Phılıppı 2:9 - Nǫ̀htsı̨ Nı̨htł'è

⁹ Eyıt'à Nǫ̀htsı̨-Gotà t'asìı hazǫǫ̀ nahk'e k'àowo yèhtsı̨ xè dǫ hazǫǫ̀ gıızì nahk'e wıızì wet'àaɂà yeghàı̨ɂǫ.

Phılıppı 2:9 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

Matthew 28:18

Zezì gogà nììtła xè gots'ǫ̀ hadı, “Įdòo yak'e eyıts'ǫ dıı nèk'e t'asìı hazǫǫ̀ ts'ǫ̀ k'àowo ehłı̨ ha seghàhòt'ǫ hǫt'e.

Luke 10:22

“Setà t'asìı hazǫǫ̀ setł'aà whelaà ayį̀į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza dǫ gòį̀hchìı sìı Nǫ̀htsı̨-Gotà k'ègeezǫǫ̀ agohɂı̨,” Zezì hadı.

John 13:3

Zezì, Wetà t'asìı hazǫǫ̀ ts'ǫ̀ k'àowo ayį̀į̀là, yek'èezǫ. Nǫ̀htsı̨ gots'ǫ at'ı̨ eyıts'ǫ Nǫ̀htsı̨ ts'ǫ̀ anade ha edek'èezǫ.

John 17:11

Hòt'a dıı nèk'e aht'e ha-le, nets'ǫ̀ anahde ha, hanìkò secheekeè ı̨łaà dıı nèk'e agı̨ı̨t'e. Setà Degaı, nıızì dahxà gıxonehdı; nıızì wedahxà eghàlaehdaà asèneelàa sìı t'à gıxonehdı. Hanì-ı̨dè ededı̨ sìı dǫ ı̨łè zǫ lagı̨ı̨t'e ha, goxı̨ ı̨łè lawììt'e lanì.

John 17:12

Įłaà gıxè aht'e ekò nıızì dahxà gık'èhdì ı̨lè. Įłè kò seghǫ wedıhòłı̨-le. Įłè wedıhołè ha weghàhòt'ǫǫ sìı eyı zǫ wedıhołè ha. Hanì-ı̨dè ayìı dek'eèhtł'èe sìı wek'ę̀ę̀ agode ha.

John 17:5

Setà, dıı nèè hòèlı̨ kwe nexè seghàsǫhoedı ı̨lè xèht'eè nexè seghàsǫhoedı ası̨ı̨le.

Zezì Wecheekeèdeè 5:31

Nǫ̀htsı̨ ı̨dòo ts'ǫ̀ neyı̨į̀htı̨, edegà nàgòts'ehnèe whedaà ayį̀į̀là, gogha k'àowocho yèhtsı̨ eyıts'ǫ edaxàgole ha ayį̀į̀là. Eyıt'à Israel got'ı̨į̀ edek'egı̨ı̨lı̨ nı̨dè gıhołı̨į̀ goghǫ nahoele ha.

Ephesus 1:10

Ehkw'ı nèhòkw'o nı̨dè Nǫ̀htsı̨ eyı hazǫǫ̀ yeghàlaeda ha hǫt'e. Ekìıyeè k'e nı̨dè t'asìı hazǫǫ̀ yak'e whelaa eyıts'ǫ t'asìı hazǫǫ̀ dıı nèk'e whelaa sìı k'àowo ı̨łè wetł'aà whelaà ayele ha, eyı k'àowo sìı Zezì-Krı hǫt'e.

Colosse 1:18

Nǫ̀htsı̨ Weza sìı gokwì elı̨ lanì hǫt'e, Nǫ̀htsı̨ wecheekeè wezhį̀į̀ ı̨łè lagı̨ı̨t'e. Ededı̨ wexè t'asìı hazǫǫ̀ kèhoį̀wo, eyıts'ǫ dǫ naìdà gha sìı ededı̨ denahk'e elı̨, eyı ts'ıhɂǫ̀ t'asìı hazǫǫ̀ gha K'àowo elı̨ hǫt'e.

2 Thessalonıca 1:12

Hanì naxıgha yats'ehtı, hanì-ı̨dè gots'ǫ̀ K'àowo Zezì-Krı weghàsǫhoedıì aahłe ha, eyıts'ǫ naxı̨ sı wexè naxıghàsǫhodı ha. Nǫ̀htsı̨ eyıts'ǫ gots'ǫ̀ K'àowo Zezì-Krı naxıts'ǫ̀ sǫgı̨ı̨wǫ t'à naxıxè hagode gha yats'ehtı hǫt'e.

