Phılıppı 2:11 - Nǫ̀htsı̨ Nı̨htł'è

¹¹ Eyıts'ǫ hazǫǫ̀ edewà t'à dıı hagedı ha, “Zezì-Krı gots'ǫ̀ K'àowo hǫt'e.” Hagedıì Nǫ̀htsı̨-Gotà ghàsǫgeedı ha.

Phılıppı 2:11 ပူးပေါင်းရင်းမြစ်များ

Matthew 10:32

“Amìı dǫ nadąą̀ sek'èezǫ hadıı sìı Setà yak'e whedaa sìı wenadąą̀ eyı dǫ wek'èehsǫ dehsı̨ ha.

Luke 2:11

Dıı dzęę̀ k'e k'àowocho Davıd wekǫ̀ta Edaxàgolee elı̨ı̨ sìı wegǫ̀hłı̨. Eyı bebìa sìı gots'ǫ̀ K'àowo Chrıst hǫt'e.

John 12:42

Israel got'ı̨į̀ gha k'aodèe gıgha ehkw'ı-ahodı-le, hanìkò dǫ łǫ goxè aget'ı̨ı̨ sìı ehkw'ı adı gı̨ı̨hwhǫ. Hanìkò Pharısee gı̨ı̨lı̨ı̨ sìı gots'àgeejı̨. Ełègehdèe-kǫ̀ gots'ǫ xàgogehɂà ha sǫnı gı̨ı̨wǫ t'à Zezì gıgha ehkw'ı adıı sìı t'à dǫ xè gogedo-le.

John 13:13

“ ‘K'àowo’ sèahdıı sìı ehkw'ı aahdı hǫt'e, naxıts'ǫ̀ K'àowo aht'e ne t'à.

John 13:14

Sı̨ naxıts'ǫ̀ K'àowo aht'ee sìı naxıkè k'enaıhtso k'ę̀ę̀ naxı̨ sı ełekè k'enaahtse ha hǫt'e.

John 14:13

Eyıts'ǫ sıızì t'à t'asìı seahkè nı̨dè naxıgha hahłe ha, hanì-ı̨dè Nǫ̀htsı̨ Weza Edetà ghàsǫhoedıì ayele ha.

John 14:23

Zezì yets'ǫ̀ hadı, “Dǫ seghǫneètǫ nı̨dè seyatıì k'èı̨t'e ha. Setà yeghǫneètǫ ha, wets'ǫ̀ ats'ede ha, eyıts'ǫ wexè ats'ı̨ı̨t'e ha.

John 17:1

Zezì hadı tł'axǫǫ̀, ı̨dòo yak'e ts'ǫ̀ k'eet'į̀ xè yahtı, hadı, “Setà, hòt'a eyı nèhòı̨wo, Neza weghàsǫhoedıì anele, hanì-ı̨dè Neza neghàsǫhoedıì ayele ha.

John 20:28

Thomas yets'ǫ̀ hadı, “Sets'ǫ̀ K'àowo eyıts'ǫ Senǫ̀htsı̨ anet'e!” yèhdı.

John 5:23

Hanì-ı̨dè dǫ hazǫǫ̀ Gotà ts'ǫ̀ nezı̨į̀ nageɂa lanì Weza ts'ǫ̀ nezı̨į̀ nageɂa ha. Gotà Edeza gots'ǫ̀ yı̨ı̨hɂà t'à, amìı Weza ts'ǫ̀ nezı̨į̀ nageɂa-le sìı Wetà ts'ǫ̀ nezı̨į̀ nageɂa-le hǫt'e.

John 9:22

Dǫ wèot'ı̨ Israel got'ı̨į̀ gha k'aodèe ts'àgeejı̨ t'à agedı. Israel got'ı̨į̀ gha k'aodèe dıı hagedı ı̨lè, “Amìı, ‘Zezì, Chrıst hǫt'e,’ hadıı sìı ełèts'ehdèe-kǫ̀ at'ı̨ ha-le,” gedıì yatıì gèhtsı̨ ı̨lè.

Zezì Wecheekeèdeè 10:36

Nǫ̀htsı̨ Israel got'ı̨į̀ yatı gots'ǫ̀ ayį̀į̀làa sìı wek'èahsǫ hǫt'e. Zezì dǫ hazǫǫ̀ ts'ǫ̀ k'àowo elı̨ı̨ sìı wets'ıhɂǫ̀ dǫ xè sìghà hòɂǫ hǫt'e. Nǫ̀htsı̨ hanì yatı gots'ǫ̀ ayį̀į̀là ı̨lè.

Zezì Wecheekeèdeè 2:36

“Eyıt'à Israel got'ı̨į̀ hazǫǫ̀ Nǫ̀htsı̨ dànì gogha eghàlaı̨dàa sìı hotıì gık'èezǫ ha: Eyı Zezì dechı̨et'aa k'e wedeàhtsòo sìı Nǫ̀htsı̨ gogha K'àowo yèhtsı̨ eyıts'ǫ Chrıst sı yèhtsı̨,” Peter hadıì dǫ ts'ǫ̀ goı̨de.

