Phılıppı 1:8 - Nǫ̀htsı̨ Nı̨htł'è

⁸ Zezì-Krı wets'ıhɂǫ̀ sıì naxıghǫneehtǫ eyıts'ǫ naxıxè aht'e ha dehwhǫ; Nǫ̀htsı̨ yek'èezǫ hǫt'e.

Phılıppı 1:8 ပူးပေါင်းရင်းမြစ်များ

Luke 1:78

Nǫ̀htsı̨ sıì etegoòhɂı̨ hǫt'e. Edaxàgohtè nı̨dè yak'e gots'ǫ gok'e sa nı̨ı̨dı̨ lagode ha.

Rome 1:9

T'aats'ǫǫ̀ naxıgha yahtı Nǫ̀htsı̨ yek'èezǫ hǫt'e. Sedzeè t'à Nǫ̀htsı̨ wegha hòtł'ò eghàlaehda, eyıts'ǫ Weza wegodıì nezı̨ı̨ t'à dǫ hoghàgeehtǫ.

Rome 9:1

Zezì-Krı wedahxà ehkw'ı gohde, naxıts'ǫ̀ hohts'ì nıìle. Yedàyeh Nezı̨ı̨ sınì ts'ǫ̀ k'àowo ne t'à, ayìı segha ehkw'ıı sìı wek'ę̀ę̀ naxıts'ǫ̀ gohde ha:

2 Corınth 13:9

Goxı̨ nàts'etso-le t'à naxı̨ nàahtso nı̨dè goınà hǫt'e, eyıts'ǫ deghàà degaı aahde ha naxıgha yats'ehtı hǫt'e.

2 Corınth 6:12

Godzeè t'à t'aats'ǫǫ̀ naxıghǫnets'eètǫ hǫt'e, hanìkò naxı̨ sìı goghǫnıahtǫ gha edèdaahdı.

2 Corınth 7:15

Dànì hazǫǫ̀ wek'èaht'e yenadì nı̨dè denahk'e ededzeè t'à naxıghǫneètǫ hǫt'e. Dànaxèhdı ha sǫnı dahwhǫ t'à wets'àahjı̨ kò nezı̨į̀ wets'ǫ̀ naahɂa ı̨lè, eyıts'ǫ t'asìı hazǫǫ̀ t'à wek'èaht'e ı̨lè.

Galatıa 1:20

Nǫ̀htsı̨ wenadąą̀ ehkw'ı naxıts'ǫ̀ gohde wek'èahsǫ ha dehwhǫ, hohts'ìı t'à naxıts'ǫ̀ eehtł'è nıìle.

Galatıa 3:26

Zezì-Krı naxıgha ehkw'ı-ahodı dahxà naxı̨ hazǫǫ̀ Nǫ̀htsı̨ weza aaht'e.

Galatıa 4:19

Sèot'ı̨ı̨, ts'èko chekoa nìhtè lanì naxıgha daıhɂà, Zezì-Krı deghàà naxıdzeè yìı nàdè ade gots'ǫ̀ daıhɂa hǫt'e.

Phılıppı 2:1

Zezì-Krı wexè ı̨łè aaht'e t'à naxınì nàtso welè, naxıghǫneètǫ t'à naxınà welè, Yedàyeh Nezı̨ı̨ wexè naxınì ı̨łè zǫ welè, naxıdzeè t'à dǫ eteahɂı̨ welè.

Phılıppı 2:26

Hazǫǫ̀ naxıghaàwo hǫt'e, eyıts'ǫ eyaelı̨ı̨ weghǫ aàhkw'o t'à naxıghǫ ts'ǫǫ̀nıwǫ.

Phılıppı 4:1

Sèot'ı̨ı̨, gots'ǫ̀ K'àowo wegha naxınì nàtso aahwhǫ eyıts'ǫ wedahxà dànì ts'eeda ghǫ ııhtł'èe sìı wek'ę̀ę̀ aahda. Seàgı̨ą, naxıghǫneehtǫ hǫt'e, naxıxè aht'e ha dehwhǫ, eyıts'ǫ sıì sınà asèahłà xè naxıghǫ xàhohdì.

Colosse 2:1

Naxıgha, kǫ̀ta Laodısıya dǫ nàgedèe sìı gıgha eyıts'ǫ dǫ xàè segıaɂı̨-le sìı gıgha daıhɂa. Dàı̨hcho ts'ǫ̀ naxıgha daıhɂaa sìı wek'èahsǫ ha dehwhǫ.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

1 Thessalonıca 2:5

Ekìı yatı nezı̨ı̨ t'à naxıts'ǫ̀ gots'ı̨ı̨de whìle. Ets'edì-le t'à naxısǫǫ̀mbaà gha naxıghǫyats'eeɂà ha hots'ehdzà-le ı̨lè. Dànì eghàlats'ı̨ı̨dàa sìı Nǫ̀htsı̨ gok'èezǫ hǫt'e.

1 Thessalonıca 2:8

Sıì naxıghǫnets'eètǫ t'à Nǫ̀htsı̨ wegodıì nezı̨ı̨ naxıghàts'eɂà ha sıì goınà hǫt'e. Eyı zǫǫ̀-le, naxıts'àts'edı ha ts'ı̨ı̨wǫ t'à hanì naxıxè ts'ı̨ı̨dà. Haı̨hcho ts'ǫ̀ sıì naxıghǫnets'eètǫǫ̀ aahjà hǫt'e.

2 Tımothy 1:4

Įdì nenatì wenahdì t'à, neehɂį̀ ha dehwhǫ. Neehɂį̀ nı̨dè sıì sınà ha ne.

Phılemon 1:12

Sedzeè t'à segha dìì kò nets'ǫ̀ naweehɂà ha.

Phılemon 1:20

Sèot'ı̨ı̨, gots'ǫ̀ K'àowo wets'ıhɂǫ̀ t'asìı net'àhoehwhı ha dehwhǫ. Eyıt'à Zezì-Krı wets'ıhɂǫ̀ sedzeè t'à sınà ası̨ı̨le.

1 John 3:17

Dǫ t'asìı łǫ wets'ǫ sìı wèot'ı̨ t'asìı wets'ǫ-le yek'èezǫ kò eteyeèɂı̨-le nı̨dè, dànì Nǫ̀htsı̨ goghǫneètǫǫ sìı k'ę̀ę̀ eda ha?