Phılıppı 3:18 - Nǫ̀htsı̨ Nı̨htł'è

¹⁸ Dǫ łǫ Zezì wedechı̨et'aà ts'ǫ̀ xànıgı̨ı̨ɂa k'ę̀ę̀ geeda hǫt'e. Įnę̀ę gotłǫǫ̀ eyı hanaxèehsı̨ ı̨lè, dıì k'achı̨ senatì xè naxıts'ǫ̀ haehsı̨.

Phılıppı 3:18 ပူးပေါင်းရင်းမြစ်များ

Luke 19:41

Zezì Jerusalem ts'ǫ̀ gǫǫwà-lea naetłe ekò, kǫ̀godeè goaɂı̨ t'à yeghǫ ı̨tsè. Kǫ̀ gòlaa ts'ǫ̀ hadıì gode,

Zezì Wecheekeèdeè 20:19

Israel got'ı̨į̀ segha hoìla hogehtsı̨ t'à sıì segį̀ı̨hdzà hǫt'e, hanìkò k'èeweèt'ı̨ı̨ laht'e eyıts'ǫ senatì łǫ xè gots'ǫ̀ K'àowo wegha hòtł'ò eghàlaıhdà hǫt'e.

Rome 9:2

Israel got'ı̨į̀ gıghǫ sıì segha dìì, eyıt'à sedzeè nànııtì.

1 Corınth 1:18

Dǫ gıdıhołè ha sìı dechı̨et'aa wegodıì t'à gots'ede nı̨dè, gıgha ezhı̨ne k'ę̀ę̀ gots'ede lanì, hanìkò goxı̨ edaxàts'ı̨ı̨dee sìı gogha Nǫ̀htsı̨ wets'ǫ t'asìı nàtsoo hǫt'e.

1 Corınth 6:9

Dǫ wejıı sìı Nǫ̀htsı̨ Wenàowoò k'ę̀ę̀ hòɂǫǫ sìı gıghàhòt'à ha nıìle wek'èahsǫ-le nì? Edeghǫyaahɂà sǫ̀ǫ̀. Dǫ edezhį̀į̀ t'à hołı̨ı̨ k'alagedèe, dǫ nǫ̀htsı̨ą hòèlı̨ı̨ ts'ǫ̀ yagehtıı, dǫ ełexè hołı̨ı̨ hogehtsı̨ı̨, sǫǫ̀mba k'èxa dǫzhìı et'ıì ełexè aget'ı̨ı̨, eyıts'ǫ dǫzhìı hołı̨ı̨ k'ę̀ę̀ ełek'alagedèe,

2 Corınth 11:13

Hanıı dǫ sìı ehkw'ı dǫ hoghàgogeehtǫ nıìle, eghǫyageeɂàa-dǫǫ̀ agı̨ı̨t'e, Zezì-Krı wecheekeèdeè edegeetsı̨ hǫt'e.

2 Corınth 11:29

Dǫ nàtso-le nı̨dè sı̨ sı wexè nàhtso-le hǫt'e. Dǫ hołı̨ı̨ hòèhtsı̨į̀ adlà nı̨dè sıì segha hoìla hǫt'e.

2 Corınth 2:4

Sıì ts'ǫǫ̀dehwhǫ xè sedzeè etse eyıts'ǫ senatì łǫ xàı̨tł'ı t'à hanì naxıts'ǫ̀ ııtł'è hǫt'e. Naxıdzeè nànııtì anaxehłe ha dehwhǫ-le, hanìkò sıì naxıghǫneehtǫ hǫt'e wek'èahsǫ ha dehwhǫ.

Galatıa 1:7

Eyı xàè godı nezı̨ı̨ hǫt'e nıìle. Hoɂıì dǫ mǫ̀hdaa naxıxè hok'èedzǫ-le nèhogį̀ı̨ɂǫ, eyıts'ǫ Zezì-Krı wegodıì nezı̨ı̨ eładı̨į̀ agele ha hogeèhdzà.

Galatıa 2:14

Godı nezı̨ı̨ wek'ę̀ę̀ ehkw'ı eghàlageeda-le wek'èhoèhzà ekò dǫ hazǫǫ̀ gınadąą̀ Peter ts'ǫ̀ dıı haehsı̨, “Nı̨ Israel got'ı̨į̀ aąt'e kò dǫ Israel got'ı̨į̀ agı̨ı̨t'e-le lanì ı̨da, Israel got'ı̨į̀ k'ę̀ę̀ ı̨da-le. Eyıt'à dànìghǫ dǫ Israel got'ı̨į̀ agı̨ı̨t'e-le sìı Israel got'ı̨į̀ gınàowoò k'ę̀ę̀ aget'ı̨į̀ agı̨ı̨hɂı̨?