Rome 14:11

Dıı hanì dek'eèhtł'è hǫt'e: “Gots'ǫ̀ K'àowo dıı hadı, ‘Xàè sıızì dahxà dıı haehsı̨ hǫt'e, Dǫ hazǫǫ̀ sets'ǫ̀ nàgògehgè ha, eyıts'ǫ dǫ hazǫǫ̀, Nǫ̀htsı̨ aht'e sègedı xè seghàsǫgeedı ha hǫt'e,’ ” dek'eèhtł'è.

Rome 14:9

Eyı gha Zezì-Krı ełaı̨wo eyıts'ǫ naìdà, eyıt'à dǫ geeda eyıts'ǫ dǫ ełaı̨dèe gogha k'àowo whelı̨.

Rome 15:9

Hanì-ı̨dè Israel got'ı̨į̀ agı̨ı̨t'e-le sìı Nǫ̀htsı̨ etegoòɂı̨ k'èxa gıghàsǫedı ha. Dıı hanì dek'eèhtł'è k'ę̀ę̀: “Dǫ hazǫǫ̀ xàɂaa gıta neghàsǫehdı ha. Shı̨ t'à neghǫ ehjı̨ ha.”

1 Corınth 12:3

Eyıt'à dıı hanaxèehsı̨: Yedàyeh Nezı̨ı̨ dǫdzeè yìı nàdè nı̨dè eyı dǫ, “Zezì ts'ǫ̀ hoìla welè,” hadı hǫı̨lı̨ ha nıìle. Eyıts'ǫ Yedàyeh Nezı̨ı̨ dǫdzeè yìı nàdè-le nı̨dè eyı dǫ, “Zezì sets'ǫ̀ K'àowo hǫt'e,” hadı ha nıìle.

1 Corınth 15:47

T'akwełǫ̀ǫ̀ dǫ wehòèlı̨ı̨ sìı dıı nèk'e gots'ǫ ehtł'è t'à hòèlı̨ hǫt'e, hanìkò dǫ nǫǫde ajàa sìı yak'e gots'ǫ hǫt'e.

1 Corınth 8:6

hanìkò goxı̨ gogha sìı Nǫ̀htsı̨ ı̨łè zǫ gǫ̀hłı̨, eyı sìı Nǫ̀htsı̨-Gotà hǫt'e. Ededı̨ t'asìı hazǫǫ̀ whehtsı̨ eyıts'ǫ ededı̨ wegha ts'eeda hǫt'e. Eyıts'ǫ gots'ǫ̀ K'àowo ı̨łè zǫ gǫ̀hłı̨, eyı sìı Zezì-Krı hǫt'e. Ededı̨ wet'ǫ̀ǫ̀ t'asìı hazǫǫ̀ hòèlı̨, eyıts'ǫ wet'à ts'eeda hǫt'e.

1 Peter 1:21

Wets'ıhɂǫ̀ Nǫ̀htsı̨-Gotà naxıgha ehkw'ı-ahodı eyıts'ǫ edaxànaxeehtè gha naxınì nàtso. Nǫ̀htsı̨-Gotà ededı̨ sìı Zezì-Krı k'achı̨ naìdà ayį̀į̀là hǫt'e eyıts'ǫ wexè enıìyah hòɂǫǫ̀ ayį̀į̀là.

1 John 4:15

Amìı, Zezì Nǫ̀htsı̨ Weza hǫt'e wegha ehkw'ı-ahodıı sìı, Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 4:2

Dǫ Nǫ̀htsı̨ wets'ǫ Įnì Degaı t'à gode nı̨dè dıı weghàà wek'èahsǫ ha: Įnì hazǫǫ̀ Zezì-Krı dıı nèk'e wegǫ̀hłı̨ hagedıı sìı Nǫ̀htsı̨ gots'ǫ agı̨ı̨t'e.

2 John 1:7

Dǫ ghǫyageeɂàa łǫ dıı nèk'e dǫ ta ts'ǫ̀ agejà hǫt'e. Zezì-Krı dıı nèk'e wegǫ̀hłı̨ı̨ sìı gıgha ehkw'ı-ahodı nıìle. Hanıı dǫ sìı eghǫyageeɂàa-dǫǫ̀ agı̨ı̨t'e, eyıts'ǫ Zezì-Krı ts'ǫ̀ kànegı̨ı̨ɂaa dǫǫ̀ agı̨ı̨t'e.

John Wenazhıı 3:5

T'aa hołı̨ı̨ ghǫehnèe sìı eyı lanì goht'ǫ degoo yìı geèhkw'e ha. Nı̨htł'è k'e dǫ welǫ whìle ts'ǫ̀ geeda gha gıızì dek'eèhtł'èe sìı gots'ǫ gıızì ejınahwha ha-le, hanìkò Setà wenadąą̀ eyıts'ǫ yak'eet'ı̨į̀ gınadąą̀ eyı dǫ wek'èehsǫ dehsı̨ ha.