Phılıppı 2:2 - Nǫ̀htsı̨ Nı̨htł'è

² Eyıts'ǫ naxınì ı̨łè zǫ xè naxıdzeè ı̨łè zǫ t'à ełeghǫnıahtǫ nı̨dè, eyıts'ǫ la ı̨łè zǫ gha ełexè eghàlaahda nı̨dè sıì sınà aseahłe ha hǫt'e.

Phılıppı 2:2 ပူးပေါင်းရင်းမြစ်များ

John 3:29

Ts'èko honìdzaa sìı wedǫzhıì ghaelı̨ hǫt'e. Dǫ honìdaa weàgı̨ą yekaɂeèhkw'ǫ hǫt'e. Dǫ ts'ǫ̀ gode yeèhkw'ǫ nı̨dè sıì wınà hǫt'e. Eyı xèht'eè dıì hòt'a sınà hǫt'e.

Zezì Wecheekeèdeè 1:14

Hazǫǫ̀ łą̀ą geèhkw'e xè t'aats'ǫǫ̀ ełexè yagehtı. Ts'èko sı eyı geèhkw'e. Zezì wemǫ Mary eyıts'ǫ wechı goxè aget'ı̨.

Zezì Wecheekeèdeè 2:1

Pentecost dzędeè k'e agòjà ekò Zezì wecheekeè hazǫǫ̀ ı̨łèhkǫ̀ goyìı geèhkw'e ı̨lè.

Zezì Wecheekeèdeè 2:46

Dzę taàt'eè Nǫ̀htsı̨kǫ̀-gocho gà łą̀ą nègııdè. Edekǫ̀ Nǫ̀htsı̨ łèt'è tàgeezhì gà ełexè shègezhe, sìgeèt'ı̨ xè ehkw'ı agı̨ı̨wǫ.

Zezì Wecheekeèdeè 5:12

Zezì wecheekeèdeè dǫnı enıìyah łǫ hogèhtsı̨. Gıgha ehkw'ı-ahodıı gı̨ı̨lı̨ı̨ sìı Solomon wets'ǫ sagòhɂı̨ı̨-k'è łą̀ą ełènagehdè ı̨lè.

Rome 12:16

Ts'èwhı̨į̀ ełexè aahda. Xàhoahdì-le. Dǫ t'asìı gı̨ı̨lı̨-le sìı gıxè aaht'ı̨. Gınahk'e ats'ı̨ı̨t'e dahwhǫ-le.

1 Corınth 1:10

Sèot'ı̨ı̨, Zezì wedahxà hazǫǫ̀ ı̨łè zǫ laaht'e naxèehsı̨, hanì-ı̨dè ełek'èch'a aaht'e ha-le eyıts'ǫ hotıì naxınì ı̨łè zǫ lanì ha.

2 Corınth 13:11

Sèot'ı̨ı̨, nǫǫde t'à dıı hanaxèehsı̨ ha: naxıxè sìghà welè, deghàà degaı aahde gha hòtł'ò eghàlaahda, ayìı dànaxèehsı̨ı̨ sìı seyatıì ààhchı, naxınì ı̨łè zǫ welè, ts'èwhı̨į̀ ełexè aahda. Hanì-ı̨dè Nǫ̀htsı̨ goghǫneètǫǫ, wexè ts'èwhı̨į̀ hòɂǫǫ sìı naxıxè wehòhɂǫ ha.

2 Corınth 2:3

Eyıt'à hanì naxıts'ǫ̀ ııtł'è ı̨lè. Hanì-ı̨dè naxıts'àwhıhtła nı̨dè naxı̨ sınà aseahłe ha ı̨lèe sìı ts'ǫǫ̀dehwhǫǫ̀ aseahłe ha-le ı̨lè. Hazǫǫ̀ sexè naxınà ha dahwhǫ ne hotıì wek'èehsǫ.

2 Corınth 7:7

Ededı̨ gots'àèhtła zǫ t'à godzeè nàtsoò ajà nıìle, naxı̨ sı wedzeè nàtsoò awèahłà t'à godzeè nàtsoò adlà hǫt'e. Naxıdzeè t'à seahɂį̀ ha dahwhǫ, dànì ts'ǫǫ̀dahwhǫ, eyıts'ǫ dànì sıì seghǫ nànıahdèe sìı ghǫ goxè goado. Eyıt'à sıì denahk'e sınà hǫt'e.

Phılıppı 1:4

Naxıgha yahtı taàt'eè sınà xè yahtı.

Phılıppı 2:16

yatı wet'à ts'eedaa sìı wek'ę̀ę̀ aahda t'à. Hanì aahda nı̨dè Zezì-Krı nììtłaa dzęę̀ k'e naxıghǫ xàdahohdì ha, eyıts'ǫ dıı haehsı̨ ha, “Ekìı-ka hòtł'ò eghàlaıhdà-le nǫǫ̀,” dehsı̨ ha.

Phılıppı 2:20

Tımothy wexèht'eè dǫ naxıts'ǫ̀ ahłe ha gǫ̀hłı̨-le, dàaht'ee sìı yek'èezǫ ha nıwǫ eyıts'ǫ naxıxè sìghà welè nıwǫ t'à.

Phılıppı 4:2

Ts'èko nàke Euyodıa eyıts'ǫ Syntyche gıts'ǫ̀ dıı haehsı̨, gıghǫnàdaehtì, “Ełek'èch'a aahdı-le, hanìkò gots'ǫ̀ K'àowo wets'ıhɂǫ̀ naxınì ı̨łè zǫ welè,” gèehsı̨.

Colosse 2:5

Sezhį̀į̀ t'à naxıts'ǫ̀ gǫǫwà whıhda, hanìkò sınì t'à naxıxè aht'e. Hotıì ehkw'ı aahda, eyı xè Zezì-Krı ghǫ naxınì nàtso t'à sıì sınà hǫt'e.

2 Thessalonıca 2:13

Hanìkò sèot'ı̨ı̨, naxı̨ gots'ǫ̀ K'àowo naxıghǫneètǫǫ sìı kèhǫǫ̀wo gots'ǫ edaxànaxeeze ha naxį̀į̀hchì hǫt'e t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Yedàyeh Nezı̨ı̨ sìı Nǫ̀htsı̨ wets'ǫ dǫ degaı aahłı̨į̀ anaxį̀į̀là t'à eyıts'ǫ naxıgha ehkw'ı-ahodı t'à edaxànaxı̨ı̨la hǫt'e.

2 Tımothy 1:4

Įdì nenatì wenahdì t'à, neehɂį̀ ha dehwhǫ. Neehɂį̀ nı̨dè sıì sınà ha ne.

Phılemon 1:20

Sèot'ı̨ı̨, gots'ǫ̀ K'àowo wets'ıhɂǫ̀ t'asìı net'àhoehwhı ha dehwhǫ. Eyıt'à Zezì-Krı wets'ıhɂǫ̀ sedzeè t'à sınà ası̨ı̨le.

2 John 1:4

Naxıts'ǫ dǫ mǫ̀hdaa nàowo ehkw'ıı k'ę̀ę̀ geeda wek'èehsǫ t'à sıì sınà, Nǫ̀htsı̨-Gotà hanì ts'eeda ha gòhdı ı̨lè k'ę̀ę̀.

3 John 1:4

Dǫ seza lagı̨ı̨t'ee sìı nàowo ehkw'ıı k'ę̀ę̀ geeda weghǫ eèhkw'o t'à sıì denahk'e sınà hǫt'e.