Phılıppı 2:29 - Nǫ̀htsı̨ Nı̨htł'è

²⁹ Gots'ǫ̀ K'àowo wedahxà nezı̨į̀ wets'ǫ̀ naahɂa eyıts'ǫ weghǫ sıì naxınà welè. Hanıı dǫ sìı sıì dǫ wèaht'ı̨ ha hǫt'e.

Phılıppı 2:29 ပူးပေါင်းရင်းမြစ်များ

Luke 9:5

Dǫ naxıgı̨ı̨wǫ-le nı̨dè, naahdè kwe gıkǫ̀ta gots'ǫ ehtł'è naxıkè-tł'a whìle aahłe (hanì-ı̨dè weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha),” gòhdı.

John 13:20

Ehkw'ı anaxèehsı̨, amìı wehɂaa sìı dǫ yets'ǫ̀ nezı̨į̀ anıwǫ nı̨dè sı̨ sets'ǫ̀ nezı̨į̀ anıwǫ hǫt'e. Eyıts'ǫ dǫ sets'ǫ̀ nezı̨į̀ anıwǫ nı̨dè amìı sı̨ı̨hɂàa sìı ts'ǫ̀ nezı̨į̀ anıwǫ hǫt'e,” gòhdı.

Zezì Wecheekeèdeè 2:46

Dzę taàt'eè Nǫ̀htsı̨kǫ̀-gocho gà łą̀ą nègııdè. Edekǫ̀ Nǫ̀htsı̨ łèt'è tàgeezhì gà ełexè shègezhe, sìgeèt'ı̨ xè ehkw'ı agı̨ı̨wǫ.

Zezì Wecheekeèdeè 28:10

T'asìı hazǫǫ̀ t'à nezı̨į̀ goghàlagı̨ı̨dà. Hòt'a ts'eeɂè ha nìkw'o ekò weghǫ shèts'ezhee łǫ goghàgı̨ı̨la.

Zezì Wecheekeèdeè 8:8

Eyıt'à eyı kǫ̀godeè dǫ sıì gınà agòjà.

Rome 10:15

Eyıts'ǫ gots'ǫ̀ K'àowo dǫ goı̨hɂà-le nı̨dè, dànì wegodıì nezı̨ı̨ t'à gots'ǫ̀ gogede welì? Dıı hanì dek'eèhtł'è: “Dǫ godı nezı̨ı̨ gots'ǫ̀ nìı̨ɂǫǫ sìı weghǫ sıì goınà hǫt'e!” dek'eèhtł'è.

Rome 16:2

Naxıts'ǫ̀ nììtła nı̨dè gots'ǫ̀ K'àowo wedahxà nezı̨į̀ wets'ǫ̀ naahɂa ha naxeehwhǫ. Dànì Nǫ̀htsı̨ wets'ǫ dǫ gıts'ǫ̀ k'ehots'eɂaa sìı k'ę̀ę̀ wets'ǫ̀ k'ehoahɂa. T'asìı wegha whìle nı̨dè, wets'àahdı nǫǫ̀, ededı̨ dǫ łǫ ts'àı̨dì ne t'à eyıts'ǫ sı̨ sı sets'àı̨dì hǫt'e.

1 Corınth 16:10

Tımothy sexèht'eè gots'ǫ̀ K'àowo gha eghàlaeda ne t'à, naxıts'ǫ̀ nììtła nı̨dè, naxıgà wheda gots'ǫ̀ t'asìı wı̨ı̨zìı ghǫ nànıwo aweahłe-le.

1 Corınth 16:18

Sedzeè t'à sınà hogèhtsı̨, eyıts'ǫ naxı̨ sı hanaxegį̀į̀là. Dǫ hanıı sìı nezı̨į̀ gıts'ǫ̀ k'ehots'eɂa ha hǫt'e.

2 Corınth 10:18

Eyıt'à amìı edeghǫ xàdahodìı sìı dǫ nezı̨ı̨ gha wııtà nıìle, hanìkò amìı Nǫ̀htsı̨ yeghǫ xàdahodìı sìı dǫ nezı̨ı̨ gha wııtà hǫt'e.

2 Corınth 7:2

Naxıdzeè yìı gogha gòɂǫǫ̀ aahłe. Dǫ wı̨ı̨zìı k'èch'a hots'èhtsı̨ whìle, dǫ wı̨ı̨zìı ekǫ-le eghàlaı̨dà ats'ı̨ı̨là whìle, eyıts'ǫ dǫ t'à edegha sìghà k'ehots'ı̨ı̨ɂa whìle.

Phılıppı 2:28

Eyıt'à ı̨whąą̀ naxıts'ǫ̀ awehłe ha dehwhǫ. Hanì-ı̨dè k'achı̨ weahɂı̨ nı̨dè naxınà ha eyıts'ǫ sı̨ sı t'asìı ghǫ nànıhwho ha-le.

Colosse 4:10

Arıstarchus jǫ sexè dǫ-danìı̨laa-kǫ̀ wheda eyıts'ǫ Mark, Barnabas wèot'ı̨, “Naxıxè sìghà welè,” naxègedı. (Mark wets'ǫ̀ dànì k'ehoahɂa ha sìı eyı ghǫ hòt'a yatı naxıts'ǫ̀ ats'ı̨ı̨là ı̨lè. Naxıts'ǫ̀ nììtła nı̨dè, nezı̨į̀ wets'ǫ̀ naahɂa.)

1 Thessalonıca 5:12

Sèot'ı̨ı̨, dǫ naxıgha hòtł'ò eghàlageedaa sìı gots'ǫ̀ K'àowo wedahxà naxıgha k'aodèe gı̨ı̨lı̨ı̨ eyıts'ǫ hołı̨ı̨ hoahtsı̨ ch'à naxıts'ǫ̀ gogedee sìı nezı̨į̀ gıts'ǫ̀ naahɂa.

1 Tımothy 5:17

Nǫ̀htsı̨ wecheekeè gha k'aodèe gı̨ı̨lı̨ı̨ sìı nezı̨į̀ edılaà eghàlageedaa k'èxa nezı̨į̀ gıts'ǫ̀ nageɂa welì. Dǫ Nǫ̀htsı̨ yatıì t'à gogedee xè dǫ hoghàgogeehtǫǫ sìı wek'èxa denahk'e hanì nezı̨į̀ gıts'ǫ̀ nageɂa welì.

Hebrew 13:17

Naxıts'ǫ̀ k'aodèe gı̨ı̨lı̨ı̨ sìı gık'èaht'e. Nezı̨į̀ naxık'ègedì hǫt'e eyıts'ǫ dànì eghàlageeda k'èxa Nǫ̀htsı̨ gosınìyaehtı ha hǫt'e. Gık'èaht'e, hanì-ı̨dè gınà edılaà ghàlageeda ha, eyıts'ǫ gıgha dezhì ha-le. Gılaà gıgha dezhì aahłà nı̨dè gıt'àhoahwhı ha nıìle.

3 John 1:10

Eyıt'à naxıts'ǫ̀ nèehtła nı̨dè dànì k'ehoɂa xè yatıjıı t'à goghǫ godee sìı ghǫ naxıts'ǫ̀ gohde ha. Hanì k'ehoɂa wegha hòt'a-le t'à, gots'ǫ dǫ ekǫ aget'ı̨ ha goı̨hwhǫ-le. Dǫ hagı̨ı̨wǫǫ sìı haget'ı̨ ha-le gòhdı xè Nǫ̀htsı̨ wecheekeè gıta gots'ǫ nagoèhɂà.