Phılıppı 2:19 - Nǫ̀htsı̨ Nı̨htł'è

¹⁹ Gots'ǫ̀ K'àowo hanıwǫ nı̨dè whaà-le-t'ıì Tımothy naxıts'ǫ̀ awehłe ha. Hanì-ı̨dè naxıghǫ godı eèhkw'o nı̨dè sedzeè t'à sınà ha.

Phılıppı 2:19 ပူးပေါင်းရင်းမြစ်များ

Matthew 12:21

Dǫ hazǫǫ̀ xàɂaa ededı̨ Edaxàgolee elı̨ı̨ sìı gıgha ehkw'ı-ahodı ha,” Isaıah hadı, yeghǫ goı̨de ı̨lè.

Zezì Wecheekeèdeè 16:1

Paul, kǫ̀ta Derbe eyıts'ǫ kǫ̀ta Lystra nàhtła, Nǫ̀htsı̨ wecheekeè ı̨łè Tımothy wìyeh ekǫ nàdè. Tımothy wemǫ Israel got'ı̨į̀ hǫt'e eyıts'ǫ wegha ehkw'ı-ahodı hǫt'e, hanìkò wetà Greece got'ı̨į̀ hǫt'e.

Rome 15:12

Eyıts'ǫ nakwenàoɂǫǫ Isaıah dıı hadı dek'eèhtł'è, “Jesse wèot'ı̨ gıta gots'ǫ chekoa dǫ elı̨ ha, ededı̨ sìı dıı nèk'e dǫ hazǫǫ̀ gha k'àowo elı̨ ha. Israel got'ı̨į̀ agı̨ı̨t'e-le sìı weghǫ gınì nàtsoò ade ha,” dek'eèhtł'è.

Rome 16:21

Tımothy sexè eghàlaedaa sìı, “Naxıxè sìghà welè,” naxèhdı, eyıts'ǫ Lucıyus, Jason eyıts'ǫ Sosıpater, xàè sèot'ı̨ agı̨ı̨t'ee sìı, “Naxıxè sìghà welè,” gedı.

1 Corınth 4:17

Eyıt'à Tımothy naxıts'ǫ̀ weehɂà ha hǫt'e. Seza lanì weghǫneehtǫ, gots'ǫ̀ K'àowo gha wınì nàtso. Dànì Zezì-Krı wegha ehdaa sìı naxıts'ǫ̀ hadı ha. Kǫ̀ta hazǫǫ̀ Nǫ̀htsı̨ wecheekeè dànì hoghàgeehtǫǫ sìı t'aats'ǫǫ̀ hanì ehda hǫt'e.

Ephesus 1:13

Naxı̨ sı yatı ehkw'ıı ghǫ aàhkw'ǫ eyıts'ǫ godı nezı̨ı̨ wet'à dànì edaxàahdè ha weghǫ aàhkw'ǫ t'à Zezì-Krı wexè ı̨łè laahjà. Naxıgha ehkw'ı-ahodıì aahjà ekò, Nǫ̀htsı̨ Yedàyeh Nezı̨ı̨ goghàyeɂà ha dı ı̨lèe sìı wet'à naxık'e nàekwı̨ lanì hǫt'e, eyı weghàà Zezì-Krı wets'ǫ aaht'e naxık'èhoedzǫ.

Phılıppı 1:1

Kǫ̀ta Phılıppı dǫ Zezì-Krı wets'ıhɂǫ̀ Nǫ̀htsı̨ wets'ǫ dǫ agı̨ı̨t'ee eyıts'ǫ gıts'ǫ k'aodèe yàgı̨ı̨lı̨ı̨ sìı dıı enı̨htł'è gıts'ǫ̀ aatł'è hǫt'e. Zezì wecheekeè, Paul eyıts'ǫ Tımothy, dıı naxıts'ǫ̀ gı̨ı̨tł'è:

Phılıppı 2:18

Naxı̨ sı sexè naxınà welè.

Phılıppı 2:28

Eyıt'à ı̨whąą̀ naxıts'ǫ̀ awehłe ha dehwhǫ. Hanì-ı̨dè k'achı̨ weahɂı̨ nı̨dè naxınà ha eyıts'ǫ sı̨ sı t'asìı ghǫ nànıhwho ha-le.

1 Thessalonıca 3:2

Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.

1 Thessalonıca 3:5

Eyı ts'ıhɂǫ̀ sıì naxıghǫ nànıhwho t'à, Tımothy naxıts'ǫ̀ wııhɂà hǫt'e. Ayìı naxıgha ehkw'ı-ahodıı sìı asį̀į̀ ı̨łaà wet'à nàahtso, wek'èehsǫ ha dehwhǫ t'à awèhłà. Edahxǫ t'asìı t'à wehłı̨ı̨ naxeèhdzà ha sǫnı dehwhǫ t'à, eyıts'ǫ dànì naxıgha hòtł'ò eghàlats'ı̨ı̨dàa sìı ekìı k'ètł'ǫ̀ ade ha sǫnı dehwhǫ t'à sıì naxıghǫ nànıhwho ı̨lè.

2 Thessalonıca 1:3

Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

James 4:15

Ehkw'ı goahde xè dıı haahdı welì, “Gots'ǫ̀ K'àowo hanıwǫ nı̨dè, ts'eedaa xè dıı hats'ele ha, hanì-le-ı̨dè eyı hats'ele ha,” haahdı welì.

1 Peter 1:21

Wets'ıhɂǫ̀ Nǫ̀htsı̨-Gotà naxıgha ehkw'ı-ahodı eyıts'ǫ edaxànaxeehtè gha naxınì nàtso. Nǫ̀htsı̨-Gotà ededı̨ sìı Zezì-Krı k'achı̨ naìdà ayį̀į̀là hǫt'e eyıts'ǫ wexè enıìyah hòɂǫǫ̀ ayį̀į̀là.