Phılıppı 2:8 - Nǫ̀htsı̨ Nı̨htł'è

⁸ Dǫ lanì wègoèht'į̀ xè k'èeweèt'ı̨ adììdlà ı̨lè, eyıts'ǫ ełaàwı ts'ǫ̀ Nǫ̀htsı̨ k'èı̨t'eè adììdlà; dechı̨et'aa k'e ełaı̨wı ha kò ı̨łaà Nǫ̀htsı̨ k'èı̨t'e ı̨lè.

Phılıppı 2:8 ပူးပေါင်းရင်းမြစ်များ

Matthew 17:2

Ekǫ gıdaà eładı̨į̀ wègoèht'į̀. Wınì sadeè lanì wek'e saı̨dı̨ eyıts'ǫ wegoht'ǫǫ̀ degoo xè wek'e saı̨de.

Matthew 26:39

Įdaà gǫǫwà-lea nììtła, dèè k'e nàgòı̨hgè xè hadıì yahtı, “Setà, dìì-le nı̨dè dıı t'asìı wet'à dàıhɂaa sìı sets'ǫǫ̀ anele. Hanìkò sınì k'ę̀ę̀ welè-le; nınì k'ę̀ę̀ welè,” Zezì hadıì yaı̨htı.

Matthew 26:42

Zezì k'achı̨ yahtı ha ekǫ naèhtła, hadıì yahtı, “Setà, dıı wet'à daıhɂa ha sìı wedę adle ha dìì nı̨dè, nınì k'ę̀ę̀ welè,” Zezì hadıì yaı̨htı.

Luke 9:29

Yahtı ekò wınì ładı̨į̀ wègoèht'į̀ eyıts'ǫ wegoht'ǫǫ̀ degoo xè sıì wek'e saı̨dı̨.

John 10:18

Dǫ wı̨ı̨zìı ełaehwhıì asele ha dìì, sı̨ sınì k'ę̀ę̀ ełaehwhı ha hǫt'e. Ełaehwhı ha eyıts'ǫ naìhdà ha sı̨ sets'ǫ̀ hoèlı̨ hǫt'e. Setà hanì seghàhòı̨ɂǫ hǫt'e,” Zezì gòhdı.

John 14:31

hanìkò Setà weghǫneehtǫ eyıts'ǫ hotıì weyatıì k'ę̀ę̀ eghàlaehdaa sìı dıı nèk'e dǫ hazǫǫ̀ gınıedì agede ha hǫt'e,” hadı tł'axǫǫ̀, “Hot'eè nats'ııdè,” edecheekeè gòhdı.

John 15:10

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

John 4:34

Zezì gots'ǫ̀ hadı, “Amìı jǫ ts'ǫ̀ sı̨ı̨hɂàa sìı wek'èaht'e ha hǫt'e eyıts'ǫ la seghàı̨ɂǫǫ sìı weghǫ naht'è ha hǫt'e. Eyı sedıì hǫt'e.

Zezì Wecheekeèdeè 8:33

Sıì tsį̀gį̀ı̨hɂa eyıts'ǫ ehkw'ı gısınìyaı̨htı-le. Dıı nèk'e ełaàwìgwo t'à, wets'ıhɂǫ̀ǫ-dǫǫ̀ gǫ̀hłı̨-le,” hanì dek'eèhtł'è.

Rome 5:19

Dǫ ı̨łè Nǫ̀htsı̨ k'èaı̨t'è-le ts'ıhɂǫ̀ dǫ łǫ hołı̨ı̨-hogehtsı̨ı̨-dǫǫ̀ gı̨ı̨lı̨ı̨ agììdlà, eyıts'ǫ eyı lanì dǫ ı̨łè Nǫ̀htsı̨ k'èaı̨t'è ts'ıhɂǫ̀ dǫ łǫ ehkw'ıì agedle ha.

2 Corınth 8:9

Gots'ǫ̀ K'àowo Zezì-Krı gots'ǫ̀ sǫnıwǫǫ sìı wek'èahsǫ hǫt'e. Ededı̨ sìı ahxe elı̨ ı̨lè hanìkò naxıgha eteèt'ı̨į̀ adììdlà hǫt'e. Eteèt'ı̨į̀ adììdlà t'à naxıxè ahxe hòɂǫ agode ha.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

Hebrew 12:4

Hołı̨ı̨ nàowoò ch'à nàhǫhoahdè kò ı̨łaà naxıdoò xàı̨tł'ı ts'ǫ̀ aahjà nıìle.

1 Peter 2:24

Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,