Hebrew 1:4

Eyıt'à Nǫ̀htsı̨ Weza sìı yak'eet'ı̨į̀ gonahk'e t'asìı deè whelı̨, eyıts'ǫ hazǫǫ̀ gıızì nahk'e Nǫ̀htsı̨ yıızì nechàa whehtsı̨.

Hebrew 1:9

Nàowo ehkw'ıı ghǫneę̀tǫ eyıts'ǫ nàowołı̨ı̨ dzanehwhǫ hǫt'e. Eyıt'à Nenǫ̀htsı̨ sìı neàgı̨ą gınahk'e K'àowodeè nelı̨ gha degaı tłeh nek'e ayį̀į̀là t'à nınà anį̀į̀là,” dek'eèhtł'è.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

Hebrew 2:9

Nǫ̀htsı̨ sìı Zezì whaà-lea gots'ǫ̀ yak'eet'ı̨į̀ k'aɂį̀ elı̨į̀ ayį̀į̀là ı̨lè. Hanìkò daı̨ɂà xè ełaı̨wo t'à, dıì sìı Nǫ̀htsı̨ enıìyah deè elı̨į̀ ayį̀į̀là, eyıts'ǫ weghàsǫhoedıì ayį̀į̀là hǫt'e. Nǫ̀htsı̨ wesǫnıwǫ t'à dǫ hazǫǫ̀ gha ełaı̨wo hǫt'e.

1 Peter 3:22

Zezì-Krı yak'e ts'ǫ̀ ajà xè Nǫ̀htsı̨ gà nàgòts'ehnèe wheda, eyıts'ǫ yak'eet'ı̨į̀ hazǫǫ̀ eyıts'ǫ k'aodèe gı̨ı̨lı̨ı̨ hazǫǫ̀ gık'į̀ı̨t'eè agììdlà.

2 Peter 1:17

Yak'e gots'ǫ Nǫ̀htsı̨-Gotà ededı̨ Zezì xè enıìyah hòɂǫ xè weghàsǫedıì ayį̀į̀là hǫt'e, yets'ǫ̀ dıı hadı t'à, “Dıı Seza hǫt'e, weghǫneehtǫ, eyıts'ǫ weghǫ sǫdehwhǫ hǫt'e,” yeghǫ hadı ı̨lè.

3 John 1:7

Zezì-Krı gha eghàlageeda t'à dǫ ta ts'ǫ̀ agejà hǫt'e, eyıts'ǫ dǫ Nǫ̀htsı̨ k'ègeezǫ-le sìı t'asìı wı̨ı̨zìı t'à gots'àgedı ha gogı̨ı̨hwhǫ-le.

John Wenazhıı 1:5

Eyıts'ǫ Zezì-Krı naxıxè sǫnıwǫ welè eyıts'ǫ naxıxè sìghà hòɂǫ welè. Ededı̨ sìı t'aats'ǫǫ̀ ehkw'ı gode hǫt'e. Ededı̨ t'akwełǫ̀ǫ̀ naìdàa elı̨ eyıts'ǫ dıı nèk'e k'àowocho hazǫǫ̀ gogha k'àowodeè elı̨ hǫt'e. Goghǫneètǫ ts'ıhɂǫ̀ wedoò xàı̨tł'ı t'à gohołı̨į̀ goghǫ nahoazhaà ayį̀į̀là hǫt'e.

John Wenazhıı 11:15

Yak'eet'ı̨į̀ łǫ̀hdı̨ t'à whedaa sìı edets'ǫ dechı̨shì yeèhdı ekò yak'e gots'ǫ hòtł'ò dıı hats'edıì hǫt'e, “Gots'ǫ̀ K'àowo eyıts'ǫ wets'ǫ Chrıst xè dıı nèk'e gogha k'àowo gı̨ı̨lı̨į̀ agejà eyıts'ǫ ededı̨ sìı welǫ whìle ts'ǫ̀ K'àowo elı̨ ha,” hats'edıì hǫt'e.

John Wenazhıı 19:16

Weɂeè nedèe k'e eyıts'ǫ wedzaà k'e wıızì dek'eèhtł'è: “K'àodèe ts'ǫ̀ K'àowo, k'àowocho hazǫǫ̀ gha K'àowocho,” dek'eèhtł'è.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.

John Wenazhıı 5:12

Hòtł'ò gejı̨, hagedı, “Sahzǫ̀ą ełaı̨wo ı̨lèe sìı nezı̨į̀ weghàhòt'ǫ hǫt'e! Ededı̨ sìı t'asìı hazǫǫ̀ gha K'àowocho welè, t'asìı hazǫǫ̀ weghǫ̀zhe welè, gǫǫzǫǫ̀ weghàhòt'à welè, nàtsoò awedle, eyıts'ǫ enıìyah xè weghàsǫts'eedı welè!” hagedıì gejı̨.