ̀ yagehtıı dǫǫ̀, eyıts'ǫ hogets'ìı ghageewıı dǫǫ̀, hazǫǫ̀ mǫ̀ht'a geèhkw'e ha.

John Wenazhıı 3:9

Eyı dǫ wehłı̨ı̨ wecheekeè agı̨ı̨t'ee sìı naxınadąą̀ nàgògehgè agehłe ha. Naxıghǫneehtǫ hǫt'e gık'èezǫǫ̀ agehłe ha. Israel got'ı̨į̀ agı̨ı̨t'e-le kò xàè ‘Israel got'ı̨į̀ ats'ı̨ı̨t'e’ gedı t'à hogets'ìı-dǫǫ̀ agı̨ı̨t'e.