Phılıppı 3:11 - Nǫ̀htsı̨ Nı̨htł'è

¹¹ hanì-ı̨dè sı̨ sı naìhdà asedle ha.

Phılıppı 3:11 ပူးပေါင်းရင်းမြစ်များ

Luke 14:14

Hanejà nı̨dè nexè sìghà agode ha. Ek'èt'à neghǫ̀geedì ha dìì kò nǫǫde dzęę̀ k'e dǫ ehkw'ı geedaa sìı nagìdà nı̨dè ek'èt'à nets'àɂeedì ha hǫt'e,” Zezì yèhdı.

John 11:24

Martha hadı, “Hęɂę, nǫǫde dzęę̀ k'e nı̨dè naìdà ha, wek'èehsǫ,” yèhdı.

Zezì Wecheekeèdeè 23:6

Paul, dǫ mǫ̀hdaa eyı geèhkw'ee sìı Sadducee agı̨ı̨t'e, eyıts'ǫ mǫ̀hdaa Pharısee agı̨ı̨t'e gok'èezǫ. Eyıt'à k'aodèe gots'ǫ̀ hadı, “Sèot'ı̨ı̨, sı̨ sìı Pharısee aht'e, eyıts'ǫ setà ededı̨ sı Pharısee elı̨ ı̨lè. Dǫ naìdà ha sìı segha ehkw'ı-ahodı t'à jǫ seghǫnàyaetì hǫt'e,” gòhdı.

Zezì Wecheekeèdeè 26:7

Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı Nǫ̀htsı̨ edeyatıì k'ę̀ę̀ hòɂǫǫ̀ ayele ha sìı gıgha ehkw'ı-ahodı t'à, dzę eyıts'ǫ to Nǫ̀htsı̨ gha hòtł'ò eghàlageeda. K'àowocho Agrıppa, sı̨ sı Nǫ̀htsı̨ dànì edeyatıì k'ę̀ę̀ hòɂǫǫ̀ ayele ha sìı segha ehkw'ı-ahodı t'à Israel got'ı̨į̀ sek'èch'a gogede.

Zezì Wecheekeèdeè 27:12

Eyı kǫ̀ta sìı goxè xo hoowı ha nezı̨-le gedı t'à dǫ deɂǫ̀atłǫ ı̨daà nats'ııɂè gedı. Kǫ̀ta Phoenıx ts'ǫ̀ nèts'ııɂè gı̨ı̨wǫ, ekǫ goxè xo hoowı ha gı̨ı̨wǫ. Eyı kǫ̀ta dı Crete wìyeh k'e gòɂǫǫ sìı dą̀ą ts'ǫnèe naɂa.

Rome 11:14

Naxıgha eghàlaehda t'à edahxǫ xàè sèot'ı̨ naxıghǫ ts'ohogeedıì ageehłe ha dehwhǫ, hanì-ı̨dè mǫ̀hdaa edaxàgeedaà ageehłe ha welì.

1 Corınth 15:23

Hanìkò nàke ts'ǫ̀ ełek'èdaà hòɂǫ agode ha: Zezì-Krı t'akwełǫ̀ǫ̀ naìdà hǫt'e, eyıts'ǫ jǫ ts'ǫ̀ anajà nı̨dè wets'ǫ dǫ gı̨ı̨lı̨ı̨ sìı hazǫǫ̀ nagìdà ha.

1 Corınth 9:22

Dǫ nàgetso-le sìı gıta aht'ı̨ nı̨dè gıxèht'eè nàhtso-le laht'e, hanì-ı̨dè edahxǫ Zezì gha geehnè ha welì. Dǫ hazǫǫ̀ xàɂaa gıxèwhıht'e ha dehwhǫ, hanì-ı̨dè edahxǫ gıta gots'ǫ dǫ mǫ̀hdaa edaxàgehłe ha welì.

1 Corınth 9:27

Į̀le, sezhį̀į̀ sek'èı̨t'e xè segha eghàlaedaà ahɂı̨. Hanì-ı̨dè godı nezı̨ı̨ t'à dǫ ts'ǫ̀ goıhde tł'axǫǫ̀ nı̨dè, t'asìı deè ts'eehnè gha sedę asedle ha nıìle.

2 Corınth 11:3

Hanìkò Eve gòocho yeghǫyaàɂǫ xèht'eè naxı̨ sı naxıghǫyaeɂà aweahłe ha sǫnı dehwhǫ t'à naxıghǫ dehjı̨. Naxıdzeè t'à Zezì-Krı ghàdeahtı̨ ı̨lèe sìı eyı ch'à naxınì ekǫ-le ayele ha sǫnı.

1 Thessalonıca 3:5

Eyı ts'ıhɂǫ̀ sıì naxıghǫ nànıhwho t'à, Tımothy naxıts'ǫ̀ wııhɂà hǫt'e. Ayìı naxıgha ehkw'ı-ahodıı sìı asį̀į̀ ı̨łaà wet'à nàahtso, wek'èehsǫ ha dehwhǫ t'à awèhłà. Edahxǫ t'asìı t'à wehłı̨ı̨ naxeèhdzà ha sǫnı dehwhǫ t'à, eyıts'ǫ dànì naxıgha hòtł'ò eghàlats'ı̨ı̨dàa sìı ekìı k'ètł'ǫ̀ ade ha sǫnı dehwhǫ t'à sıì naxıghǫ nànıhwho ı̨lè.

2 Thessalonıca 2:3

T'asìı wı̨ı̨zìı t'à dǫ wı̨ı̨zìı naxıghǫyagııɂà sǫ̀ǫ̀. Dǫ łǫ Nǫ̀htsı̨ k'èch'a hogehtsı̨ gots'ǫ̀, eyıts'ǫ dǫ wejıı Nǫ̀htsı̨ k'èch'a hohtsı̨ı̨ sìı wek'èhoedzǫǫ̀ ade gots'ǫ̀, eyı dzęę̀ nèhòkw'ı ha nıìle. Eyı dǫ wejıı sìı wedıhołè awedle ha hǫt'e.

2 Tımothy 4:8

Ehkw'ı gha sııtà xè hoehnǫ ts'ıhɂǫ̀ t'asìı sǫǫ̀mbaekwo t'à hòèlı̨ı̨ nǫǫde dzęę̀ k'e seghǫ̀t'à ha. Gots'ǫ̀ K'àowo ededı̨ zǫ ehkw'ı dǫ sınìyaehtı hǫt'e eyıts'ǫ ayìı dehnǫǫ sìı seghàyııɂà ha. Sı̨ zǫ hasele ha nıìle, hanìkò dǫ hazǫǫ̀ wègoèht'į̀ gha kànegı̨ı̨ɂaa sìı ededı̨ sı hagole ha hǫt'e.

Hebrew 11:35

Eyı xèht'eè ts'èko weza ełaı̨dèe sìı nagìdà agììdlà. Dǫ mǫ̀hdaa gıweè ts'ǫ̀ gıkwǫ̀ǫyaà-gogehɂı̨, hanìkò denahk'e hoı̨zı̨ ts'ǫ̀ nagìdà ha gı̨ı̨wǫ t'à, hanì dagı̨ı̨ɂaa sìı ch'à agede ha gı̨ı̨wǫ-le.

John Wenazhıı 20:5

(Dǫ eyıì-le ełaı̨dèe sìı ı̨łè-lemì xo wek'ehowı gots'ǫ̀ nagìdà-le.) Eyı sìı t'akwełǫ̀ǫ̀ dǫ nagìdà agı̨ı̨t'e.