Galatıa 2:21

Nǫ̀htsı̨ wesǫnıwǫǫ sìı wedę ahłe ha dehwhǫ-le. Moses wenàowoò k'èats'ı̨ı̨t'e t'à ehkw'ıì ats'ede ha dìì-le nı̨dè Zezì-Krı k'ètł'ǫ̀ ełaı̨wo hǫt'e!”

Galatıa 5:21

dǫ ayìı gıts'ǫ sìı wets'ı̨ı̨wǫǫ; jìetì ts'eedèe, deɂǫ̀ǫ̀ gogha sìgoèt'ı̨ t'à ts'ıɂǫ̀-hots'eeɂà. Eyı hazǫǫ̀ gonìłı̨ı̨ k'ę̀ę̀ ats'et'ı̨ hǫt'e. Hanì aahda-le naxèehsı̨ ı̨lè k'achı̨ hanaxèehsı̨ ha: Dǫ hanì geedaa sìı Nǫ̀htsı̨ wenàowoò k'ę̀ę̀ hòɂǫǫ sìı goyageedè ha nıìle.

Galatıa 6:12

Dǫ daà nezı̨į̀ gògaat'ı̨ ha gı̨ı̨wǫǫ sìı Moses wenàowoò k'ę̀ę̀ naxıkwǫ̀ nàt'à anaxegele ha hogeèhdzà hǫt'e. Zezì-Krı dechı̨et'aa k'e gogha ełaı̨wo ghǫ gogede k'èxa dǫ dagòı̨hɂa ha gı̨ı̨wǫ-le t'à aget'ı̨.

Galatıa 6:14

Sı̨ segha sìı t'asìı wı̨ı̨zìı ghǫ xàdahohdì ha dehwhǫ-le. Gots'ǫ̀ K'àowo Zezì-Krı dechı̨et'aa k'e gogha ełaı̨wo eyı zǫ ghǫ xàdahohdì ha dehwhǫ. Ededı̨ wet'ǫ̀ǫ̀ dıı nèk'e t'asìı hazǫǫ̀ segha ełaı̨dèe lajà, eyıts'ǫ sı̨ sı dıı nèk'e t'asìı hazǫǫ̀ ts'ǫ̀ ełaı̨hwho lahjà hǫt'e.

Ephesus 4:17

Eyıt'à gots'ǫ̀ K'àowo wedahxà yatı nàtsoo t'à dıı hanaxèehsı̨: Dǫ Nǫ̀htsı̨ k'ègeezǫ-le sìı k'achı̨ gık'ę̀ę̀ aahda-le, gınìłı̨ı̨ k'ę̀ę̀ geeda ne t'à.

Phılıppı 1:4

Naxıgha yahtı taàt'eè sınà xè yahtı.

1 Thessalonıca 4:6

Eyıt'à dǫ wı̨ı̨zìı edèot'ı̨ ts'ǫ̀ ekǫ-le eghàlaeda ha nıìle eyıts'ǫ hołı̨ı̨ k'ę̀ę̀ edèot'ı̨ k'alawo ha nıìle. Hòt'a hanaxèts'edı ı̨lè, dǫ hanì nàowojıı ghàlaedaa sìı gots'ǫ̀ K'àowo nàyeehkwa ha hǫt'e.

2 Thessalonıca 3:11

Naxıta dǫ mǫ̀hdaa gots'egeedìı xè edets'àgedı ha gı̨ı̨wǫ-le, eyıts'ǫ dǫ gıìdı-le sìı ghǫ gogede, weghǫ ets'ıìkw'o hǫt'e.

2 Peter 2:10

Dǫ edınìłı̨ı̨ k'ę̀ę̀ geeda xè gıts'ǫ̀ k'aodèe nègelı̨-le sìı hotıì gıxè hagode ha. Hanıı dǫ sìı gıkwì nàtso xè xàhogedì t'à, yat'a ı̨nì nàtsoo k'adageedè gha edègeejı̨-le.

Jude 1:13

Tıcho k'e taatı̨į̀ k'etaetı̨ xè wegoghoò łǫ wègoèht'į̀ lanì hołı̨ı̨ łǫ hogehtsı̨. Yat'a whǫ̀ ts'ıɂǫ̀-èdee lagı̨ı̨t'e, welǫ whìle ts'ǫ̀ denahk'e togoòtł'òo gòɂǫǫ sìı gıdawheɂǫ hǫt'e.